HOSIYA 1:4 - BAIBEL (BSI)

⁴ Tileno AMPEU no Hosiya vilo pi, “Pa je Jezrel kutsulo, kughengu ado kushuwa womono ino Israil kukau ghimeqhini cheni, tiye pa puasu Jehu no Jezrel lo aji pelepua keu ghenguno ke.

Sumi Naga CL (Re-edited) Bible (BSI)

⁴ Eno Ampeu no pa vilo pi, “Pa je ye Jezreel kutsülo, kughengu ado kitila thiu Jezreel lo aji pelekeu ghenguno I no Jehu kibolomi ghime nani, eno I no Israel shiaye kükaqha kishekhave tsü nani.

HOSIYA 1:4 ပူးပေါင်းရင်းမြစ်များ

KUKAMI AKINIU 10:1

Ahab lagha lono ikowokeqo pano lhotsuni Samaria phughilo ache. Jehu no yesu lakhi yepe aphughi lo ayehkipemi lau, atomi aghakhumi lau eno Ahab lagha lo ampi atomi kumtsu lau kulha tsupuwu. Yesulo hitoi yepua:

KUKAMI AKINIU 10:17

Kughou pama no Samaria tolu keno Jehu no Ahab lagha lakhi mu ghumono pithi khavetsu. Tishive nani kepi azuuno AMPEU no Elija tungkupu vechewono pipuae.

KUKAMI AKINIU 15:29

Peka no ka ake ghuloki lono Asiriya lo akukau Tiglat Pilaser no aphughi hipaqo leluvetsu, tiye Ijon, Abel Beth Maaka, Janoa, Kedes, Hazor, Gilead, Galil eno Naftali ghakhulo akeqo ghi leluvetsu puzu timiqo kugha sasu Asiriya lo akughushi sawuve.

KUKAMI AKINIU 15:8

Akukau Uzia no Juda lo kakeu mpe shighi akutacheu shi akelono, Jeroboam Akiniu nu Zekharia no Israil lo akukau shilu eno paye Samaria lo aqhi tsugho ayehpelu.

ISAIAH 7:14

Tighenguno AMPEU ampino amchipu lakhi otsuni: ilimi lhothe mishipu akeuno anu lakhi punu nani eno pa je Immanuel kutsu nani.

ISAIAH 8:3

Hithiu inipuye mishiluve. Kughou ninu punuve keno AMPEU no ivilo pi, “Pa je ‘Maher-shalal-Hash-baz’ kutsulo.

ISAIAH 9:6

Kughengu ningu lau anga lakhi punutsu ani! Anu lakhi ningu tsupuani! Pano ningu shou ayehkipeu shi nani. Pa pesu, Akichiqhipu Lokutsuu, Akughushu Lhou Shekhahau Apu, Alakishi Kukapuu, ipi ku nani.

JEREMIYA 20:3

Thanau, Pashur no ayikichhe lono ikuqhopheve kethiu ino pa vilo ishipi, “AMPEU ye oje Pashur ku-tsumoe. Pano oje otsukeuye ‘Aqha kumtsulo shikumsakeu.’

JEREMIYA 23:2

Hiye AMPEU, Israil Lhou no pawu timiqo tuchomujo kepushi puachekemi ayehkipemi ghili pitsukeuke: “Nonguye iwu timiqo tuchomujo chemoe; nonguno panoqo haleve eno hapupoveke. Itehiye, nonguno alhoksa mlakeu ghenguno ino nongu ghimeqhi nani.

JEREMIYA 3:8

Ino Israil kughuxave keu eno li puwuve keu Juda ghi ithuluvae, kughengu lino ilauno tsughusu wuve puzu kusalhami shiuveke. Ikemu Israil tsunipu amikucho kumou Juda ye musamoe, li ghi kusalhami lakhi shive

EZEKEL 23:10

Panonguno li phimini xaleve tsupuzu aphi kumsa qhive, li nuli ngo angaqo kughaluve eno azutakihi pesu li ghiqhive. Aqha kumtsulo li kuxu kishive keno totimiqono kugha akhanike.

EZEKEL 23:31

Noye ofo nepa papeke ikehu ino aghime jukhu atho opiyeni cheni.”

HOSIYA 1:6

Gomer no anga akiniu punu, ishiu loye totimi lakhi. AMPEU no Hosiya vilo pi, “Lije Lo-Ruhama kutsulo, kughengu niye khilemu Israilmi kimiyeni chemo momu panoqo xine qhitsumo nani.

HOSIYA 1:9

AMPEU no Hosiya vilo pi, “Pa je Lo-Ami kutsulo, kughengu Israil lo akemiqoye iwu timi kumo eno niye panoqo Lhou kumoe.”

HOSIYA 2:13

Lino Baal lau axokutsungu pitikumnani ye ikumsumave keu do ghenguno eno li lojipumi hasusu wuniaye achiku achipu pepukeu ghenguno ino li ghimeqhi nani. AMPEU no pike.

HOSIYA 2:22

Ino ayeghi shou tsutsughu ghuqhipe nani, ayeghino athi atsayithi eno oliv lhoipeghi tsu nani.

HOSIYA 9:17

Ino qechekeu Lhou no timi hipaqo peve nani kughengu panonguno pa tsa lumoke. Panonguye ashiayeh kutami gholo iqho iqiju puha cheuve nani.

AMUS 9:8

Ni, AMPEU Alhou ye hi axine shikicheu Israil kukaqha jukuto acheni eno ino ayeghiqha zulono hipau kutsaleve nani. Ikemu niye Jakob polo kughukomi kumtsu qhoi kutsalevemo nani.”

MATTHEW 1:21

Lino anu lakhi punu nani eno noye paje Jisu kutsulo, kughengu pano paw timiqo xine lono xalu nani.”

Luke 1:13

Ikemu kungumi huno pa vilo pi: “Zakharia! Musa kevilo Alhou no okighini chiluvetsua, onipu Elizabet ye anu lakhi punu nani eno nono paje Johan kutsulo.

Luke 1:31

Julo, opo lono anu lakhi mishieno punu nani eno nono pa je Jisu ipi kutsu nani.

Luke 1:63

Zakharia no yepuku kepu lakhi khu eno yepuku ghi ishi piphe, “Pa je ye Johan.” Eno panongu kumtsu no akumzave.

John 1:42

Tishi puzu pano pa sasu Jisu lau ighi. Jisu no pa ju puzu pi, “Noye Johan nu Simon ke. Oje Kefa ku-tsunie.” (Tiye Pitor ipikeu eno pa kiqiye “Atuqu.”)

JOSHUA 19:18

Tipau bocholo Jezrel, Khusulot, Shunem, Hafaraim, Shion, Anaharat, Rabit, Kishion, Ebez, Remet, Enganim, Enhada eno Bethpazez phughiqo.