EZEKEL 7:8 - BAIBEL (BSI)

⁸ “Itehiye itheno ino nongu shou iloghu kighide kumgho pukuni cheni. Nonguno kiu shipuani keno tipau ghenguno niye nongu shou kughathabe ani eno nonguno kuchhube keu mlake ghenguno ino nongu lochileve nanike.

Sumi Naga CL (Re-edited) Bible (BSI)

⁸ Itehi ye I no mtazü nongu shou I loghu pukuni eno I mlokighide nongu shou pukuni, nongu laghi kiqi lono nongu lau küghathani, nonguw aphikümqhüpu kümtsü ghenguno I no nongu ghime nani.

EZEKEL 7:8 ပူးပေါင်းရင်းမြစ်များ

YEKIKITHI AKINIU 34:21

“Wulo ighenguno eno Israil ngo Juda lo xuaghi kemiqo ghenguno AMPEU putsajulo. Kaku hipau lo kutsu puakeu vehu phujulo. AMPEU ye ningu shou amlo ide anike kughengu nipuasu no AMPEU tsa lumoveno kaku hipaulo shimasa kepi pikeu shimove ke.”

LESHELE 79:6

Omllamokeu shiayehqo shou oxukighide puku tsulo, ovilo khuinimo kemi shou lepuku tsulo.

ISAIAH 42:25

Ikehu pano pa loghu ningu shou lepukuke eno aghukishi usugha ghimeshipeke. Ami iqu akeshi Israil qha kumtsu lo pa loghuno pitiqhike, ikemu kiu shiani keno ninguye kitilamu mthaveke; ninguye tipau lono kiumu amlo tsumoveke.”

JEREMIYA 36:31

Nongu no axine kumtsu shivekeu ghenguno ino opolo kughukomi ngo ow kijemiqo ghimeqhi nani. Noghi eno Jerusalem ngo Juda lo akemiqo ghi ino kutughukeu tsalo amlo sumoke: ike ino kutsakungo keu pesu nongu shikichi akeu kumtsu nongu shou ino sughi nani.”

JEREMIYA 7:20

Tighenguno ni, AMPEU Alhou no iloghu kighide Achineki hipau shou lepuku nani. Timi shou ngo lhoxuqo shou aphiphi shi ino tipau lepuku nani, eno asubo ngo axabo shou ghi lepuku nani. Iloghuye, timi khunomu pinhemla keu mi toi nani.

AKUMLO 2:17

AMPEU no pano shini cheni kepi kichichekeu ashekha shivae: Pano ado kushuwa lono kutughu cheke toi kimiyemo mithe puzu ningu kutsavae. Pano nighumi pelo tokulu shipe eno nino veqhive keulo panoqo pelo alovivepe.

AKUMLO 2:4

Aghumi toi pa piji pesu ni mijike; Pano ami toi axukighide lepheno achinekilo Zion limi nino jupe amloqi chekeqo pithi khavetsue.

AKUMLO 4:11

AMPEU no pa loghu kighide kumtsu pephe eno pa mlo kighide tuleke; Pano Zion lo ami lakhi kuyiquno tipau boqha pitipuhave.

EZEKEL 11:21

Ikemu timi khunoqono aphikumqhupu kuchhube kutsula julho mllani keno ino tipaqo ghimeqhi nani. Panonguno kiu shikeno tipau ghenguno ino panoqo ghimeqhi nani.” Akughushu MPEU no pivae.

EZEKEL 14:19

“Momu ino kitixe kusu tipau ghakhulo puwuni kelo eno iloghu lono lhoxu kutomo kuxu luvetsuni, timi ghi pichepighi ghi;

EZEKEL 16:43

Nono alhothe shiakelo ino kishi opeitha chekeno noye kumsumavae, eno nono mla ithakeu kumtsuno imlo shikighide cheke. Ike tipaqo kumtsu shikeu ghenguno ino opelo lochile anipeke. Noye kushiye kiptimi totimi dolo mithemove keu pesu nono kuchhube kutsula jeli kutau mlakeu shouveqabe kya?” Akughushu MPEU no pivae.

EZEKEL 16:59

Akughushu MPEU no piani, “Nono ithulu kuzupu qhemi ino otsu nani kughengu noye nono piqhivekeu jukumghaleive puzu puloshoqhi kuboleveke.

EZEKEL 18:30

“Itehiye ni, Akughushu MPEU no nongu Israilmi vilo pianike ino nongu milakhi khino kiu mlapuani keno tipau lono kughatha nani. Nonguno alhoksa kumtsu shiakeu lono tsughusu ighivelo eno nongu xine pelo nongu kutsavepe kevilo.

EZEKEL 20:13

Ikemu timi kughuna moke-alo ghi panonguno ihebideke. Panonguno iyezah kuboleve eno ino ahza tsukeu khunono tipaqo pelu nikeno akuxupu sughi chekeu panonguno milive. Panonguno Sabat pinye shipixi khavetsu. Timi kughuna moke-alo ino panoqo pelo iloghu kighide kumgha pupeniye kutove eno panoqo kutsaveni keu shive.

EZEKEL 20:21

“Ikemu tipano tiqhelimiqo ghi ihebideveke. Panonguno iyezah kuboleve eno ino ahza tsukeu pemoveke, khunono tipau peluni keno akuxupu sughi cheni kelauye tipau pemoke. Panonguno Sabat pinye shipixivetsu. Timi kughuna moke-alo niye panoqo pelo iloghu kighide kumgha pupeniye eno panoqo kumtsu pithive nikeu kutoveke.

EZEKEL 20:33

“Kuchouno niye Akughushu MPEU, xuakeu Lhou ke ino nongu piputovetsu anike iloghu kighide lono ino i-u kumto, ikuka kumtsu pesu ino nongu shou ayehpe nanike.

EZEKEL 20:8

Ikemu panonguno ihebideke eno itsa initsumoe. Panonguye panowu kuchhube kutsula su-atu julho peivemoe momu Ijipmi lhouqo phevemoke. Ijip lono panoqo pelo iloghu kighide kumgha pupeniye kutoveke.

EZEKEL 22:31

Tighenguno ino panoqo shou iloghu kighide lepuku nani, eno panonguno kiu mula puani keno tipaqo ghenguno niye ami toi panoqo kutsaleve nani.” Akughushu MPEU no pivae.

EZEKEL 24:14

Ni, Akughushu MPEU no pivae. Ino chhosu masakeu ghuloki ighivae. Niye oxineqo palokutovemo nani momu kimiyekeu eno kupukeu piyemo nani. Nono mula puakeu ghenguno oghimeqhive nani.” Akughushu MPEU no pivae.

EZEKEL 30:15

Ino Ijip lo aliwo koghe akijeu Pelusium phughi pelo iloghu kighide pupe nani. Ino Theb lo kinikulu kutsaleve nani.

EZEKEL 33:20

Ikemu Israil nonguno pikeuno ino kiu shikeno tiye achipikumo ke pike. Nonguno kiu shikeno tipau pesu niye nongu shou kughathani chenike.”

EZEKEL 6:12

Khunoqo putou ani keno kusukini shiuveno thive nani; akupunulo akeqono aghushi lono pithive nani; khunoqo puxupe aghini keno akhuava shi thi nani. Panonguye iloghu kighide kumugho pukepu shi nani.

EZEKEL 7:27

Kukamino mloqa nani, sakiphemino laju achekeu pheve nani eno timiqono akumsano khokho shive nani. Nonguno kiu shipuani keno tipau ghenguno ino nongu ghimeqhi nani eno nonguno kutau shou kughathabe ketoi tipaphi shi ino nongu shou kughathabe nani. Hipau lono niye AMPEU kepi nongu piyeni cheni.”

EZEKEL 7:9

Niye nongu phepupoveni chemoe momu kiumu nongu kimiyeni chemoe. Nonguno kuchhube keu jeli mlapuakeu ghenguno ino nongu ghimeqhini cheni, tishi anguno niye AMPEU ke eno ino nongu ghimeqhi ani kepi nonguno ithi nani.”

EZEKEL 9:10

Ikemu niye panoqo kimiyeni chemoe. Panonguno kutami shou kiu shipuani keno tipau ino panoqo shou shini cheni.”

EZEKEL 9:8

Timi ghiqhile akelo niye ilikhi tilehi ae. Ino igi pishiqhope ayeghilo dape puzu ighamuku pi, “Akughushu MPEU, noye Jerusalem shou ighono aloghu ide kelauno Israil lo timi ghupuaghi keqo kumtsu pithi khaveni kesha?”

DANIEL 9:11

Israilmi kumtsu oyezah hephoveno nono kiu pikeno inimono tuchileve tsuke. Nino ozulo kuquvae, tighenguno oqeu Muse vechewo sughikeu yezah kiqi lono angsu nishou ighi ani.

DANIEL 9:27

Akukau tipauno ampe tsuni ghenguno timi kutomo sasu visho mlaveno, ado tuxa wove kemtsa, heqhino mllachekeu eno akumllagho tsu chekeu lakhave tsu nani. Akumsapu lakhi shipe achineki mtalo qhi nani eno timi khuuno qhikeno, Alhou no pa kuxu do ashekhashi kutope qhipua tsukeu sasu kushomoke kutolo tile qhi puache nani.

HOSIYA 12:3

Panoqo puasu Jakob no aza polo pamu Esao sasu kumtsa aphilonomu pamu sasu kusuxake. Kughou Jakob no kichimi shive keno paye Alhou sasu kumjoke,

HOSIYA 5:10

AMPEU no pi, “Niye axu ide ani, kughengu Juda lo sakiphemiqono Israil leke eno li yeghi pukaluve tsuke. Tighenguno panoqo shou azukuqo lakhi toi aghime kitikhi ino lepuku nani.

NAHUM 1:6

Kughou pano axu ideni keno khuno xukulupu kya? khuno pa loghu pukulupu kya? Pano pa loghu amikuyiqu toi leqhike; pa zulo atuquye ipopinyi amkhu shiveke.

Piyeküsü 14:10

timi tipauye Alhou loghu ji lekitemokeu pa jukhulo lesuno shope nani. Timi tipauye kungumi akimthemi zulono eno Bheriti zulono ami ngo amichu pesu pitipuzaqhi nani.