DANIEL 9:20 - BAIBEL (BSI)

²⁰ Ino wuno akighini shia, ixineqo eno iwu timi Israilmi xineqo piphe, eno AMPEU vilo pawu akimthe chineki nitsu chileve tsulepi qhuinijua.

Sumi Naga CL (Re-edited) Bible (BSI)

²⁰ I no atsa pi eno akighini shi, I xine eno Iw timi Israelmi xine piphe, eno I Lhou kimthe toghi ghenguno I no qhüiniju akeu Ampeu I Lhou zülo süghi akelo,

DANIEL 9:20 ပူးပေါင်းရင်းမြစ်များ

EZRA 10:1

Kughou Ezra no akipimi piphe qaghi Israil Lhou zulo itsaiqi akighini shi akeno kiptimi, totimi eno itimi kumzapuno suhope pa gholo mlo qasue.

NEHEMIA 1:6

Ilau jupuwolo, O AMPEU eno ikighini initsulo, kughengu ino putho pucho oqemi Israilmi ghenguno khu anie. Ino piphe anie, ningu Israilmino pimivae. Nipuasuqo eno ino pimivae.

LESHELE 145:18

Khunono amlo mutsumishei pa ku ighini keno tipano punukhoi ani.

LESHELE 32:5

Tileno ino ixine ovilo pipheve eno niye ino shipimivekeu kusuvemoe. Ino AMPEU lau ixine piphe nikeu shi xathaluve, tileno nono ixine kumtsu pevetsu.

YETSAPIU 7:20

Ayeghilo timi khuumu ado kumtsulo achipiu shilu eno shipimi mokemi lakhimu kuhae.

ISAIAH 56:7

“Ino nongu sasu ikimthe toghi, Zion lo saghi nani, ikighini kilo alokivi nongu tsu nani eno nonguno akipti khachelo aghashi keu ikhilutsu nani. Ichinekiye ashiayeh kumtsulo timiqo ghenguno akighiniki lakhikepi kunani.”

ISAIAH 58:9

Nonguno inikhu kelo, ino nongu khochile nani, nonguno iku keulo ino hilau ani kepi pinani. “Nonguno qodaqhi chekeu shimove, aphimuqhu chekeu ghusho ghili qhive eno atsa lhoksa pichekeu pimove ishi aye;

ISAIAH 6:5

Tileno ino pi, “Ighenguno ahakusapuake! Niye puhaveniake! kughengu niye akichi mithemokemi ke eno niye akichi mithemokemi gholo xua chenike. Ikeghi, inhethi ampino Akukau, aqokitikhi MPEU ithuluveake!”

ISAIAH 65:24

Panonguno ilau inikhu tavemphi lonomu, ino panoqo kighini chilutsu nani.

DANIEL 10:12

Tileno pano pi, “Danel, msa kevilo. Nono akighithi lunike ghenguno aqhokigheu shino inikhu keu tsala atughunino Alhou no okighini chiluve tsuae. Ino olau ighi akeuye okighini khochile tsu keu lonoke.

DANIEL 10:2

Tipa ghulokilo, niye apinedo kuthu muloa.

DANIEL 11:45

Azughi ngo naghuto kuma dolo achineki khile akeno tipa alo pano kukauno ngokepu phikiqo shisuthu nani, ikemu timi lakhi nomu pa kuphukemi kuhano tileno thive nani.

DANIEL 9:16

Tishimu wovekeu tsalalo nono nisusholuke, tighenguno omlo kighide Jerusalem shou akeu tave tsulo, hiye ophughike, owu akimthe toke. Nixineqo eno nipu asuqono axine shive puzu tipau lono nikisughulo akemi timi kumtsu Jerusalem eno owu akimthe timiqo phimo gihumovepeke.

ZEKHARIA 8:3

Niye Jerusalem, ikimthe phughilo ideighi nani eno tile anani. Tiye pichebekulu phughi ipi ithipe nani eno Aqokitikhi MPEU toghiye akimthe toghi ipi ku nani.

Apostolmi 4:31

Panonguno inikhu tavekelo, panonguno kuho akeu-a sukinie. Panongu kumtsu Aghungu Kimthe no chhilu eno amlo kuloghi shi Alhou tsape shie.

Rommi 3:23

Timi kumtsu axine shive eno Alhou no xalunikua lono putosuve.

James 3:2

Ningu kumtsu ghuthu kutomo shipimive cheni, eno timi khuno pano pikeulo khilemu shipimi chemo keno paye viwotokulu timi lakhike, pa kuxu kuchopu ghasulu chenike.

Piyeküsü 21:10

Aghungu no ipeithaluve eno kungumi huno naghuto shishe qhemghaikeu lakhi toghilo ixapusu wue. Pano Jerusalem, Akimthe phughi hu kungughalo Alhou launo iqichekeu ipiyeke.

Piyeküsü 21:2

Eno Akimthe phughi, Jerusalem Akitheu hu kungughalo Alhou launo iqicheghikeu ino ithulu. Hiye kulaliu lakhino li kimi sasu kusholuniye aphimini pepusu akeshi aphughi hipauye kishekulu shi kutopesu che.