EZRA 5:2 - BAIBEL (BSI)

² Pamano Israil Lhou lau no asutsa pesu Shealtiel nu Zerubabel ngo Jehozadak nu Joshua pama lau sughi, pama vilo itaghi Jerusalem chineki mlathu penike pitsu eno mlathuve eno tungkupmi pama ghi panoqo kuphu.

Sumi Naga CL (Re-edited) Bible (BSI)

² Tileno Shealtiel nu Zerubbabel ngo Jozadak nu Jeshua pama no ithu no Jerusalem lo Alhou ki shiqhe kithe, eno Alhouw tungkupmi no pama gholo shino pama kuphu.

EZRA 5:2 ပူးပေါင်းရင်းမြစ်များ

EZRA 3:2

Alhou wu timi Muse Yezahlo yepuakeu toi Jehozadak nu Joshua no pa kusami achinemi sasu eno Sheltial nu Zerubabel no pa laghaqo sasu Israil Lhou kumlla kiptia mlave eno tipa shouno piti kumllagho pe tsuve.

EZRA 6:14

Tithiuno Judami sakiphemino pano kumla mlakibe luve eno panonguno tungkupu Hagai ngo Ido nu Zakharia no pikeu huno panongu mlo shikuloghive. Achineki ye Alhou no ahza kutsu toi eno Persia lo kukami Cyrus ngo Darus eno Ahaserus noqono ayezah puwukeu toi shiqhiluve.

2 Kor. 1:24

Nonguye kiu pulu masa keno ninguno nongu vilo mijetsu akepu kumoe, ikemu nongu lokivipushi ninguye nongu sasu mla itha chenike, kughengu nonguye akupululo mutotoi puthugholu anike.

ZEKHARIA 6:11

Panonguno tsukeu tsandiyi ngo shunayi pesu akuka kutsuqho lakhi mlalo eno Jehozadak nu Joshua, Achinetou kutsu qhopipelo.

EZRA 10:18

Hiye inaghalimi lukemiqo je: Achinemi alagha kiqi lono: Jehozadak nuqo, Joshua lagha eno pa thikuzumiqo - Masia, Eliezer, Jarib eno Gedalia.

HAGAYI 2:18

Ishi tsalaye Achineki boqha shikhaluve keu hi aqhi atokuu eno atsala muku abidiu tsalanike. Hinguno hilau kiu shi nani keno jualo.

EZRA 1:8

Pano Persia yeghi lo akini pighiu Mithredat ipikeu vilo agho tipaqo pe Juda lo idewo chekemi gholo sakipheu Sheshbazar ulo suvetsulo pive.

EZRA 3:8

Panonguno Jerusalem lo ighi keu mpe akiniu aqhi akiniu lono achineki phu-alo ighi puzu akumla huthu. Akumlaye ideighi kemiqono shi eno Sheltial nu Zerubabel, Jehozadak nu Joshua eno panongu kusami, achinemi eno Levi laghaqo kuqhano akumla shilu.

ZEKHARIA 4:4

Tileno ino kungumi vilo iniju, “Akijeu, hipaqo kiu shiniye ishi puani kya?”

ZEKHARIA 4:14

Tileno pano pi, “Hikumaye ayeghiqha kumtsu MPEU no pa qepeniye nukisheluve keu kumake.”

ZEKHARIA 8:9

“Nongu mlo kumto shilo! Kughengu iAchine ki shikitheniye aboqha qha ake ghulokilo tungkupmino pikeu tsa itehi ghi nonguno tipa tsatho chilu anike.