EZRA 10:3 - BAIBEL (BSI)

³ Tighenguno ninguno ni Lhou zulo tushoqhi ghi pi ani, nino ni nipu anuli pheveni, nino nono pikeu eno niLhou yehza sumsa kichemiqono pikeu kukutsu papenie. Alhou yezahlo shilo pikeu ninguno shinie.

Sumi Naga CL (Re-edited) Bible (BSI)

³ Ikehu I mpeu no kichemije tsükeu eno khunono ni Lhou zakütsü lo msa khokhoshi cheni keno, tipaqo kükümsü kiqi lono nino anipu eno atianuli hi kümtsü pheveni ke ni Lhou sasü puloshoqhi shini nolo, eno ti ye Ayezah kiqi lono shinie.

EZRA 10:3 ပူးပေါင်းရင်းမြစ်များ

KUKAMI AKINIU 11:17

Achineu Jehoiada no akukau Joas eno timiqo pelono AMPEU lau puloshoqhi lakhi shipe, tiye panonguye AMPEU wu timi shinie pikeu shoqhi ke.

YEKIKITHI AKINIU 29:10

“Itehiye AMPEU, Israil Lhou sasu puloshoqhi lakhi shinikeu ino xathaluvae, tishi anguno paye nilau aloghu ide kithe pemonike.

YEKIKITHI AKINIU 30:12

Alhou no panongu pelo amlo lakhi shiluve penike Juda lo akumla shia. Panongu pelo Alhou tsano akukau ngo akukau nuliqo no ahza tsukeu papelu peniye shike.

YEKIKITHI AKINIU 34:21

“Wulo ighenguno eno Israil ngo Juda lo xuaghi kemiqo ghenguno AMPEU putsajulo. Kaku hipau lo kutsu puakeu vehu phujulo. AMPEU ye ningu shou amlo ide anike kughengu nipuasu no AMPEU tsa lumoveno kaku hipaulo shimasa kepi pikeu shimove ke.”

YEKIKITHI AKINIU 34:27

nono izulo xaidelu puzu chuni iqighike, ino Jerusalem ngo tile akemiqo ghimeqhini keu shi shikumsa keu nono chilu puzu ophimini suxuveno mloqah ke. Niye okighini chiluvae

EZRA 10:11

Tishiaye itehi nonguno AMPEU nongu Lhou zulo axine piphevelo eno pa pulou shilo tipau yeghilomi launo kututa shivelo eno inaghalimi sasu ixavelo.”

EZRA 10:44

Hipaqo lakhikhino Alhou mthakeu nipu qhipuache, panonguno anipu tipaqo eno anuliqo kughuxa puwuve.

EZRA 10:9

Kuchouno aqhi atokuulo atsala amukuni loye atsala kuthudo lono Juda eno Benjamin ghakhu lo kuami kumtsu Jerusalem lo ighino Achineki kodibo lo hekutsupe ngolukhave. Tile ighono boboshi tsughua, ike atsala kusu eno akhoto hoho ghenguno timi kumtsu thuthushive.

EZRA 9:4

Ino amlo ghimeshi puzu avelau aghashikeu do tomoke kutolo ngoa kelo, Israil Lhou no hakughutsuveno ide ighi kemi xine ghili pikelo musakhokhoyive kemi kumtsuno isuhope ngoluve.

NEHEMIA 10:1

Atughiu shi jemchi shikeuye Hakalia nu ahng Nehemia eno pa shelo Zedekiya no jemchi shilu. Hipaqo ghi jemchi shiluke:

NEHEMIA 8:14

AMPEU no Muse vechewo tsukeu Yehzalo panonguno phulu keuno Israilmi vilo Apusholo ngokeu Pinye doloye ado kitila ghenguno apusholo ngolo pi ahza tsupuake.

NEHEMIA 9:38

Hipaqo kumtsu ghenguno Israilmino mutsumishei keu puloshoqhi hi yehpe qhilu ani, eno niwu sakiphemi, Levimi eno achinemino jemchi chishipuku ani.

LESHELE 119:120

Iphi ishino omsa kelauno khokhoshike; owu kughakutha ghenguno musakeuno ichhitoi ani.

LESHELE 119:59

Niye olaghi kumsukutoju eno okukutsu pape nikeushi ino piqhike.

ISAIAH 66:2

Ni ampino tsutsu yeghiqha kuchopu lhoke! Niye timi khunoqono mtshaivu eno xaideghi, khuuno isumsa eno igholu cheni keno tipaqo lau imloqi acheni.

ISAIAH 8:20

Nonguye panoqo vilo ishi khochilelo, “AMPEU no kiu pesu nongu shikapiye keno inilo! Tumumi tsa ini kevilo, panonguno nongu vilo kiu pinikeno tiye akivipu shimlake.”

EZEKEL 9:4

“Jerusalem phughi kumtsulo wuno aphughi tipaulo kuchhube kutsula jeli shiakeulo timi khunoqono amlo kughuta shi ani eno amlo kupuna ani keno timi tipaqo kishelo amichipu shipukuvelo.”

ZAKINIU 29:12

AMPEU nongu Lhou no nongu sasu ishi tsala lono puloshoqhi hipau shinike eno tipaulo amakho akeu ikhilunike nonguye hile anie,

JOSHUA 9:6

Tishi xapusu Gilgal pusho lo Joshua lau wu eno Joshua ngo Israilmi vilo pi, “Ninguye ayeghi kushuwa lono cheni, nongu pelo nisasu visho shi penishi anie.”