DANIEL 9:21 - BAIBEL (BSI)

²¹ Ino akighini shi akelono, Gabriel, khuu azuu ghi ino kungunhetsu lono ithuluvea keno, ino ngo akelono yesusu iqi cheghi. Hiye avelau ghiqhipe mllachekeu ghuloki shia.

Sumi Naga CL (Re-edited) Bible (BSI)

²¹ I no akighini shi ake lono Gabriel, timi khuu kungunhetsü atüghüu lono I no ithulu püa keno, pa no mtazü avelau ghakishi ghuloki lono I lau yeighi.

DANIEL 9:21 ပူးပေါင်းရင်းမြစ်များ

KUKAMI ATUGHIU 18:29

Panonguye alezuphoi avela kutolo ighamuku khuae; ikemu kiumu khokichile ighimove, asutsa kiumu chimlave.

KUKAMI ATUGHIU 18:36

Avela ghakishi kumlla tuqhudo tovekethiu Elija no akumlla kiptia lo ighino inikhu, “O AMPEU, Abraham, Isak eno Jakob Lhou, Noye Israil Lhou eno niye oqeu eno ozah kutsu lono hipaqo shi akeu panongu pelo noye Alhou kepi ithi kulupu shi pephe piyetsulo.

LESHELE 103:20

AMPEU shelo, nongu akumtomi eno kungumi akughushumiqo, pa zahkutsu papeluche kemiqo, pano pikeu inichekemiqo.

LESHELE 104:4

Nono amlhu pelo oghinimi shi peitha cheni eno tsutsu kulono oqeu toi peitha cheni.

LESHELE 141:2

Ikighiniye tsungquikeu-ta kipti toi ikhilu tsulo, eno i-u peqhepe inikhukeuye avelau akipti-gho toi ikhilu tsulo.

IPEKULU 29:39

Bheriti lakhi pesu inaqheno aghashilo eno lakhino avelauno aghashilo.

ISAIAH 6:2

Serafmi no pa vehopesu puthugho ae, milakhikhino achishibo tsugho pua. Lhoxu lakhikhino pa chishibo kini pesu pututa gi nhapu, kinino aphimpi nhapu eno kinino yewuni kelo peithake.

EZEKEL 1:11

Lhoxu lakhikhi chishibo kininiye peqhepe ake tishianguno tipauno lhoxu tipau phivilo akeu chishibo akumtsulo kuchokilepe ake, eno panoqo chishibo kutau kinini akeqoye panoqo phimpilo ghokhape ake.

EZEKEL 1:14

Tishi akelo, lhoxuqo ghi tsutsupha kukulo lono ilheqho ilheqi ake.

EZEKEL 14:14

Noha ngo Danel eno Job pano kuthuno tilehi xuaghi namu panonguno akivipu shikeuye pano kuxu likhi xaluve nani.” Akughushu MPEU no pivae.

DANIEL 10:10

Tileno niye khokhoshi aphi lono au lakhino ikhapeqhe puzu puthugho luvepe.

DANIEL 10:16

Tileno kungumi lakhi timi toi keuno pau chho puwono imtsu butsu. Ino pa vilo pi, “Akijeu, kungunhetsu ithulu keu lono niye ighono qei thuthu shi itha akeu tamlavea.

DANIEL 10:18

Itaghi pano ikhapeqhe eno niye tileno iphilo akuka ighi keu ithi.

DANIEL 8:16

Asutsa lakhi, Ulai ghoki lono kukeu chilu, “Pano kiu ithulu keno Gabriel, nono tipau pa vilo pitsulo.”

DANIEL 8:18

Pano hipa tsa pi akelo niye alotsumo qhiyi ayeghilo iluqive. Ikemu pano imtupe khapeqheno ipelo puthugho luvepe.

MATTHEW 27:46

Ayi kuthu kihe ghulokilo Jisu no aghugha kuloghi shi ighae, “Eli,Eli, lama sabakhtani?” Tipau kiqiye, “iLhou,iLhou, noye kushiye ipheve ani kya?”

Luke 1:19

Kungumino khochile pi: “Niye Gabril, niye Alhou phivilo puthugho acheni, oputsa penike eno hi atsakiviu olau peighi penike ipuwue.

Luke 1:26

Elizabet no mishikeu aqhi tsugho shi akelo Alhou no kungumi Gabril hape Galil lo Nazaret phulo puwu.

Apostolmi 10:3

Ghulo lakhi avelau ayi kuthu kihelo paye kungu nhetsu lono Alhou wu kungumi lakhi pa lau ighikeu pano mutsuqhei ithulu, eno pa vilo ishi pi, “Kornelia!”

Apostolmi 10:9

Thoghiu, timi tipaqono chesuwo Jopa toni chekelo, Pitor ye akighini shinike puchou aki kutsuqalo iku.

Apostolmi 12:7

Paikhavi lono Ampeu wu kungumi lakhi tile puthugho eno akuvu lakhino achebolo yevuqaive. Pano Pitor bighilo tukini pa kudaputhu eno ishi pi, “Mtazu ithulo!” Ike Pitor ulono ayi kichhe kighi hu iko ikiqive.

Apostolmi 3:1

Ghulo lakhi Pitor ngo Johan pamaye avelau ayi kuthu kihe kighini dolo achinekilo iqhoche.

IBRIMI 1:14

Tishiaye, kungumiye Alhou ghini shichekemi qoke eno pano tipaqo puwu puzu xakulupu ithuluniye akemiqo kuphu chenipeke.

IBRIMI 1:7

Ikemu Alhou no kungumi pesu ishi pipuani: “Alhou no pawu kungumi pesu amulhu shitsu, pano pa ghinimi pesu ami mili shitsue.”

Piyeküsü 9:17

Ino kungulonhetsulo khurshiqo ye hitoi ithulue: khurshi shou chekemiye ayikutuqhokeu mla-kuxa pepu ae, tiye ami toi huchui, safir toi tsulabeyi eno amichu toi awunye. Khurshiqo kutsuye abongushu toi eno ami, amichhi eno amichuno panoqo kichi lono ipeghi.