HOSIYA 2:2 - BAIBEL (BSI)

² Itianuliqo, ozaye inipu kumovea eno niye likimi kumovea kemu li putsatsulo. Lino kutuqha eno salha shupu chekeu qhivelopi li putsatsulo.

Sumi Naga CL (Re-edited) Bible (BSI)

² “O za lomipi lo— kughengu li ye I nipu kumoe, eno ni ye li kimi kumovae— tishino li pelo kütüqha pemove, eno li pelo asalha tave pelo;

HOSIYA 2:2 ပူးပေါင်းရင်းမြစ်များ

ISAIAH 11:12

AMPEU no ashiayehqo piyenike michiphi peqhe nani, tiye ayeghi cheku bidi lono Israilmi ngo Judami apanagha hale puakeqo itaghi hekutsu kumqono sachile saghi niyeke.

ISAIAH 50:1

AMPEU no pi, “Niye timi lakhino pa nipu jumuve ketoi iwu timiqo puwuve kughashi nonguye kumsu ani kesha? Tishiaye, jumu kilevekeu kaku khile ani kya? Nonguno kumsukeuye niye timi lakhino pa tianuli aquaxe shi penike jevekeshi nongu akughu shikeulo jepuwuve kughashi ani kesha? Moe, nonguno akughu shiwuve keuye nongu xineqo ghengu noke; Nonguno heqhi buqhikeu ghenguno nonguye hapuwuveke.

ISAIAH 58:1

AMPEU no pi, “Nono toluke thaqhu asheshulo! Iwu timi Israilmi vilo panoqo xine pilo!

JEREMIYA 19:3

AMPEU no ivilo ishi pilo pike, “Juda lo kukamiqo eno Jerusalem lo akemiqo, ni, Aqokitikhi MPEU, Israil Lhou no kiu piani keno inilo. Ino a-a hipau shou kutsakungo keu lakhi sughini cheni eno tipau shikeu chilukemi kumtsu mamaive nani.

JEREMIYA 2:2

hipau tsape pesu Jerusalem lo timi kumtsu lau asheshulo pike. “Kughou nonguno alhothe shi akeno nonguye kiutoi pukhukulu keno ino kumsulu ae, ningu kulakupu shitughuloye nonguye kiutoi ikimiye chekeno; Nonguno asayeqhalo kishi ipapelu chekeno, yisumokeu yeghilo achekelo.

JEREMIYA 3:1

AMPEU no pi, “Timi lakhino pa nipu sasu ixave aye eno lino pa launo wuve puzu kutami nipu shive aye paye li sachilelu kithe mlake. Tishiaye, tipa yeghi qhoi shipixive niake. Ikemu Israil, nonguye alojipumi kutomo auve puzu itehiye ilau ideighi nishi ani kesha?

JEREMIYA 3:13

Okuyiqu likhi ithichilelulo eno noye AMPEU oLhou shou hebideve kepi ithilulo. Asu minipho kumtsu qholono nono inagha lhouqo lau owu kikimiye tsuve eno noye ino ahza tsukeu papelumove kepi piphevelo. Ni, AMPEU no piqhi ani.

JEREMIYA 3:18

Israil ye Juda gholo pekuqhave nani eno panongu kumtsa ahuu ayeghi akeu kudauno halepuwuve keu lono ighini eno ino nongu puasu lau amheghipu shi tsukeu yeghilo ide ighi nani.”

EZEKEL 16:20

“Tithiuye nono anuli khunoqo ilauno ithulukeno, tipaqo pesu agha shikeu gho shighi asu-atu julhoqo mllaveke. Osalhaye mikhemighe kughashi ani kesheno

EZEKEL 16:25

Alaghilapa kumtsulo a-a qhemghai keu shipe qhike eno ojukivi tileno sunhe kiti pesu salhake. Nono iqho iqichekemi kumtsu lau noikhipe tsuvecheke eno osalha kighishe acheke.

EZEKEL 20:4

“Thinikuau timio, noye panoqo shou xakutha shiniye ani kema? Tishiaye tishilo. Panoqo vilo panoqo puasuno kuchhube kutsula kiu shiche keno tipau pesu piputolo.

EZEKEL 23:43

Ike ino ilikhi ishi ivilo pikeuno timi hipaqoye totimi lakhi asalha lono angaghaive kemi kusalhami lakhi toi peitha ani.

EZEKEL 23:45

Amikuchomiye asalha shupu ngo ghikiqhi pesu timi tipaqo shou nguku puzu peive nani kughengu panonguno shupu salha acheni eno panoqo uye ajino hedapu anike.”

HOSIYA 1:2

Atughushi AMPEU no Hosiya vechewo Israilmi vilo ishi pike, “Wuno anipu lakhi lulo; onipuye amikucho kumomi lakhi shi nani eno otianuli ghi li paphi shi nanike. Tipa tho lono iwu timiqoye iqhiveake eno amikucho kumomi shiwuveake.”

HOSIYA 2:1

Ikemu nokusami Israilmi vilo “Alhou wu Timiqo” eno “AMPEU no kimiyekeqo” ipi pikilelo.

HOSIYA 2:5

kughengu panoqo pazano salhashupuke eno kujomza kepu ghushoghili shike. Lino ishi pike, “Niye ilojipumi khunoqono chuqu kusho itsu cheni, akuluphi, phepheyikeu phi itsu cheni eno oliv teli ngo atsayiji itsu cheni keno tipaqo lau wunie.”

HOSIYA 4:5

Puthopucho nonguno kupuxalu ani eno tungkupumi ghi nongu nguno akiviu kiumu shiamoe. Niye nongu paza Israil kutsaveni cheni.

MICAH 2:13

Alhou no panoqo ghenguno ala khaqhitsu nani eno halepupokeu lono panoqo saipe nani. Panonguno aphughi kikha vexu ipeveno ililayi wu nani. AMPEU ampino akukau shino panoqo saipe nani.

2 Kor. 5:16

Tighenguno ninguye timi kuxu ghola qhemi pesu khuu shou mu xatha chemoe. Ghuthu lakhiye ninguno timi kuxu ghola qhemi pesu Khristo shou xathaju che kemu itehiye khilemu tishimovae.