DANIEL 9:11 - BAIBEL (BSI)

¹¹ Israilmi kumtsu oyezah hephoveno nono kiu pikeno inimono tuchileve tsuke. Nino ozulo kuquvae, tighenguno oqeu Muse vechewo sughikeu yezah kiqi lono angsu nishou ighi ani.

Sumi Naga CL (Re-edited) Bible (BSI)

¹¹ Israelmi kümtsü no O yezah hebideve eno O sütsa chiluni keu milive no kughove ke. Angusü ngo ashoqhi khikhi Alhou qeu Moses Yezah lo yepüani keno tipaqo ni shou lepukuve tsü, kughengu ningu no Pa shou axine shive ke.

DANIEL 9:11 ပူးပေါင်းရင်းမြစ်များ

KUKAMI AKINIU 18:12

Samaria ikiqivekeuye Israilmino AMPEU panongu Lhou gholumoke ghenguno eno pano panongu sasu puloshoqhi shikeu kubove eno AMPEU qeu Muse no tsukeu yehzaqo hebideveke. Panonguno initsumoe eno panonguno aghokulu shimoe.

KUKAMI AKINIU 22:16

AMPEU launo ighikeu sutsa hipaqo: “Ino Jerusalem eno tile kuami kumtsu ghimeni cheni pi akukauno phikeu kakulo yepuae.

ISAIAH 1:3

Pichepighi ghi pano pighiu ithi ani eno gadaha ghi panoqo mpeuno khilehino panoqo achuqupu tsu cheni keno ithi ani, ikemu Israilmi iwu timiye ni ithi chemoe.”

ISAIAH 43:28

Nowu ayehpemino ikungo-a kitiqevetsuke. Ikehu ino kutsakungokeu Israil shou sughike; iwu timiqoye ino thaighavepeke.”

JEREMIYA 16:11

Tileno panoqo vilo AMPEU no ishi pike pilo, nongu puasuqono ilauno tsughusu wuve eno kutau lhouqo qe eno mllauveke. Panonguno iqhive eno ino kutsupiyekeqo hebideveke.

JEREMIYA 2:29

Nonguye kiu muchho ani kya? Nonguye kushiye ihebide ani kya?

JEREMIYA 30:14

Olojipumi kumtsuno okumsumavae; panonguye kiumu nongu hijuni chemoke. Ino aghumi lakhi toi shipuzu nongu haqhike; nonguye mughachhoi keu lono ghimeqhike eno nongu lhoksaye kijeke.

JEREMIYA 32:23

Ikemu kughou panonguno ayeghi hipaulo iloghi eno hipau amheghi shiluve keno, panonguye nono ahza tsukeu gholumove momu nono shikakeu kiqi lono xumove; nono panoqo pelo shipeniye ahza tsukeu panonguno kiumu shitsumoveke. Ikehu nono kutsakungokeu hipaqo kumtsu panoqo shou sughike.”

JEREMIYA 40:3

eno itehiye pano shiniepi kiu pikeno tipau shivae. Hipaqo kumtsu shivekeuye kutau ghenguno kumono nowu timino AMPEU shou axine shive eno pa gholumoke.

JEREMIYA 44:22

Ishi tsalalo ghi noyeghiye ixapinyi ani eno khuu nomu tipaulo achemoke. Tiye timino juighukeu-a shi ani eno timino musuini keulo tipau je peitha anike, kughengu AMPEU ye nongu kixikila lhoksa pepimhe ache keu xapuqhe khamlaveke.

JEREMIYA 44:23

Ishi kutolo kutsakungo keu hipau nongu shou ighi ani kughengu nonguno kutau lhouqo lau akumllagho tsuke eno AMPEU shou axine shi anike tiye pano ahza tsukeu kumtsu papemokeu lonoke.”

JEREMIYA 6:19

Ayeghi, inilo! Julo, ino timi hipaqo shou alhoksapu sughini cheni tiye panoqo wu muqumugha ghenguno, kughengu panonguye ino kutsukeu peveke eno itsa papelumoke.

JEREMIYA 9:26

Timi tipaqoye Ijip, Juda, Edom, Amun nuliqo, Muab eno asayeqhalo khunoqono pano kutsusa ikhonhei tsave cheni keno tipaqo kumtsu. Hipaqo shiayeh lakhimu eno Israil lo akemi milakhimu iwu puloshoqhi pechemoke.”

DANIEL 9:13

Muse yezah lo kiu ghime ithulu nanipi yepuani keno tipau lakhimu qhimono ni ghimeke, ikemu itehi kutolo, O AMPEU niLhou, ninguye nixine lono idesu olau ighino opulou shinikeu momu owu kuchou pape nikeu pukaputsa mono aphie.

DANIEL 9:5

“Nino axine shivae, nino alhoksa mlacheni, nino pimiche, nono nivilo kiu shile pi ahza tsu keno nino milive eno nono kiu achipi keno nipiye keu lono nino pove.

ZEKHARIA 1:6

Tungkupmi iqemiqo vechewo nongu puasuqo lau ino ahza tsu eno kutughukeu tsuke ikemu panonguno tipaqo phimoveke eno tipau jume aghime sholu ke. Tileno panonguno xachile ighino ni, Aqokitikhi MPEU no panonguno ithulu kuzupu shiakeu qhemi eno ino shinikeu shi kumsupuve keu shi panoqo ghimeqhi kepu panonguno kumsu chileluke.”

ZEKHARIA 7:12

Panonguno amlo hekighike pesu auvekeuye Aqokitikhi MPEU no pa ghungu pelo puzuumi tungkupmiqo vechewo ayezah eno akukutsu tsa tsupuwukeu chilumoniyeke. Tighenguno niye ighono aloghu ideveke.

ZEKHARIA 8:13

Juda ngo Israil lo akemiqo! Wovekeu tsalalo inaghamino lakhino lakhi ghusho keulo, ‘Juda ngo Israil kuma shou kutsakungo keu ikughikeu tho oshou ikughi peniu!’ ipi picheke. Ikemu ino nongu xalu nani eno tileno inaghami hupaqoye lakhino lakhi vilo, ‘Juda ngo Israil kuma shou kukumgha ighike tho opelo ithulu peniu!’ ipi pinani. Tighenguno amlo kumtoshilo eno msa ichi kevilo.”

ZAKINIU 8:20

Nonguno AMPEU gholumo aye pano ashiayeh kutami khipaqo nonguno azuu haighi kelo pano kutsave tsuniye shi ani keno tipaphi lono nongu ghi kutsave nanike.”