DANIEL 9:26 - BAIBEL (BSI)

²⁶ Ado tipau ashekhalo Alhou no kishephe keu sakipheu akipimi kuhamu heqhive nani. Ighono akuka kua kukami wu ghushimino leighi kelono aphughi eno achineki kutsave tsu nani. Amghazu qole ighi keshi puhave tsunikeu ighi nani, Alhou no kuto pua keu lono aghu eno shikupsa sughi tsu nani.

Sumi Naga CL (Re-edited) Bible (BSI)

²⁶ Apinedo lhotsügho kini thiu, nukisheve keu hu ye heqhive nani eno kiumu kühave nani. Eno ighini ye akeu kükapuuw timiqo no mishighüna eno akimthe chineki kütsave nani. Züqozü gholono pa shekuho ighi nani, eno tipau kishekha nike ghenguno aghükishi anani. Pighiveni keu za tsüvae.

DANIEL 9:26 ပူးပေါင်းရင်းမြစ်များ

SAMUEL AKINIU 21:5

Panonguno khochile, “Saul ye ningu shipuhave tsunishi ae eno ningu Israil yeghilo lakhimu puxumonikeu shie.

LESHELE 22:15

Ikughokiye alitsa toi kishiqhaivae; eno imiliye ataha medaluvae. AMPEU, nono ipelo thivepe niaye ayeghi mukhulo iqhivae.

ISAIAH 28:2

AMPEU no timi khami pelo panoqo leighi peniaye akumtomi eno akuka akemi kuto ani, khunokela tipauye pasapaghalo murasu qikeutoi ighi nani, tsutsughu zale ketoi, atshunazu toi ayeghi yimve nani.

ISAIAH 28:22

Ino nongu piputo akeulo nukevilo! Nonguno tishi aye, nongu ghenguno pokulupu ighono shove nani. Aqokitikhi MPEU no aghakhu kumtsu kutsavenikeu shi kughathave keu ino chiluvae.

ISAIAH 53:8

Paye kughaluve, pithive nikeu shi kughathave eno pithinike sawuveke; timi milakhimu paye kishive nani kela jukutokeu kuhave. Paye ni timiqo xine ghenguno pithiveke.

ISAIAH 8:7

ni, AMPEU no Asiriyami kukau ngo pa kumto ghushimiqo pelo Juda leighi peni cheni. Eufrati ghokino amuku yeli qoakeshi panonguno atshunazu toi yimu ighi nani.

JEREMIYA 46:7

‘Nayil toi ithughi akeu hiye khuu kya?’ Aghoki lakhino amuku yimu aketoike.

JEREMIYA 51:42

Azughi no Babilon shou iluikughivae eno azu kukucho ghugha gholono tipau kuzupholuvae.

DANIEL 11:10

“Siriya lo akukau nuliqono aghushi nike ghenguno ghushimi kutomo hekutsu pe qhi nani. Panongu gholo lakhino amghazu qoleighi ketoi ighino aghumino shipua keu aghutu xa nani.

DANIEL 11:17

“Siriya lo akukauno akukughu lakhi paw ghushimi kumtsu peitha nikeu shi. Tilehi pano pa ghumi kukaqha lenike ghenguno pa gholo supeniye pa nga kughape Ijip lo akukau sasu kulauvepe nani ikemu akukughu tipau tokulu shimo nani.

DANIEL 11:22

Timi khuuno pa mujo chile nikeno Alhou wu Achinetou shi aghimu, lakhimu ghumono mitheve tsu nani.

DANIEL 11:36

“Siriya lo akukauno pano kiu shinikeno kumtsu shi nani. Paye Alhou nguno akijeu kepi qheza anani, akughushu ashekha kuhakeu Lhou nguno ghi pauno akijeu kepi kumsu nani. Alhou no aghime pa tsumoke kutolo pano kiu shinishi keno kumtsu tolu nani, Alhou ye pano kiu shinike akukughu shivekeno tipau toi shikupuve nani.

DANIEL 9:27

Akukau tipauno ampe tsuni ghenguno timi kutomo sasu visho mlaveno, ado tuxa wove kemtsa, heqhino mllachekeu eno akumllagho tsu chekeu lakhave tsu nani. Akumsapu lakhi shipe achineki mtalo qhi nani eno timi khuuno qhikeno, Alhou no pa kuxu do ashekhashi kutope qhipua tsukeu sasu kushomoke kutolo tile qhi puache nani.

HOSIYA 1:9

AMPEU no Hosiya vilo pi, “Pa je Lo-Ami kutsulo, kughengu Israil lo akemiqoye iwu timi kumo eno niye panoqo Lhou kumoe.”

AMUS 8:8

Highenguno ayeghino itha nani, eno aghakhulo akemi kumtsu avekusa shi nani. Aghakhu kumtsu sukiniqhi nani; hiye Nayil ghoki toi iku puzu iluqive nani.

AMUS 9:5

AMPEU Aqokitikhi Lhou no ayeghi bukeulo tiye ithawuve cheni; tipaulo akemi kumtsuno mloqauve cheni. Ayeghiqha kumtsu Nayil ghoki toi iku eno iluqive cheni.

NAHUM 1:8

Azukuqo kuloghi lakhi toi pano pa ghumiqo qhoi kutsave cheni; khunono pa mujoni keno tipanoqo thivepe nike puwuve cheni.

MATTHEW 22:2

“Kungugha yehkipeye kukami lakhino pa nu ghenguno kulakupu ghulhu kutope qhikeu toike.

MATTHEW 22:7

Akukauno axuideveno pawu ghushimi puwu puzu hekiqhimiqo pithive eno panoqo phughi pitivetsu.

MATTHEW 23:38

Julo, nongu ki phevae eno timi kughunamae.

MATTHEW 24:2

Panongu vilo pano ishi pitsu, “Nonguye hipaqo kumtsu ithulu ani kema? Kuchouno ino nongu vilo pini, hile atu lakhimu lakhi shou bepe ngo move nani, hipaqo kumtsu tule qhive nani.”

Mark 13:2

Jisu no khochile, “Noye aki kuloghi hipaqo juani kesha? Hile atu lakhimu lakhi shou bepekile move nani hipaqo kumtsu tuleqhive nani.”

Mark 13:7

Kughou nonguno aghushi aniepikeu sutsa chiluni keno amlo susushi kevilo, Hipaqo shini putsake, tishimu aghuloki shekha ye tomphie.

Mark 9:12

Jisu no ishi khochile, “Elija ye atughushi ighi puzu thwokha kutope qhi. Eno ni Timi Nu ghenguno kuchoyesulo kushiye paye thwokha aghime shinikeu eno pa jukunathani keushi yepuani kya?

Luke 21:24

Timi hipaqoye azutakihino ghiqhi nani, eno kutami shiayeh qholo akughumi shisasu sawuve nani, eno Jerusalem ye Juda kumomino nedaqoda nani, ti Juda kumomi ghuloki tomo ke kutolo.”

Luke 21:6

“Hipaqo khikhi nonguno ithulu akhani keno, ghulo lakhiloye atu lakhinomu lakhi shou qhimove nani, ikemu kumtsu tukiqeve nani.”

Luke 24:26

Alhou no Kishephe puwukeu Mesiya ye hipaqo ime kupuno pawu ajukuvulo ilonikeu shike kumokesha?”

Luke 24:46

panongu vilo pi, “Ishi yeh puani: Khristo ye ime puzu akuthuni akithi lono xuthumasae.

John 14:30

Niye nongu sasu kushuwa kuptsalumae kughengu hipa yeghiqha shou ayehkipeu cheae. Paye ishou akuka kiumu kuhae,

2 Kor. 5:21

Khristo ye axine kuhae, ikemu Alhou no pa pesu axine kughulhovetsu, tishianguno pa gholo kuqhape akeu lono ninguye Alhou mikucho kusajelupeniye ke.

Galatiami 3:13

Khristo no ningu zuqhushi angusuu shive puzu Ayezah lo musuini puakeu launo ningu xapheluve, kughengu kuchoyesulo ishi pipuani, “Timi khuuno asubolono tshuqhi thiveni keno paye musuiniva.”

1 Peter 2:21

Kughengu hikithipulo Alhou no nongu kuluvae, kughengu Khristo ghi nongu ghenguno aghime shiveke eno nongu lau kichekipiye lakhi qhipuatsu anike, tishianguno nongu pelo pa nepalo nesu peniyeke.

1 Peter 2:24

Khristo ampino kros lo pa phimpi lono ningu xine xapuluveke, tishianguno ninguye axine launo thive puzu Alhou lau amikucho kuxu xupeniyeke. Pa zakuqo pesu nongu shipiviluvae.

1 Peter 3:18

Kughengu Khristo ghi axine ghenguno ghuthu khavilo kumtsu ghenguno thiveke, amikuchouno amikuchokumomi ghenguno thive, tishianguno Alhou lau ningu saghiniyeke, eno aphimpi lono pa pithive ikemu angu-aghapu kuxulo pa xuputhuve;