HOSIYA 4:3 - BAIBEL (BSI)

³ Tighenguno aghakhuye qhaive nani eno tile xuaghi keu kumtsu thikhave nani. Lhoxu jeli, aghau jeli eno akha jeli kumtsu thive nani.”

Sumi Naga CL (Re-edited) Bible (BSI)

³ Tighenguno ayeghi no mloqa, tile küxümi kümtsü no iju ani, aghasa lo tüghashi ngo atsütsü lo aghauqo eno azüghi lo akhaqou ghi haukhavae.

HOSIYA 4:3 ပူးပေါင်းရင်းမြစ်များ

ISAIAH 33:9

Aghakhulo ayeghiqoye pheveno qanimlo ani. Libanon ghasuye kilimughoyivae, aghumakua Sharon khilaye asayeqha toivae eno Bashan ngo Karmel Toghilo asuboqo nipa ye ighiqive ani.

JEREMIYA 12:4

Niyeghiye ado khitotohi qhai anani kya? eno aluza kumtsulo khitotohi thizummuyi anani kya? Lhoxu ngo aghauqoye thi ayeake, tiye ni-timiqono kixikila ke ghenguno, “Ninguno kiu shiani keno Alhou ye ithulu achemoe,” ipi pichekemi timiqoke.

JEREMIYA 23:10

Aghakhuye AMPEU lau amikuchoshi xuchemo kemino chhitoivae; Panonguno akuxu lhoksa shi xuacheni eno pano kuka pepusa acheni. AMPEU no musuinikeu ghenguno ayeghiye mloqa ani, eno asutsaniye ighuiveake.

JEREMIYA 4:25

Ino jukelo timi khumu kuhae; aghauqo ghi kumtsu yewukhave.

JEREMIYA 9:10

Ino pi, “Niye naghutoqo ghenguno mloqah eno aluza ghenguno anhezu pijinike, kughengu tipaqoye qhaive ake eno khunomu tipaqo kathasu izuwumove ake. Amshi ghugha khilemu chilumovae; aghau ngo tughashiqoye yewu khavae eno chekhavae.”

JEREMIYA 9:9

Hipaqo thime ghenguno niye panoqo ghimeqhimoni kesha? Hitoikeu shiayeh shou niye amkhu lumoni kesha? Ni, AMPEU no piqhiveake.”

EZEKEL 38:20

Ayeghilo ashi, aghau, akha jeli kije na kitila namu eno timi lhoxu kumtsu imusa kelauno khokhoshive nani. Naghutoqono ikiqive nani, atuxuqono ipopinyive nani eno putukeu tupikiye kumtsu ilaiqive nani.

JOYIL 1:18

Tughashiqono avekusa launo igha suani, Amshi lojiqoye a-a shimlano ani kughengu atsuni muzakepu kuhake; Bheri loji ghi inayi khaveake.

AMUS 1:2

Amus no pi, “AMPEU no Zion lono igha, Jerusalem lo pa sutsano tsutsu kusu toike. Bherikhemino achukumza chekeu ighuyive, Karmel Toghilo Atsunino hughaive.”

AMUS 5:16

Ike AMPEU, Aqokitikhi Lhou no pi, “Aphughi laghilalo igha qakeu eno amloksashi qakeu anani. Kithimiqo shou mlo qapenike akumolo qasutsu peniye ame tsukeqo likhi kumono alulo huakemi ghi qasu kuphupe nike kuwu nani.

AMUS 8:8

Highenguno ayeghino itha nani, eno aghakhulo akemi kumtsu avekusa shi nani. Aghakhu kumtsu sukiniqhi nani; hiye Nayil ghoki toi iku puzu iluqive nani.

NAHUM 1:4

Pano azughi ahza tsu eno tiye chethove! Pano aghoki qhaive peke. Bashan luzaqa ighuive, Karmel Toghino hughai idive, eno Libanon xamununo aju idiveke.

ZEFANIA 1:3

timi lhoxu kumtsu, ashi aghauqo eno akhaqo kutsaleveni. Ino kusakughami xale qhiveni. Ino timi jeli kumtsu kutsaleveni eno timi lakhimu ghupe qhimo nani. Ni AMPEU no piqhi ani.”

ZEKHARIA 5:4

Aqokitikhi MPEU no pike pano musuinikeu hipau puwuni eno tipauno kupkami lakhikhi kilo ilo nani, tushoqhikelo mikikemi lakhikhi kilo ilo nanike. Hiye panoqo kilo ngoauve nani eno pano kuxu ixapinyipe qhive nani.”