Ephesiami 1:3 - BAIBEL (BSI)

³ Ningu Mpeu Jisu Khristo paPu Alhou lau ninguno sheqhe ani. Ninguno Khristo gholo xukimepe akeu pano angugha kukumghapu jeli kumtsu kungugha lono pesu ningu kumghavetsuke.

Sümi Tiqhelimi Bible

³ Alhou eno ningu Mpeu Jisü Khristo Papù khuu Khristo lono kungugha kükaqha lo aghungu kükümgha jeliqo kümtsü pesü ningu tsü keno pa sheqhe ani.

Sumi Naga CL (Re-edited) Bible (BSI)

³ Ni Mpeu Jisü Khristo papu Alhou, khuu no kungugha kiqhe-a lono aghungu lo kükümgha kümtsü pesü Khristo küdau no ningu kümghatsü keno, sheqhe küzüe,

Ephesiami 1:3 ပူးပေါင်းရင်းမြစ်များ

BOTHUBO 14:20

Opelo aghumiqo shou aghulo tolu peke, Ighono Akiqheu Lhou sheqhelo.” Eno Abram no pano kiu hakholu keno tipau lono chighi saje lo lakhi pesu patsue.

BOTHUBO 22:18

Ayeghiqhalo ashiayeh kumtsuno ino oti kughuko kumghavetsu ke toi kumghatsulo pi nani eno tiye nono igholu keu ghenguno ke!”

YEKIKITHI ATUGHIU 29:20

Tishino David no timiqo ahza tsue, “AMPEU shelo nongu Lhou!” Kuho kumqo akemi kumtsuno panongu puasu Lhou, AMPEU she eno panonguno itsaqino AMPEU agigihu tsu eno akukau ghi tsue.

YEKIKITHI ATUGHIU 4:10

Ikemu Jabez no Israil Lhou vilo inikhu. “Ikumgha tsulo Alhou eno ayeghi kutomo phuphelu pelo. Igholo alo, lhoksakugha eno kusukini ilauno putosu tsu alo.” Eno pano inikhu kehu toi Alhou no pa kumghatsue.

YEKIKITHI AKINIU 31:8

Akukau Hezekiya ngo pawu kijemino timiqono agho kumzapu tsukeu ithulu keulo panonguno AMPEU sheqhe.

NEHEMIA 9:5

Levimi hipaqo pelo mlla penike kusu: Jeshua, Kadmiel, Bani, Hashebenia, Sherebia, Hodia, Shebania eno Pethahia. Panonguno ishi pi, “Puthugholo eno AMPEU nongu Lhou shelo; alhokupujulo pa sheqhelo! Kumtsuno pa jekipi je sheqhelo, timi jelino sheqhe namu lukumkha kumoe.”

LESHELE 134:3

AMPEU, khuno kungugha eno ayeghi lhokusuu MPEU pelo Zion lono nongu kumghatsu peniu!

LESHELE 72:17

Akukau je pulhapuju haumono achepelo, tsukinhe ake kutolo pa jekipino tishi apelo. Ashiayeh kumtsuno pa sheqhe pelo, panongu pelo Alhou no panoqo kumghatsu penike iniju pelo, akukau lopivipeni keu panongu pelo kumsulu pelo.

LESHELE 72:19

Alhokupujulo paje kipipu sheqhelo! Pa jukuvuno ayeghiqha kumtsu chhilu pelo. Amen! Amen!

ISAIAH 61:9

Panonguye ashiayehqo gholo ajekipi shi nani; Panoqo ithulukemi kumtsuno iwu timiqoye ino kumghatsu kepi ithikha nani.”

DANIEL 4:34

Kughono ampe tsuni tove keno akukauno ishipi,”Ino kughono kunguu atsutsulo jukeno, ilokutsu ide ighive. Tighenguno Akughushu Lhou oje sheqhe tsue eno agigihu aje kipi kumtsu kughape tiqheli tiqhelilo achekeu tsuke.” “Pano ashekha kuha ayehpeni, eno pa kukaphuye tiqheli tiqheli kuto ache nani.

Luke 2:28

Simon no pau lono khapeluno Alhou she ghi pi:

John 14:20

Tipa tsalanino, niye iPuh lolo akeu eno nonguno ilolo akeu eno niye nongu lolo akeu nonguno ithi nani.

John 17:21

tishianguno panongu kumtsu lakhi shipenike. Apuo, nono ilolo aketoi eno ino ololo aketoi panongu ghi nigholo apeni, tishianguno nono ipuwukeu ayeghiqhano pulu penike.

John 20:17

Ikelo Jisu no li vilo pi, “Isasu kiphemla kevilo, kughengu niye Apu lau ideiku mphike. Ikemu ithikuzumiqo lau wulo eno panoqo vilo itsa pitsulo: ‘Niye iPuh eno nongu paPuh lau eno ILhou eno nongu Lhou lau ideiku cheni.’ ”

Rommi 12:5

Titoi, ningu ghi kutomo shi anamu ninguye Khristo lono kimepe aphi-mpi lakhi eno aphiauno kimepe akeu toi ningu lakhino lakhi sasu kimepe ani.

Rommi 15:6

tishiaye nongu kumtsu kuqhano asutsa lakhi shi puzu niMpeu Jisu Khristo paPuh Alhou sheqhe peniu.

1 Kor. 1:30

Alhou no nongu pelo Jisu Khristo sasu kimelupe, eno Alhou no Khristo pesu ningu wu suqekighithi shitsue; pa vechewo Alhou sasu achipi shiaghilupe, eno Alhou timiqo shilupe, eno ningu xaphetsuke.

1 Kor. 12:12

Kughengu aphimpiye lakhi puzu aphiau kutomoke, eno aphiau jeli kutomo shianamu aphimpiye lakhike, ike Khristo gholoye tihutoike.

2 Kor. 1:3

Ningu Mipeu Jisu Khristo paPuh Alhou, kimiyekiniu Apu eno alokughunopu kumtsu tsuchekeu Lhou lau ninguno sheqhe ani.

2 Kor. 11:31

Ampeu Jisu paPuh eno Alhou, paye alhokupujulo sheqhe akepu likhike, pano ithianike niye mikiamoe.

2 Kor. 5:17

Tighenguno timi khuu khumu Khristo gholo xukimeluve aye paye lhoxu kithe lakhi shivae, aqau woveno akitheu ighivae.

2 Kor. 5:21

Khristo ye axine kuhae, ikemu Alhou no pa pesu axine kughulhovetsu, tishianguno pa gholo kuqhape akeu lono ninguye Alhou mikucho kusajelupeniye ke.

Galatiami 3:9

Abraham kupuluno kumgha keu qeluke toi kupulumi kumtsu kumghatsue.

Ephesiami 1:10

Alhou kukughuye ado achipi lono shikupuniye akeuye, atsutsu eno ayeghilo ake jeli kumtsu hekutsukumqo pesu Khristo pelo akutsu shipenikeuke.

Ephesiami 1:17

Ningu Mipeu Jisu Khristo Lhou, Akimthe jekipi Apu pelo alokutsu ngo piyesukutsu ngugha nongu tsupenike inikhu cheni, tishianguno nongu pelo Alhou ithilupenike.

Ephesiami 1:20

pano khipau kuka kumto peithano akithi lono Khristo xuputhu keno tipau ke, eno kungugha qhalo pau ajeu Khristo pesu kughuqa ke.

Ephesiami 2:6

Khristo Jisu gholo xukimepe akeu lono ninguye pa gholo xuputhuve eno kungughalo ningu pelo pa gholo iqapeke.

Ephesiami 3:10

tishianguno akukuho vechewo itehiye kungulo yekipemi ngo kungulo kukaqo pelono Alhou suqhe kighithi jeli kumtsu ithipeniyeke.

Ephesiami 6:12

Kughengu ninguye timi sasu kupughu amoe ikemu ayehkipemi, atomi, hi akuzu tiqheli yeghiqha yehkipeqo eno kungughalo aghakusa ghahwu kukaqo sasu kupughu anike.

FILIPIAMI 2:11

Apu Alhou jekipipu shighi timi lhoxu jeli kumtsuno Jisu ye Ampeu ke ipi asheshu nani.

IBRIMI 8:5

Achinemi tipaqono shichekeuye kungughalo akimthe-a akeu julho kimihike; kughengu Muse no aphiki shiniaye akelo Alhou no pa piputoghi ishipi, “Naghutolo khikhi opiyekeno tipau agholaahila kimihi lono thwokha kumtsu shimaye sake.”

IBRIMI 9:23

Kungughalo nhemgha kimihi hipaqoye hitoikeu pesu shikimthe masakepu shiveke, ikemu kungughalo nhemghaqoye hipaqo nguno heqhipe mllakeu akivino shikimthekepu shianike.

1 Peter 1:3

Ningu Mpeu Jisu Khristo paPu Alhou shikimthilo! Kughengu pano kimiyeqhiyi kehu akithi lono Jisu Khristo xuchile puthu vekeu vechewo ninguye xuakeu lajupulo akuxu kithe shiluvae,