EZEKEL 40:2 - BAIBEL (BSI)

² Kungunhetsu lono Alhou no Israilmi yeghilo isawuve eno naghuto chuqumughai keu lakhi shou ikughape qhi. Aphughi lakhi ithulu akeu toi igizulo akikuloghi amqoshi akeu ino ithulu.

Sumi Naga CL (Re-edited) Bible (BSI)

² Kungunhetsü lono Alhou no Israel yeghi lo I saighi, eno shishe qhemghai keu naghuto lo apeu küdau mishighüna shiqhe aketoi keu-a lo I küghüqa.

EZEKEL 40:2 ပူးပေါင်းရင်းမြစ်များ

YEKIKITHI ATUGHIU 28:12

Pano akikhala akisheqho eno tipaqolo acheboqo kishi shiniye kumsupu akela kumtsu pesu pa vilo pi eno achineki lo anhemgha kiqhi cheboqo khilehi AMPEU kumllagho shikimthe pe qhikeno kumtsu pa vilo pi.

YEKIKITHI ATUGHIU 28:19

Akukau David no pi, “Hipaqo kumtsu AMPEU no mije kutsu lono yepe qhino mla wonikeu shi ilau pithi tsuke.”

LESHELE 48:2

Pa kimthe toghi Zion, Alhou wu naghutoye chuqumghai eno jukivike; Akukau akijeu phughino ayeghiqha kumtsulo lokivi sughi.

ISAIAH 14:13

Noye kungugha kutolo mili ikuniye pukaputsake eno okuka lakhu pesu ayepu akiqheu shou qhiniye shike. Nono kumsukeuno ahuu kudau khilehi alhounoqo kumqo chenikeno tipau naghutolo noye akukau lakhi toi iqaniye shike.

ISAIAH 48:2

Tishikeghi nonguye aqhekuzashi akimtheu phughilo kihikusumi kepi picheni, eno nonguye Israil Lhou, pa jeye Aqokitikhi MPEU shou bepe acheni kepi picheni.

EZEKEL 1:1

Ampe shighi, aqhi abidiu, atsala apunguni ni Ezekel achineu, Buzi nuye Judami hakughutsuve kemi sasu Babilon lo Kebar ghoki phivilo akelo atsutsu kiyeve eno ino kungunhetsu lono Alhou ithulu.

EZEKEL 20:40

Aghakhulo, iwu akimthe naghuto, ti Israil lo naghuto akuchuquulo nongu Israilmi kumtsu no imlla nani. Niye nongu lau ilokiqi anani eno nongu launo lhoxu heqhi mllakeu, nowu akumllagho akiviu eno nowu akimthe gho ilau sughipe nike laju anani.

EZEKEL 37:22

Ino Israil naghuto shouno, pano yeghi lono ashiayeh tikuma pesu lakhi shivetsu nani. Pamaye akukau lakhi likhi auve nani eno tipauno panoqo shou ayehpe nani eno panonguye kijetha pesu ashiayeh kini shimove nani momu akukaqha kinishi kophape ngomove nani.

EZEKEL 41:1

Tipashelo, timi huno achebo amtalo ilo, tiye Akimthe-a. Tipaulo ilokeu laghilo pano mighiju kelo tiye akutholau miter kuthu ke

EZEKEL 43:12

Hiye Achineki yezahke: naghuto kutsuqalo tipau sumxape akeu qha kumtsu achinepu eno akimtheke.”

EZEKEL 8:3

Pano au lakhi toikeu chhopuwo puzu ikutsusa lono itsuquluve. Kungunhetsu hipau lono Alhou ghunguno amlhu kunguu ipeqheluve eno Jerusalem lo isawuve. Pano Achineki lo ilochekeu ahuu kikha alou Alhou loghu kighide pushi ajulho qhipuakeu alo isa ilove.

DANIEL 7:1

Babilon lo Belshazar no kalukeu mpe atughiulo ino asamo lakhi pumolu eno tipajino kungunhetsu lono ithulu. Ino asamo yepe qhive,

DANIEL 7:7

Ino juake dolono tughashi abidiu ipeghive. Tipau ighono akuka kua, akuighupu, akumsapu. Pahuqo ighono kije ayino shikeu huno lhoxu heqhi eno tipaqo nedaqhi. Tipauye tughashi kutauqo toimono akibo chighi puake.

MICAH 4:1

Ashekhalau tsalalo naghuto khi- paulo Achineki ani keno tipauye kumtsu nguno akiqheu shi nani, naghuto kutau kumtsu nguno akuchuquu shi nani. Ashiayeh kutomono tipaulo chokive ighi nani eno timi tipaqono ishi pinani,

Apostolmi 16:9

Tipa ji kungunhetsu lakhi Paul lau ipeghi; Makedoniami lakhi puthugho puzu pa qhuiniju ghi pi, “Makedonia lo ighilo eno ni kuphutsulo!”

Apostolmi 2:17

‘Ashekhalau tsalalo hitoi shi nanie pi Alhou no pie: Ino timi kumtsu shou iGhungu lepukuni. Nongu nu ngo nongu ngaqono tungkuptsa pi nani; nongu pumiqono kungu nhetsu ithulu nani, eno nongu wu muchomiqono asamo pumo nani.

Galatiami 4:26

Ikemu anipu kuchou huno kungughalo akeu Jerusalem kumlhoke, liye ningu zake.