DANIEL 8:3 - BAIBEL (BSI)

³ Aghoki mukulo bheritsu lakhi akibo kushuwo kinikupu tile akeu ithulo, akibo lakhiye lakhi pashu eno kutau lakhi nguno akitheu.

Sumi Naga CL (Re-edited) Bible (BSI)

³ I no I nhethi tsüpuku no ithulu, julo, ambetsü lakhi azüla mkülo puthugho ae. Tipau ye akibo kini ae, eno akibo kinikujo qhemghai, ikemu lakhi no lakhiu nguno qhemghai, eno qhemghai keu no ashekhau shi ipeghi.

DANIEL 8:3 ပူးပေါင်းရင်းမြစ်များ

YEKIKITHI ATUGHIU 21:16

Kungumino pa ulo azuta pesu amlhu mtalo puthugho akeu eno Jerusalem kutsaveniye kutope akeu David no ithulu. Tile David ngo sakiphemiqo yeqhiyephi uakeqo kumtsu panongu gino ayeghilo shosupe itsaqive.

EZRA 1:2

“Cyrus akukauno hitoi pi ani, kungugha Lhou no ayeghilo yehpe kuka itsuvae eno Juda yeghilo Jerusalem lo pa ghenguno achineki lakhi shitsu lopi ipichevae.

EZRA 4:5

Panoqono Persia lono kijemi ighikeqo zuizaveno panoqo kumla lakha auvepe. Timi tipaqono Cyras yehkipe ghuloki lono Darus yehpe ghuloki kutolo akumla vekukhatsu ache.

ISAIAH 13:17

AMPEU no pi, “Babilon leluve penike ino Mediyami xuputho ani. Panoqoye tsandiyi ngo shunayi pesu panongu ghujuqhiluve mla nani.

ISAIAH 21:2

Ayikusapu shiwoni keu kungunhetsu lakhi ino ithuluke, tiye jechukileni keu eno hexapiniyini keu kungunhetsu lakhi ke. Elam ghushimiqo halewulo! Mediyami ghushimiqo, aphughi bothano khathasululo! Babilon no aghime tsuche keu Alhou no kishekhave tsuni cheni.

ISAIAH 44:28

Ino Cyrus vilo pike, ‘Nono ighenguno ayehkipeu shini; Opelo ino kiu shipenishi keno nono shi nani. Jerusalem shikithe nikeu nono ahza tsu nani eno Achineki boqha qha wonikeu nono ahza tsu nanike.’ ”

JEREMIYA 51:11

AMPEU no Babilon kutsanike kumsupu pesu anike ghenguno pano Media lo kukamiqo xukuthovetsuke. Titoi shikeu lono pa chineki kutsalevekeu mukhu pano lu nani. Leighi akemi kijemiqono ishi ahza tsuke, “Nongu piji xukumtsuvelo! Nongu zuto kutope peluvelo!

DANIEL 10:5

Ino kunguu jukelo timi lakhi aphi kumtsha u eno shunano shikeu pokha puakeu ithulu.

DANIEL 2:39

Oshelo akukaphu lakhi ipeghi nani, tipau kukaye okukaqhemi kumo nani. Tipashelo, akuthuu akukaphu alazayino shikeu ipeghi nani, tipauno ayeghiqha kumtsu shou ayehpe nani.

DANIEL 5:31

Mediami Darus khuu apunumpe lhotsugho kini shiakeno pano pa kuka suxaluve.

DANIEL 6:28

Danel ye Darus kuka ghulokilo eno Persiami Cyrus kuka ghulokilo ajekipi shi xucheke.

DANIEL 7:5

Tughashi akiniuye ava toi athiu pukhu lono puthughope akeu ithulu. Akuchughi kuthu pahuno mikipe ae eno asutsa lakhino pa vilo pi, “Wulo eno ashi chukulu thaqhu chulo.”

DANIEL 8:2

Kungunhetsu lo niye Elam yeghiqhalo Susa phughi lakhi aghutuno putumuxape akeulo ngo aghi keu ithulu. Ino Ulai ghoki mukulo puthughoa.

DANIEL 8:20

“Bheritsu akibo kini kupu nono ithulu keuhuye Mediami eno Persiami kukaqha kiqike.

ZEKHARIA 1:18

Kungunhetsu kutau lakhi lono ino amshitsu kibo bidi ithulu.

ZEKHARIA 2:1

Kungunhetsu kutau lakhilo, timi lakhino mighikepu kighi pa ulo pe akeu ino ithulu.

ZEKHARIA 5:1

Itaghi ino jupuwu kelauye likuzu kaku lakhi yecheghi keu ithulu.

ZEKHARIA 5:5

Kungumino itaghi ipeghi no pi, “Julo, kutau kiukela chenike!”

ZEKHARIA 5:9

Ino jupuwu kelauye totimi kini, azughau kuloghi chishibo kumto toikeu puno ikudau yesusu cheghikeu ithulu. Pamano ashoghi hu ikhiqheluve eno tipau pesu yewuve!

ZEKHARIA 6:1

Ino kungunhetsu kutau lakhi ithulu. Hipau tuqhuloye khurkulu bidi alazayi naghuto kini dolono ipecheghi keu ino ithulu.

AKIKIHI 24:2

Israilmi no alagha alaghano aghazu shipesu akeu ithulu. Alhou ghunguno pa peithaluve,

JOSHUA 5:13

Joshua no Jerikho kupunulo akelo timi lakhi paikhavi pa zulo puthugho aghike ithulu eno azutakihi pe aghi, Joshua no pa lau wuno, “Noye niwu ghushimi gholo lakhi keo nighumi kya?” pi iniju.

Piyeküsü 13:11

Ikelauye ayeghi lono tughashi kutau lakhi ipecheghi keu ino ithulu. Tipauye bheriti toi akibo kini puae, eno tipauno Dragon toi atsapie.

Piyeküsü 5:6

Tileno akuka lakhu ngo akuxu akeu lhoxuqo dolo eno muchomiqo gholo Bheriti lakhi puthugho aghikeu ino ithulu. Bheriti huye ghiqhipuakeu toi ipeghi. Tiye akibo tsuni pua, tipaqoye Alhou kimthe ghahwu tsuni ayeghiqhalo puwu puakeqoke.