Ephesiami 5:2 - BAIBEL (BSI)

² Khristo no ningu kimiyeno axokutsungu kumllagho eno Alhou lopushi tsungquyikeu kumllagho eno lhoxu pesu akumllagho lakhi ningu ghenguno pa kuxu pephetsuveke toi nonguye kimiyekeu lono xulo.

Sümi Tiqhelimi Bible

² eno Khristo no ningu kimiye no pa likhi pa ikhiphe pesü ningu ghenguno Alhou lau axokütsüngü kümlagho eno aghakishi lakhi shi tsüve keu toi, kikimiye lono xüche lo.

Sumi Naga CL (Re-edited) Bible (BSI)

² Khristo no ningu kimiye no Pa ampi pesü Alhou lau axokütsüngü eno aghakishi kümllagho shi tsüve ketoi kikimiye lono xülo.

Ephesiami 5:2 ပူးပေါင်းရင်းမြစ်များ

John 13:34

Ahzakutsu akithe lakhi ino nongu tsu ani tiye nongu lakhino lakhi kimiyekilelo; ino nongu kimiyecheke toi nongu ghi lakhino lakhi kimiyelo.

Galatiami 2:20

ikehu niye ighoshi xu movae ikemu Khristo no ilolo ani. Eno aphi ashilo itehi ino xuakeu kuxuye Alhou Nuno ikimiye puzu ighenguno pa kuxu tsuvekehu tipau shou puluvekeu lono ino xuani.

Kolosiami 3:14

Hipaqo kumtsu nguno alauno kikimiye pepulo, kughengu kikimiyeno thwokha, kupukulupushi tsugha kuqhatsu cheni.

2 Kor. 2:15

Kughengu ninguye khunoqo xaluve akeno tipaqo gholo eno khunoqo puhaveno ani keno tipaqo gholo Khristo no Alhou lau axokutsungu- ta pesu tsungquyi shikeu toi ke.

Titus 2:14

Pano ni ghenguno pa mpi pesu tsuveke, tiye alhoksapu jeli kumtsu launo ningu xapheluniyeke eno pa laumi mithemitheikemi shitsuniyeke eno akivipu shinikeulo azukini shipeniyeke.

1 Kor. 16:14

Nonguno mla ithakeu kumtsulo kimiyekeu lono shilo.

MATTHEW 20:28

Timi Nu thotsu kutami pelono pa qepeniye ighike kumoe, ikemu kutami qeniye ighike eno timi kutomo xaphelu nike pa kuxu tsuniye ighie.”

1 Peter 4:8

Thwokha kumtsu nguno alauno amlo tsuqhiyi lakhino lakhi kimiyekilelo, kughengu kikimiyeno axine kutomo nhaluvetsu chenike.

2 Kor. 8:9

Kughengu nonguno Ampeu Jisu Khristo kupukini ithi anike, paye akini boghi shi ake, ikeghi nongu ghenguno pa likhi pano akumlhou shive, tishianguno pa kumlho pesu nonguye akini boghi shilupeniyeke.

1 John 3:16

Kimiyekeuye kiu keno ninguno hipau lono ithi cheni: Khristo no ningu ghenguno pa kuxu pephetsuve, tishiaye ningu ghi athikuzumi ghenguno nikuxu pephetsu kepue.

BOTHUBO 8:21

Kughou AMPEU no tsungqu keu xo tsungulu keno, pa likhi pa putsaghi ishi pi, “Timi ghenguno niye khilemu ayeghi ghusho kithe mae; kughengu timiye alhothe aphi lono pa kukumsu alhoksa kepi ithi anie. Niye lhoxu kumtsu hipaphi shighi khilemu pughavekeu shikithe mae.

Piyeküsü 1:5

eno Jisu Khristo no amikuchoshi ashepe shichekeu, kithimi gholono xuputhu tughiu, ayeghilo kukami shou ayehkipeu launo kupukini eno aloinokeu nongu wu shilupeniu. Khuno ningu kimiye eno pa jih vechewo axine lono ningu xaphelu,

IBRIMI 9:26

tishike aye ayeghi lhophe kemtsa lono paye ghuthu kutomo aghime shive nicheke. Ikemu tilehiye tiqheli kumtsu kishekhaveni chekelau pano pulhapuju ghenguno ghuthu khavino ipeghivae, tiye pa likhi pa pesu aghashi thikeu vechewo axine pevetsu niyeke.

IBRIMI 9:14

Khristo jihye tinguno shishe alau shilupe puanike. Pano lhokta Ghungu vechewo tukutiye kuhamithe ghi Alhou lau pa likhi pa pephe tsuvekeu pa jih huye avehupu kuhamithe keu kumla lono ningu mlo lotsuh shikimthe pesu akuxupu Lhou qelupeniyeke.

1 Tim. 2:6

Timi kumtsu xachilelu nike pano pa ampi tsuveke, ikehu ado achipi lono Alhou no timi xalu nishi akeu shepe shike.

Ephesiami 4:15

Ikemu kikimiye lono kuchou pini keloye Khristo khuu akutsu keno alaghi kumtsulo pa sasu thuwu akepue.

1 John 3:23

Pano ahza tsukeuye hike ninguye paNu Jisu Khristo jelo pulube kepue eno lakhino lakhi kimiyekile kepue.

1 Tim. 4:12

Timi khuu pelomu noye lhothemi kepi ojukunatha pekevilo, ikemu atsapilo, ghushoghililo, kikimiye piyekeulo, akupululo eno mutsumishei keu kuxulo xulo.

1 Thes. 4:9

Athikuzumi kimiyekile kepu ghili ghenguye khunomu nongu lau yeakepu avehu kuhae, kughengu nongu lakhino lakhi kishi kimiyekepu keno Alhou no nongu kutsupiyepe puanike,

Ephesiami 4:2

Akumtsha kughuvu shilo, ivunhei xulo, pulhapuju kutuo kutuulo, lakhino lakhi lau kusuqhikulu lono kikimiye piyelo.

Ephesiami 3:17

akupulu vechewo Khristo pelo nongu mlolo pa kungoa shilupeni. Nonguye kimiyekinino nongu boqha shilu eno kimiyekini kuhu qusulu penike,

Galatiami 1:4

Khristo no kixikila tiqheli xine lono ningu xapheluniaye pa mpi pesu tsuve, tiye ningu Lhou eno Apu pulou lonoke.

ACHINE 1:17

Pano tipau chishibolo tsuqupe no tipau phimipi sula lo, achishibo sutha kututa shimono akuchopu akiptia lono pitilo. Achuqupu kumllagho xo hipauye AMPEU lopushi cheni.

ACHINE 1:13

Timi huno kighinoli ngo aluko qhuvemasa eno heqhi mllakeu tipau achineuno pesu AMPEU tsulo eno tipau leqhi kumtsu akiptia lono pitilo. Achuqupu kumllagho hipauye AMPEU lopu shi cheni.

Piyeküsü 5:9

Panonguno alekithe lakhi ishi phea, “Nono likuzu kaku ikhilu puzu mekhakeu xukhonikeu akuzupuke; Kughengu oghiqhiveke eno okithi vechewo ashiayeh, atsajeli, timi kututa muqo gholono Alhou timi shi lupenikeu qhuluke.

IBRIMI 9:23

Kungughalo nhemgha kimihi hipaqoye hitoikeu pesu shikimthe masakepu shiveke, ikemu kungughalo nhemghaqoye hipaqo nguno heqhipe mllakeu akivino shikimthekepu shianike.

Ephesiami 3:19

Khristo kimiyekinino akighithi jeli kumtsu veche iku akeu nonguno ithipenike, tishianguno Alhou kupukulu kumtsu pesu nongu pelo chhitoilu penike.

Rommi 8:3

Timi lhoaye no tomo chhimo keghenguno Ayezah no shimlano achekeu hu, Alhou no shivetsuae. Axine shipuhavenike ghenguno Alhou no paNu kuchou, timi xine lhoaye kimihi lono pa puwu puzu timi lhoaye gholono axine kilevetsu.

AMUS 5:21

AMPEU no pi, “Nonguno achineyeh kiqi lono tiqhetini shikeu ino junishimo eno jumithike; niye tipaqolo ngo sumlake!

ACHINE 1:9

Timi huno kighinoli ngo aluko qhuvemasa eno peitha akeu achineuno heqhi mllakeu kuchopu akiptia lono pitilo. Achuqupu kumllagho xo hipauye AMPEU lopu shi cheni.

Ephesiami 5:25

Akimiqo Khristo no akukuhou kimiye puzu li ghenguno pa kuxu tsuve ketoi nongu nipu kimiyelo.

1 Kor. 5:7

Nonguye asho kukunu akitheu tsughukhuyi shinike ghenguno axine shipe chekeu kholaqhi aqau huye ikhi kimthevelo. Kuchouno nonguye kholaqhi sumokeu tsughukhuyi kepi ino ithi ani, kughengu ningu Hechekulu Ghulhu bheriye Khristo ke, paye ningu ghenguno heqhi pesu mllavae.

Rommi 4:25

Ningu xineqo ghenguno pa pithivepe eno Alhou lau ningu achipikaluve keulo qhiniaye pa xuputhuveke.

John 6:51

Niye timi puxulukepu sho kungugha lono iqighie. Timi khunono hipa sho chuni keno paye alhokupuju xu nani, eno ino asho tsuniye akeuye ishi ajike, hi ayeghiqha puxunike ino tsu anie.”

Rommi 8:37

Moe, hipaqo kumtsulo khuno ningu kimiye chenikeno pa vechewo ninguye tokulupu shishe ani!

ACHINE 3:16

Achineuno hipaqo kumtsu pesu akiptia lono pitilo, tiye AMPEU lopu shitsunike achuqupu kumllagho lakhike. Atha jeli kumtsu AMPEU salake.

IPEKULU 29:18

Achuqupu kumllagho lakhi shi bheri tipau akuchopu pitivelo. Hipau kumllagho xoye ipulokutu chenike.

IPEKULU 29:25

Tithiuno panoqo launo tipau ikhilu no piti mllakeu gho shou akiptialo qhipuzu achuqupu kumllagho lakhi shi ilau piti pesu tsulo. Hipau kumllagho xoye ilokutu chenike.

Rommi 15:16

Judakumomi kudau Jisu Khristo qeu shipenike Alhou launo ighikeu tsakiviu pikulhakeu lono niye achinemi kumlho shi ani, tishianguno Judakumomi pelo Alhou no ikhikulupu akumllagho lakhi shilupe, eno Alhou lau Aghungu Kimthe no shikimthe pesu tsukeu shilupeniye ke.

2 Kor. 2:14

Ikemu Alhou lau shikimthikeu alo! Kughengu Khristo gholo kimepe akeu lono, Khristo no aghutolu keulo akughumi shekujo chekeu toi Alhou no pulhapuju ningu sacheni, eno Alhou no ningu peitha puzu axokutsungu toi timi kumtsu vilo Khristo ithilupe nikeu vekupha cheni.

Ephesiami 1:4

Tiye ayeghiqha lhomphi lono Alhou no ninguye pawu shipenike Khristo gholono ningu kishephevae, tishianguno ninguno pa zulo akimthe shichepe eno pimi pemoniyeke.

Ephesiami 5:15

Tishiaye nonguye kishi xuacheni keno jukutokugholo. Kiumu mthakemi toi xukepu kumoe ikemu alokutsumi shi xulo.

FILIPIAMI 4:18

Nonguno kiu itsupuani keno tipaqo kumtsu ino ithuluvae ipikeu hike eno hiye kughokumoke, nonguno Epafrodita gholono agho ilau tsupuwukeu ithulu puzu ighakiqi shivae. Hipaqoye Alhou lau tsungquyikeu pesu mllakeu hutoike, pa lau amlokiqipu eno ikhikulupushi ghiqhipe mllakeu lakhike.

IBRIMI 8:3

Achinetomi lakhi khino akumllagho ngo lhoxu heqhi pesu Alhou mlla penike susupe puani; tighenguno nichinetou ghi kiwala pesu mlla masakepu shiani.

ZAKINIU 27:6

kughengu nonguno AMPEU nongu Lhou ghenguno akiptia kiu shini keno tiye atu yethamo keu pesu shimaye sake. Tipaulo nonguno agha shikeu gho pesu piti kepu shilo,