DANIEL 9:24 - BAIBEL (BSI)

²⁴ “Ampe tsunino ghuthu lhotsuniye Alhou no timiqo eno owu akimthe phughi axine lono khaqhiphe nikeu kihitha tsukeudo ke. Axine qhivetsu nani eno lhokta mikucho khaqhive tsu nani, tipau lono kungunhetsu ithulu keu eno tungkuptsa kuchou shikupu nani eno akimthe chineki shikimthe kithe tsu nani.”

Sumi Naga CL (Re-edited) Bible (BSI)

²⁴ “Ow timi eno ow akimthe mishighüna ghenguno hekibide tave, axine kishekhave, küsakügha ghenguno aghashilu, pülhapuju achipiu mikucho süghilu, kungunhetsü ngo tungkuptsa mekhave, eno shishe akimthe-a nukishelu peniye apinedo lhotsüni za tsüvae.

DANIEL 9:24 ပူးပေါင်းရင်းမြစ်များ

YEKIKITHI AKINIU 29:24

Tithiu achinemi no aneqo heqhi eno tipaqo ji pesu akiptia shou lepuku tiye timi kumtsu xine ikhisuwuve tsuniyeke, kughengu akukauno ahza tsukeuno Israilmi kumtsu ghenguno akipti kumllagho ngo axine kumllagho shilo pike.

LESHELE 2:6

Pano pi, “Ino iwu akimthe toghi Zion shou ikukau qhipe puani.”

LESHELE 45:7

Noye achipiu kimiye eno alhoksapuye mithike. Tighenguno Alhou, oLhou no okisheluke eno alokivi pesu kukami kutami nguno alau oshou betsuke;

ISAIAH 42:4

Paye laju achekeu momu amlo kulo ghipu puhavekeu shimo nani; Pano ayeghilo achipi xakutha muto toi shilutsu nani. Putosuu akeqo yeghino pa kukutsu khekulhoshi khe nani.”

ISAIAH 51:6

Atsutsulo jupukulo, ayeghilo jupi qilo! atsutsuye amichhi toi hailove nani; ayeghiye aphimini toi aqashive nani, eno tile timi akeqoye amiyi toi thikhave nani. Ikemu xaphekulu ino pechekeuye alhokupujulo ache nani; ino tolukeu no ashekhauke.

ISAIAH 51:8

Panonguye apilano chuvekeu phi mini toive nanike! Ikemu xaphekulu ino pechekeuye alhokupujulo ache nanike; ino toluvekeuye ado kumtsu acheuve nani.’

ISAIAH 56:1

AMPEU no pawu timiqo vilo pi, “Kiuno amikucho eno achipiu keno tipau shilo, kughengu ino payi nongu xalu nani.

ISAIAH 61:1

AMPEU Alhou Ghungu ishou ani. Pano ikishelu eno kumlhomi lau sutsakivi sughi penike ipuwuke, amlo itajumughuyi akemi shipivi peniyeke, Tshusawuvekemi kuqhophekeu eno akughukilo akemi khaqhi phekeu kutughu peniyeke.

AKUMLO 4:22

O Zionmiqo, nongu xine ghenguno ghime keuye tava, paye hinguno alauye nongu halepuwumoae. Ikemu Edommiqo, noxine ghenguno ghime nani; eno no xineqo lhephetsu nani.

EZEKEL 28:12

“Thinikuau timio, Tur kukau shou kiu shiveniye kutope ani keno tipau ghenguno amlo sa-alo. Pa vilo ni, Akughushu MPEU no kiu piani keno pesu pilo: Ghuthu lakhilo noye kupukulai keulo kichekipiye lakhi shiacheke. Noye kiutoi alokutsu eno jukivipushi acheke la!

EZEKEL 4:5

Atsala 390 noye tile anani. Panonguno kuquvekeu ghimepu ampe lakhi tohi ino atsala lakhi oshou pukutsu anike.

EZEKEL 4:6

Nono tipau shitave kethiu ojibo ajeu kudau idewolo eno Juda wu kuquvekeu ghimepu tsala lhobidi imelo, ampe lakhi panonguno kuquvekeu ghimepu ghenguno atsala lakhi imenike.

ACHINE 25:8

Tsunino ghuthu tsuni kughusulo kuqhakelo ampe lhobidi toku.

ACHINE 8:15

Muse no tipau ghiqhi puzu tipau jih hami pesu pa uloti lo dipuzu akiptia chekulo ichushei keu shou dipuku, tipau shikimthepe tsuvekeu shiniyeke. Tithiu pano ahji aghikeqo pesu akiptia bophilo leqhive. Hitoi shipuzu pano tipau shikimthepe tsuvekeu eno ikhiphetsuve keu shike.

ZEKHARIA 4:14

Tileno pano pi, “Hikumaye ayeghiqha kumtsu MPEU no pa qepeniye nukisheluve keu kumake.”

AKIKIHI 14:34

Nonguye nongu xine jume ampe lhobidi ime nani, nonguno ayeghi xujuwu kelo tsala lhobidi luvekeu hu atsala lakhikhino ampe lakhikhi qhemi shive peni. Nonguno ipelo nongu shou akumou shipeniye shikeu kiqiye kiukeno nonguno ithi nani!

MATTHEW 1:21

Lino anu lakhi punu nani eno noye paje Jisu kutsulo, kughengu pano paw timiqo xine lono xalu nani.”

MATTHEW 11:13

Kughengu Alhou wu tungkupmi kumtsu eno Muse no sughikeu yezah no Johan ighike kutolo hipau yehkipe vehu picheke;

MATTHEW 4:5

Tithiu Ghukujuu no Akimthe phughilo Jisu sawuno achineki kutsuqalo ngope,

Mark 1:24

ighauve; “No eno ningu dolo kiu shikepu ani kya? O Nazaret noghami Jisu? Noye ningu kutsaveniye hile ighi ani kesha? Noye khuu kela ino ithi anie noye Alhou ghinimi akimtheu ke!”

Luke 1:35

Kungumino li vilo pi: “Aghungu Kimthe no oshou ighi nani eno Alhou kuka oshou ngo nani. Hi ghenguno akimthe nga khikhi punu nani keno tiye Alhou Nu ipi ku nani.

Luke 21:22

Kughengu hiye amukhukulu tsala, kucho yesulo pi puakeu kumtsu kupuni kehu ke.

John 1:41

Atughushi pano pa thikuzuu Simon phuwu puzu pa vilo ishipi, “Ninguno Mesiya sasu kusholuvae” (hipatsa kiqiye “Khristo.”)

John 3:34

Alhou no khuu puwukeno pano Alhou tsa pesu pitsu, kughengu Alhou no pa Ghungu kupukunoshi pesu pa tsuke.

Apostolmi 3:14

Paye akimthe eno akivi, ikemu nonguye pa milive eno heqhi buqhikemi lakhiu kuqhophetsu lopi nonguno Pilat vilo khu,

Apostolmi 3:22

Kughengu Muse no pivae, “Ampeu nongu Lhou no nongu lau tungkupu lakhi nongu thikuzumi gholono itoike ipeghipe nani. Pano kiu pinikeno nonguno pa tsa inimasae.

Apostolmi 4:26

Ayeghilo kukamiqono kutope ighi eno ayehkipemino kuhokumqoe— Ampeu eno pawu Mesiya sasu shiniyeke.’

Rommi 5:10

Kughengu ninguno Alhou ghumi shiaphilo thotsu panu kithi vechewo Alhou sasu kulashilupe aye, itehiye Alhou sasu kulashiluve akeke, Khristo kuxuno shisheno ningu xalu anani.

1 Kor. 1:30

Alhou no nongu pelo Jisu Khristo sasu kimelupe, eno Alhou no Khristo pesu ningu wu suqekighithi shitsue; pa vechewo Alhou sasu achipi shiaghilupe, eno Alhou timiqo shilupe, eno ningu xaphetsuke.

FILIPIAMI 3:9

eno pa gholo kuqhaluve niyeke. Ayezah papelukeu lono ilikhi iwu shilukeu mikucho pumono Khristo shou akupulu bekeu vechewo amikucho shilukeu anike, tiye Alhou launo ighikeu mikucho akupulu shou bepe akeuke.

Kolosiami 1:20

eno Anu vechewo thwokha pa lau sachile saghi nikeu shive. Pa Nuno kros lo thivekeu vechewo Alhou no ayeghi shou ngo kungughalo akeu kumtsu sawo pa sasu kulashivepeke.

Kolosiami 2:14

Ninguno kukhakulo kepushi akeu yezah pano ikhi vetsuae, kros lo pa yedavekeu lono qhivetsuke.

IBRIMI 10:14

Tishiaye, pano ghuthu lakhi aghashikeu huno axine launo shikimthe pesu pa huthu peniye qhikemiqo alhokupuju ghenguno kupukulu shivetsue.

IBRIMI 2:17

Tighenguno paye thwokha jeli lono pa thikuzumiqo kimihi shimasaveke, tishianguno panoqo wu pukhubekulupu eno amlo ighiqhiyi keu achinetou lakhi shipuzu Alhou huthupeniyeke, tishilukeuno timiqo xine pevetsukulupu shiniyeke.

IBRIMI 7:26

Tishiaye, achinetou tikithipuno nino avehupu shiakeulo achipi shianike! Paye akimthe; tichetighepu kuha; tukutiye kiumu kuha; axinepu timiqo launo pakutashi pesu qhi eno atsutsu nguno kunguu ikhiqhe pukue.

IBRIMI 9:26

tishike aye ayeghi lhophe kemtsa lono paye ghuthu kutomo aghime shive nicheke. Ikemu tilehiye tiqheli kumtsu kishekhaveni chekelau pano pulhapuju ghenguno ghuthu khavino ipeghivae, tiye pa likhi pa pesu aghashi thikeu vechewo axine pevetsu niyeke.

2 Peter 1:1

Jisu Khristo qeu eno apostol Simon Pitor launo niLhou eno niXakuluu Jisu Khristo mikucho vechewo nigholo akupulu aqhemishi ithuluvekemi lau yelu ani.

1 John 3:8

Khunono axine shi cheni keno panoye Tughami laumike; kughengu Tughami ye abothu lono axine shiveake. Alhou Nuno ipeghikeu kiqiye Tughami no mulapuakeu shipusave tsu niyeke.

Piyeküsü 14:6

Tileno kungumi kutau lakhino lhokta tsakiviu pesu ayeghilo akemiqo ashiayeh jeli, timi jeli, eno atsa jeli pichekemi vilo asheshu nike atsutsu mutalo yecheghikeu ino ithulu.

Piyeküsü 3:7

“Filadelfia akukuhoulo kungumi akeu lau yelu ani: “Hiye akimtheu eno amikuchou tsapeke. Paye David khadu peani, pano khaqhi aye khunomu tipau khavemlae, pano khavekeu khunomu khaqhimlae.