DANIEL 9:12 - BAIBEL (BSI)

¹² Nilau eno nikusau lau kiu shiniepi keno tipau shive cheni. Nono Jerusalem aghime tsukeuhu hipa yeghiqhalo aphughi lakhimu titoi ithulu mphi.

Sumi Naga CL (Re-edited) Bible (BSI)

¹² Pa no amhekiqi kije ningu shou süghi keu vecheo Pa tsa khikhi ningu eno niw yepemi shou pipuku keno ti shikupuvae.

DANIEL 9:12 ပူးပေါင်းရင်းမြစ်များ

KUKAMI ATUGHIU 3:9

Tighenguno timiqo shou achipiu eno kivikusa kimchiluno ayeh pelu penike alokutsu itsulo. Tishimokeloye owu timi hijejehi shou kishi puzu ayeh peluni kya?”

KUKAMI AKINIU 22:16

AMPEU launo ighikeu sutsa hipaqo: “Ino Jerusalem eno tile kuami kumtsu ghimeni cheni pi akukauno phikeu kakulo yepuae.

JOB 12:17

Pano shitsami ayehkipemi lokutsu kutsavetsu cheni eno sakiphemi pelo mbomzumi toivepe cheni.

LESHELE 148:11

Pa sheqhelo, kukami ngo timi kumtsu, kukapumi ngo ayehkipemi kumtsu;

LESHELE 2:10

Tighenguno kukamiqo alotsulo, ayeghilo ayehkipemiqo, ghutululo.

AHOLE 8:16

Ayehkipemi lakhikhino ikukuphu pesu ayehpethi cheni, pithi shithikemi eno suqhekinimi ghi tishi cheni.

ISAIAH 43:28

Nowu ayehpemino ikungo-a kitiqevetsuke. Ikehu ino kutsakungokeu Israil shou sughike; iwu timiqoye ino thaighavepeke.”

ISAIAH 44:26

Ikemu kughou iqeuno asheazu tsa pini keno, kughono ino aghinimi puwu no ikukughu lhepiye peni keno, akukughu tipaqo eno ashe-azu tsa tipaqo ino kuchou lono shiche nipeke. Jerusalem lo timiqo kughuna kithe nani kepi ino pike, eno Judia lo aphughiqo shipuku kithe nani kepi pike. Aphughi hupaqoye ixapinyive keu lono ithughive nani.

JEREMIYA 30:7

Aha! Atsala tipauye akumsapuke; tipa tsalaye kiunomu kimighimla keu tsalake; tiye iwu timiqo ghenguno shilukusa aghime ghulokike, ikemu panongu puxutsu nani.”

JEREMIYA 32:23

Ikemu kughou panonguno ayeghi hipaulo iloghi eno hipau amheghi shiluve keno, panonguye nono ahza tsukeu gholumove momu nono shikakeu kiqi lono xumove; nono panoqo pelo shipeniye ahza tsukeu panonguno kiumu shitsumoveke. Ikehu nono kutsakungokeu hipaqo kumtsu panoqo shou sughike.”

JEREMIYA 39:16

Aqokitikhi MPEU, Israil Lhou no ishi piani pilo pike: “Ino puzuuno shiniepi piveke toi, niye aphughi hipau shou kutsakungokeu sughini kethono kinikulu sughini chemoe. Hipau shiakelo noye tipau pinike tilehi anani.

JEREMIYA 44:23

Ishi kutolo kutsakungo keu hipau nongu shou ighi ani kughengu nonguno kutau lhouqo lau akumllagho tsuke eno AMPEU shou axine shi anike tiye pano ahza tsukeu kumtsu papemokeu lonoke.”

AKUMLO 1:12

Vechewu cheghi kemi kumtsu vilo lino pi, “Ikudau jupuwulo, khumu ino suakeu toi supuamoe, tiye AMPEU no pa loghu lono ishou sughi keu kusuke.”

AKUMLO 2:13

O Jerusalem, kupuqhiyi chekeu Jerusalem Niye okugha pesu kiu kimihi shitsuni kya? niye kishi puzu olokughunotsu luni kya? Khumu hikithipu shi aghime shimphike. Azughi mighiwo tomlake toi okutsa kungovekeuye titoivae; lajupu kiumu kuhavae.

AKUMLO 2:17

AMPEU no pano shini cheni kepi kichichekeu ashekha shivae: Pano ado kushuwa lono kutughu cheke toi kimiyemo mithe puzu ningu kutsavae. Pano nighumi pelo tokulu shipe eno nino veqhive keulo panoqo pelo alovivepe.

AKUMLO 4:6

Ingaqo ghime huye Sodom xine ghengu no aghime tsukeu nguno akijeu shi ado kitila dolono peiveno khunomu panoqo kuphu kulupu shimove.

EZEKEL 13:6

Panongu kungunhetsu ye kichileuke eno panonguno ashe azu shi pikeu tsaye akimkike. Panonguye itsa kepi picheni ikemu niye panongu puwumoke, ikeghi panonguye panoqo tsa kuchou shiaghi penishi acheni!

EZEKEL 5:9

Ino mithichekeu jeli kumtsu nono shikeu ghenguno ino Jerusalem ghimeqhi nani tiye puzuu ino khilemu shipuamo keuke eno itaghi khilemu shinichemo keuke.

DANIEL 12:1

Kungumi lakhi aphi kumtsha uakeu no pi, “Aghuloki lakhilo, Mikhel kungumi akijeu khuu owu timiqo khe acheni keno pano ipeghi nani. Tileno ighono aghime lhoksa ayeghi lhotughu lono ishi kutolo ithumula aphikeu shi nani. Aghuloki tipau ighi kelo, no shiayeh dolo khunoqo je Alhou wu kakulo yepuaghini keno xaluve nani.

JOYIL 2:2

Tiye zumoyikeu eno zuchiyikeu tsala lakhike, khumuyikeu eno kimhi kughu tsalake. Tulhaqu no ghushimi loji kije toi hakutsutsu cheni, akuzuno naghuto nhakhaluve keu toike. Khilemu hikithipu toikeu shi ighijumphike, khilemu itaghi tikithipu shimo nani.

AMUS 3:2

“Ayeghiqhalo ashiayeh akemi gholo niye nongu likhi ithi eno tuchohijuke. Tighenguno nongu xineye akichiqhipuke eno tishi kehu tipau ghenguno niye nongu ghimeqhi masake.”

ZEKHARIA 1:6

Tungkupmi iqemiqo vechewo nongu puasuqo lau ino ahza tsu eno kutughukeu tsuke ikemu panonguno tipaqo phimoveke eno tipau jume aghime sholu ke. Tileno panonguno xachile ighino ni, Aqokitikhi MPEU no panonguno ithulu kuzupu shiakeu qhemi eno ino shinikeu shi kumsupuve keu shi panoqo ghimeqhi kepu panonguno kumsu chileluke.”

ZEKHARIA 1:8

AMPEU wu kungumi lakhi khurshi huchuyikeu shou ikuno cheghikeu ino ithulu. Abokhuqa lakhilo axokutsungu subo hami akeu gholo pano ngove eno pa tikhau huchuyikeu ngo hughaikeu eno metsughoi keu khurshi kutau ghi ake.

ZEKHARIA 7:12

Panonguno amlo hekighike pesu auvekeuye Aqokitikhi MPEU no pa ghungu pelo puzuumi tungkupmiqo vechewo ayezah eno akukutsu tsa tsupuwukeu chilumoniyeke. Tighenguno niye ighono aloghu ideveke.

MATTHEW 24:21

Kughengu ayeghiqha huthuke lono ishi kutolo hitoi shimphikeu eno khilemu hitoikeu shinichemo keu ghime kitikhi tileno shini chenie.

MATTHEW 5:18

Kughengu kuchouno ino nongu vilo pini, atsutsu eno ayeghi haumoke kutolo Ayezah lo chosupuakeu momu hetha puakeu thwokha kumtsu shi kishekha moke kutolo lakhimu hauvemo nani.

Mark 13:19

Kughengu tipaqo tsalalo akijikusapu chekeu huye Alhou no inahuu ayeghi lhoke lono ishi kutolo tikithipu shimphi, momu hikithipu itaghi shimo nani.

Luke 21:22

Kughengu hiye amukhukulu tsala, kucho yesulo pi puakeu kumtsu kupuni kehu ke.

Rommi 15:8

Kughengu ino nongu vilo piakeuno Khristo ye Judami qeu lakhi shive puzu Alhou ye pukhube lukeu kepi piyeni ke eno apu-asu lau piqhipuakeu hu shikumtoniyeke.