EZEKEL 13:2 - BAIBEL (BSI)

² “Thinikuau timio, Israil lo tungkupmi khunoqono pano likhi panowu tungkuptsa piqhi cheni keno tipaqo hachilekeu tsa pilo. Panoqo vilo AMPEU tsa inilo pilo.”

Sumi Naga CL (Re-edited) Bible (BSI)

² “Timi nu, Israel lo tungkupmi khunoqo no tungkuptsa pi ani keno, panoqo lachile tungkuptsa pilo, eno tungkupu khunoqo no pano mlo lono tungkuptsa pi ani keno panoqo vilo pilo: ‘Ampeu tsa inilo!’

EZEKEL 13:2 ပူးပေါင်းရင်းမြစ်များ

KUKAMI ATUGHIU 22:19

Mikaiya no pikibe pithu: “AMPEU no kiu pi anikeno inijulo! Niye AMPEU no pawu kungumi kumtsu sasu kungughalo akuka lakhulo pa suhomxa pesu puthugho akeu ithulu ani.

ISAIAH 1:10

Jerusalem, owu ayehkipemiye Sodommi toike eno owu timiqoye Gomorami toike. AMPEU no nongu vilo kiu piani keno tsaqui inilo!

ISAIAH 28:14

Itehi nongu Jerusalem lo akuchhomashi timi hipaqo shou ayehpe chekemiqo, AMPEU no kiu piani keno inijulo.

ISAIAH 9:15

Muchomi timino gihuche keqono akutsuke eno tungkupmi miki chekeqono ashomhike!

JEREMIYA 23:2

Hiye AMPEU, Israil Lhou no pawu timiqo tuchomujo kepushi puachekemi ayehkipemi ghili pitsukeuke: “Nonguye iwu timiqo tuchomujo chemoe; nonguno panoqo haleve eno hapupoveke. Itehiye, nonguno alhoksa mlakeu ghenguno ino nongu ghimeqhi nani.

JEREMIYA 27:14

Tungkupmi khunoqono nongu vilo pa qholo qhoi phesuve tsu kevilopi lakhani keno tipaqo tsa initsu kevilo. Panonguye nongu pishiqhi anike.

JEREMIYA 27:18

Panonguno kuchouno tungkupmi keaye eno panonguno itsape pecheni aye, panongu pelo ivilo, Aqokitikhi MPEU vilo Achineki lo akini pekutsu puakeu eno Akukau kilo akeu Babilon lo pewu pemo nike inijupelo.”

JEREMIYA 37:19

Owu tungkupmi khunoqono ovilo Babilon kukauye oleghimo nani momu ayeghi hipau leighimo nani kepi pichekeqoye kiu shikhave akya?

JEREMIYA 5:31

tungkupumino akimki likhi thono kiumu pi moe; achinemino tungkupumino ahza tsukeu lono ayehpeke; eno iwu timiqono tipaulo kiumu mopikeu kuhae. Ikemu kughono tipaqo kumtsu kuhaveni keno panonguye kishi nani kya? “

JEREMIYA 8:10

Tighenguno ino panoqo ki alu pesu apighimi akithemi tsuve nani eno panoqo nipu kutami tsuve nani. Kijemi kitilami kumtsuno amikucho kumo lono pisa kuphumi shi achenike. Tungkupmi ngo achinemi ghi timi pishiqhike.

AKUMLO 4:13

Ikemu liwu tungkupmino axine shive eno achinemino kuqukeu ghenguno pimimokemi pithive kepu shiveke.

EZEKEL 13:1

AMPEU no iputsa puzu pike,

EZEKEL 13:17

AMPEU no pike, “Thinikuau timio, itehiye nowu timiqo gholo totimi ashe-azu tsa pichekemiqo julo. Panoqo hachilelo

EZEKEL 13:3

Akughushu MPEU no kiu piani keno tiye hike: “Anikha tungkupmi hipaqoye ahakusapue! Panonguye pano likhi pano nguagha pape ani eno pano likhi pano kungunhetsu iqiphe anike.

EZEKEL 16:35

Tishiaye Jerusalem, no kutuqhaliu, AMPEU no kiu piani keno inilo.

EZEKEL 22:25

Tipaulo sakiphemiye abongushuno lhoxu heqhipe ngo puzu igha akeu toi ke. Panonguno timiqo heqhi, panonguno pisa kumtsu suwuve eno tinhemgha luvetsu cheni eno panonguno ghiqhikeu lono topuchimemi kutomo auvae.

EZEKEL 22:28

Tungkupmiqoye timino metsughoi nudakeu pesu atozu nuda akeshi axine tipaqo kusuvetsu cheni. Panonguno kichileu kungunhetsu ithulu cheni eno kichileu she-azu tsa picheni. Panonguno Akughushu MPEU tsa piani kepi picheni, ikemu ni, AMPEU ye panoqo putsa puamoe.

EZEKEL 34:7

“Tighenguno nongu akhemiqo, ni AMPEU no nongu vilo kiu piani keno inilo.

EZEKEL 34:9

Tighenguno nongu bherikhemiqo itsa inilo.

MICAH 3:11

Aphughilo ayehkipemiqono ayeh peithakeuye kulugho tsupeniyeke, achinemiqono ajume tsu anguno Ayezah lhekidepiyeke, tungkupmino pisa tsu anguno pano lau piyesukeu pitsu chenike eno panoqo kumtsu AMPEU ye panoqo gholo acheni kepi piacheni. “AMPEU ye nigholo anike kiumu shipusa kepu nilau ighimo nanike,” ipi panonguno picheni.

MICAH 3:6

“Tungkupmiqo, nongu tsala wokhaveni cheae; nongu ghenguno tsukinhe ilocheae. Nonguno iwu timiqo sabideke ghenguno nonguye tungkupmino kungunhetsu ithulu chekeu kuhave nani eno nonguye ashe-azu tsa kiumu piqhimla nani.”

ZEFANIA 3:4

Tungkupumino lahilazake eno akupulupu kuhake; achinemino akimthe kitiqevetsu cheni eno pano kivipu shianiaye Alhou yezah suchighive cheni.