Ephesiami 2:3 - BAIBEL (BSI)

³ Ghuthu lakhiye ningu kumtsu timi tipaqo toi ningu shi-aji pulouno minheqhikeu xapusu xucheke eno ningu phimpi akukumsuno minechekeu papecheke, ikehu timi kutamiqo toi ninguye alhoaye lono Alhou loghu sholukemi shicheke.

Sümi Tiqhelimi Bible

³ Ningu kümtsü ghuthu lakhi lo ye panongu gholo xüche ke, tiye ningu shi-aji no mine keu ghapiqi ghi eno tipau no shinishi keu ngò tipau kükümsü pape keu vechewo xüache ke.

Sumi Naga CL (Re-edited) Bible (BSI)

³ ningu kümtsü ghuthu lakhi loye tipaqo gholo pitipüza ashi pulou shiche, aphimpi eno akükümsü no mine keu ghakiqipu shiche, eno ashi lomi toi ningu lhoaye no aloghu puni keu tianuli shi ache.

Ephesiami 2:3 ပူးပေါင်းရင်းမြစ်များ

BOTHUBO 5:3

Adam no kughou ampe 130 shi akeno, pa likhi pa kimihi lono anu lakhi lhoe, tiye pa julho paphie, eno paje Set kutsue.

BOTHUBO 6:5

Timiqo lhoksano ayeghi shou alaushi kighishe akeu eno timiqo mulolo alhoksa likhi pulhapuju kumsu hawo akeu AMPEU Alhou no ithuluve.

BOTHUBO 8:21

Kughou AMPEU no tsungqu keu xo tsungulu keno, pa likhi pa putsaghi ishi pi, “Timi ghenguno niye khilemu ayeghi ghusho kithe mae; kughengu timiye alhothe aphi lono pa kukumsu alhoksa kepi ithi anie. Niye lhoxu kumtsu hipaphi shighi khilemu pughavekeu shikithe mae.

JOB 14:4

Khunomu mithekumo lono akimthe thime sapeghi mlae.

JOB 25:4

Tishiaye timino Alhou zulo khile amikucho shiluni kya? Momu aza polono ighikemi gholo khuuno muqhamiqhiyi aghilu nani kya?

LESHELE 51:5

Niye punu kelono alhoksalo acheghi imishike lono niye axinelo acheghike.

ISAIAH 53:6

Ningu kumtsu bheri puhavekeqo toikhave, ningu milakhi khino pututa lalo wukhave. Ikemu AMPEU no pa shou ghichhe ghime betsu, nino ithukulupu shiakeu ghichhe ghimeke.”

Mark 4:19

ikemu ayeghilo kuxu kumsupe kutakihikeu eno akini ju aghichipokeu eno kutau thwokha minekeuno iloghive puzu Atsa hu ghusuve cheni eno athi pithipemove cheni.

John 1:13

Panonguno Alhou nuli shilukeuye timi shiaji pulou momu timi gho launo kumoe, ikemu Alhou launoke.

John 8:44

Nonguye nongu papuh tughami tianuliqoke eno nongu pulouye nongu papuh ghoapulou shinishie. Inahu abothu lono paye ghikiqhiu ke. Paye khilemu kuchou kudau ajumphie, kughengu pa lolo kuchou kuhae. Kughou pano akimkitsa pinikeno pa lhoaye lono kiu keno tipau shi anike ghenguno paye akimkiuke eno akimki jeli kumtsu papuh ke.

Apostolmi 14:16

Wovekeu tiqheli loye pano ashiayeh jeli pelo pututa lah pula chepeke,

Rommi 1:24

Tighenguno panonguno kuchhubekeu thime shinikeu mine chekeulo Alhou no panoqo ikhiphepe tsuva, eno lakhino lakhi sasu akukujopu ghushoghili shie.

Rommi 11:30

Nongu Judakumomi, wovekeu loye nongu ghi Alhou hebide cheke, ikemu Judami ghokulukumo ghenguno itehiye Alhou wu qhuivulayi keu nonguno ithuluvae.

Rommi 13:14

Ikemu Ampeu Jisu Khristo pesu nongu ghunanu shi pepulo eno ashi- ahji lhoaye huno aghapiqilu nishi kutu keulo amlo tsukevelo.

Rommi 2:14

Judakumomi ye Ayezah pecheghimoe, ikemu kughou panonguno aghoapulou lono Ayezah lo kiu ahza tsukeno shiaye, Ayezah pighi aghimo namu, panoqo ghenguno tino ayezah lakhi shivae.

Rommi 5:10

Kughengu ninguno Alhou ghumi shiaphilo thotsu panu kithi vechewo Alhou sasu kulashilupe aye, itehiye Alhou sasu kulashiluve akeke, Khristo kuxuno shisheno ningu xalu anani.

Rommi 5:9

Tighenguno itehiye pa kithi pesu ningu pelo Alhou sasu achipikaluve apekehu, tinguno alau shi Alhou loghu launo pano ningu xalu nani.

Rommi 6:12

Tighenguno axine pelo nongu thiveni kuau phimpi qhasupe nongu lhoaye gho apulou gholu apekevilo.

Rommi 7:18

Ino ithi akeuno ilolo, timi lhoaye loye akivi achemoe. Kughengu kiuno achipi keno ino pulo anamu niye ti shilu chemoe.

Rommi 9:22

Tihutoi, Alhou no pa loghu pephepiye nishi kehu eno pa kuka kumto ithipeniye ali khipaqo shou pa loghu pepheno kutsaveniye kutopuani keno tipaqo lau kutuo kutuu ghi kheakulu shi cheni.

1 Kor. 4:7

Khuno nongu pelo kutami nguno nonguye pakutakeu shipe kya? Nonguno akeu thwokha kumtsu Alhou launo ithuluke kumokesha? Tishemaye, nonguno ti ithulukeu shiaghi aye, tiye kumsagho lakhi kumo kehutoi nonguye kushiye qheza cheni kya?

2 Kor. 7:1

Nikusamiqo, piqhipuakeu hipaqo ye nisala ghenguno aphiashi eno angu gha kitiqeve mono thwokhalo akimthe kupukulu shinike Alhou sukumsa lono xuni nolo.

Galatiami 3:22

Ikemu kuchoyesulo pikeuno ayeghiqha kumtsu kuka axine no qhasupe ani, ikehu khunoqono pulu nikeno, Jisu Khristo pulubekeu lono tsunikeu shi piqhipuakeu gho hu ithulupe niyeke.

Ephesiami 2:2

Tipa ghulokilo nonguye ayeghiqhalo kusakugha laghi papeche; eno amulhulo aghahwu kukaqo jeli shou ayehpeu hu papeche, tiye Alhou gholumokemi qhasupe achekeu ghahwu huke.

Ephesiami 4:22

Tighenguno nonguye puzuu kuxu ghola pishikiqhi eno shikupsa lhoayeh aqau qhivelo.

Kolosiami 1:21

Ghuthu lakhilo nonguye Alhou launo tsusumi shicheke.

1 Thes. 4:13

Athikuzumiqo, kithimiqoye kishive akelapi nongu pelo mthano apenishimo kelauno hi pithilu ani, tishianguno lajupu kuhakemi kutamiqo toi mono nonguye amlo kusa shipemo niyeke.

1 Thes. 5:6

Tishiaye kutami toi ninguye zuakepu kumoe, ninguye tsukhutsuvayi eno tsaqutsaleyi akepue.

1 Tim. 6:9

Ikemu khunono kinikulu shinikeu mine cheni keno ghuju pejukeulo ikiqi ilove cheni eno mbomzu ngo ghuzaghugha sholukepu lichhelo ilove cheni, tipaqono puhapighiyi keu ngo hepusa pughayikeulo timi sunhesuve cheni.

Titus 3:3

Kughengu ghuthu lakhiloye ningu ampi ghi mbomzumi, aghelumokemi eno achipikumomi shi acheke. Eno ashiaji ghakiqipu ngo aghoapulou qemi shi acheke, phimokilekeu eno anhekushulo xuacheke, kutamino ni mithi eno nino kutami mithi cheke.

1 Peter 1:14

Aghokulumi shiluvelo eno nonguno puzuu ayekumthalo achekelo ngosukumla gholalo nongu kuxu pepimhe kevilo.

2 Peter 2:14

Panongu ye kusalhalimi shou likhi jupuku acheni, axine shinishi keulo khilemu aghaqivekeu kuhae. Panonguno tomo chhimokemiqo musuluve cheni. Panongu mloye aghukha shinikeulo qophe puani. Panonguye Alhou no musuinivekeulo ani!

2 Peter 2:18

Panonguno mbomzushi aqhekuza tsa pi acheni, eno ngosukumla launo alhoksami gholono pokaipeche keno tipaqohu musu sailove cheni.

1 John 2:16

Kughengu ayeghiqhalo akeu laumi, ti ashiajino mineche keu, anhethino ithukulu mineche keu eno akuxulo pighi aghi keu qhekuza jeli kumtsu Alhou launo ighimoe, ikemu ayeghiqha launo ighike.

1 John 2:8

Tishipimu niye nongu lau ahzakutsu akithe yepuwu ani, kughengu tipauye Khristo lolo eno nongu lologhi kuchou akeu huke. Kughengu akuzuye wove ani eno kuchou kuvu huye vu ipecheae.