Ephesiami 4:9 - BAIBEL (BSI)

⁹ “Pano kunguu iku” ipi pikeu kiqiye pano ayeghi qhou iqi paghike.

Sümi Tiqhelimi Bible

⁹ (“Pa ye ikuve” ipikeu kiqi ye pa ye ayeghi qhou ghí iqi ipi ani thono kiu piani kea?

Sumi Naga CL (Re-edited) Bible (BSI)

⁹ (“Pa no kunguu iku” ipi kelo, Pa ye ayeghi qhou ashekhau-a lo ghi iqie pini keu nguno kütau kiu kiqi ania?

Ephesiami 4:9 ပူးပေါင်းရင်းမြစ်များ

BOTHUBO 11:5

Ikelo timi tipaqono mlakeu phughi ngo aghukhea ishi junike AMPEU no iqie.

LESHELE 139:15

Ighi anhu kughulhophe akelo, iza titalo kutokupui ikimepe qhia kelo, tuqhouno niye tilehi thuu akelo, niye tila ani kepi nono ithitoi ake;

LESHELE 63:9

Ikemu khunono ikuxu luvetsu niye phucheni keno kithighalo iqive nani.

LESHELE 8:5

Ikeghi kungumi nguno kitilano akitilau shi pa lhope puani; nono ajekipi eno agigihu pesu pa qhopipeke.

IPEKULU 19:20

Sinai Toghi kutsuqalo AMPEU no iqighi puzu naghuto kutsuqalo Muse kuluve. Muse no ikughi kelo

AHOLE 30:4

Khuno atsutsulo kighithi ithikhaluve akya? khuno pa-u pesu amlhu tsuqulu akya? momu aphi tachu lono azu gholu akya? momu tsutsu yeghibo shope puani kya? paye khuu kela noye ithi ani kesha? eno panuye khuu kya?

ISAIAH 44:23

Kungughaqo, alokivishi ighalo! Ayeghilo aqoh thonheikeu ighalo! Naghutoqo eno aghasulilo asubo kumtsu alokivishi ighalo! AMPEU no pawu timi Israil xalukeu lono pa kughushu pephe piyevae.

EZEKEL 31:14

Ikehu hinguno hilauye, kiu papushi azu suanamu asubo lakhimu tipau tohi thu-ikumo nani, momu tipau ketsughono khungkusu cholukeu shipuzu qhemghai keu shimla nani. Panongu kumtsu thinikuau timiqo toi thinikeu hakusapu ani, kithimi yeghilo akemi gholo kumtsa acheuve nike iqinikeu hakusapu shivae.”

MATTHEW 12:40

Jona no pucho tsala kuthu putho tsala kuthu akha kije polo ngoke hutoi Timi Nu ghi pucho tsala kuthu putho tsala kuthu ayeghi qhou ngo nani.

John 20:17

Ikelo Jisu no li vilo pi, “Isasu kiphemla kevilo, kughengu niye Apu lau ideiku mphike. Ikemu ithikuzumiqo lau wulo eno panoqo vilo itsa pitsulo: ‘Niye iPuh eno nongu paPuh lau eno ILhou eno nongu Lhou lau ideiku cheni.’ ”

John 3:13

Kungugha lono milakhi iqighikeu, Timi Nu thono khunomu kungughalo iku mphie.”

John 6:33

Kughengu Alhou no tsukeu sho huye kungugha launo iqighikeu eno ayeghilo akuxupu tsukeuke.”

John 6:38

kughengu niye ighopulou shiniye kungugha lono iqighike kumoe, ikemu ipuwu puakeu ghopulou shiniye ke.

John 6:41

Jisu no, “Niye kungugha lono iqighikeu shoke,” ipike ghenguno Judamiqoye aghaideveno

John 6:51

Niye timi puxulukepu sho kungugha lono iqighie. Timi khunono hipa sho chuni keno paye alhokupuju xu nani, eno ino asho tsuniye akeuye ishi ajike, hi ayeghiqha puxunike ino tsu anie.”

John 6:58

Tishiaye kungugha lono iqighikeu shoye hike, tiye nongu puasu qono chu puzu thive keu sho toi moe. Timi khuno asho hipau chuni keno alhokupuju xulu nani.”

John 6:62

Tishiaye, Timi Nu no puzuu pano khile achekeno tile ikuchekeu nonguno ithuluaye nonguye kishi nani kya?

John 8:14

Jisu no panongu khochile, “Ino ilikhi ighenguno ashepe shi ani kemu ishepeye kuchouke, kughengu niye khilano ighi eno niye khila wucheni keno ino ithi ani. Niye khilano ighi momu niye khila wucheni keno nonguye mthae.

IBRIMI 2:7

Ado kitila ghenguno nono pa pesu kungumi nguno aqhokigheu shi lhoke, Akimthe jekipi ngo agigihupu pesu nono pa qhopipeke.

IBRIMI 2:9

Ikemu ninguno Jisu ithikeuno paye ado kitila ghenguno kungumi nguno aqhokigheu shi lhoke, tishianguno Alhou wu kupukini vechewo pano timi kumtsu ghenguno thikepu shive. Ikemu pano akithilo aghimeshikeu ghenguno itehiye akimthejekipi ngo agigihupu pesu pa sheqhe ikhilu keu ninguno ithulue.