DANIEL 8:23 - BAIBEL (BSI)

²³ “Akukaqha hipaqo ashekha shive nikeu kupunuve kemtsa, panonguye alhoksami shikhave nani eno panongu ghime moaye sakepu shive nani. Tilehi kukami lakhi amlo kumka, akimthe kumo eno pishiqhikeu anani.

Sumi Naga CL (Re-edited) Bible (BSI)

²³ Panoqo kükaqha kishekhani kelau kughou axinemi no axine shi aghaqiveni keno, kükami lakhi agi khümkhülai keu, khuu aholeqo vethalu cheni keno, pa no ithughi nani.

DANIEL 8:23 ပူးပေါင်းရင်းမြစ်များ

BOTHUBO 15:16

Tiqheli abidiu lono olaghano hile ideghi nani, kughengu ti kutolo Amarimi qono alhoksa shikeu ghenguno shikighime qhinikeu tomono aghini aphike.”

AHOLE 1:6

Tishianguno panonguye aholetsalo akiqi kusupe puakeu ngo alokutsumi no akupuna tsa inijukeu vethalu cheni.

EZEKEL 38:16

Pasapagha lakhino ayeghi shou itha ighikeu toi nono iwu timi Israilmi leighi nani. Kughono ado toveni keno, ino opelo iyeghi lewupeniye puwu nani,tiye ashiayehqo pelo niye khuu keno piyeni kehue eno ikimthe piyenike.

EZEKEL 38:8

Ampe kutomo thiu ino ahza pa tsu puzu aghakhu lakhi lewupe nani. Tipau ghakhulo timiqoye ashiayeh kutamiqo launo kumqo saghi puzu aghukishi musamono xuache keqoke. Pano Israil naghuto leighi nani tipaqoye ado kushuwa piyighive eno kughukughaleive ke, ikemu itehi timiqoye tilehi sushokulu shi kughunaluve ake.

DANIEL 10:14

Ino olau ighi akeuye owu timiqo shou kiu ighi nani keno opelo ithive peniyeke. Hipau kungunhetsu nono ithulu keuye ighinikeu ghilike.”

DANIEL 11:21

Kungumino hitoi pie, “Pa shelo Siriya lo akukau shini keuye alhoksami lakhi ipeghi peno khuu akukau shikuzu kumo ke ikemu pulumono akeno akuka suxa luve nani.

DANIEL 11:24

Pano kinikulu kua yeghi lakhi azuuno kutughu mono lenani eno pazuu kukami qono khilemu shichemo keu shi nani. Pano aghu lono anhemgha suxa sughi keqo pa kusami sasu kijeve nani. Pano putu veho puakeu a lakhi lenike ghenguno akukughu shi nani kemu tishimla aphi lono pado kuhave nani.”

DANIEL 7:11

Ino ju akelo itaghi akibo aghulo lakhino aqhekuzashi pikeu chilu. Ino jupulano tughashi abidiu hu heqhive, eno pasukumo khape amilo vesuveno pitive.

DANIEL 7:20

Pa kutsulo akibo chighi akeloye akibo lakhi athiuno ipeghi keu huno kutau akibo kuthu helaqhive tsu keu ithini shia. Tipau anhethi kutomo eno akichi lakhi pua tileno aqhekuza tsa pia. Tughashi kutauqo nguno alau jukumsapuke.

DANIEL 7:25

Pano Akughushu Lhou ghobide keu tsa pi nani eno Alhou wu timiqo ghime nani. Pano panongu chineyeh eno pinyichekeu kilivetsu nike pukaputsa nani. Eno Alhou timiqo pa kuka qholo ampe kuthuno tuxa ngo nani.

DANIEL 7:8

Ino akiboqo ju akelono akibo aghulo lakhi kutau gholo ipeghi keu ithulu. Tipauno tilehi azuu akibo akeqo gholo kuthu fuchhevetsu. Akibo tipaulo timi nhethi eno akichi lakhi puno tileno aqhekuza tsa pia.

DANIEL 8:22

Akibo atughiu icheve kemtsa tipa alono akibo bidi ipeghivekeu huye akukaqha bidike eno akukaqha kikije bidi shiveno akukaphu atughiu kumto qhemi shimlave nikeuke.

DANIEL 8:24

Paye ighono akumto anani ikemu pa kumto tipauye pa kukano kumo. Puhavekepu shikupsa pano huthuphe tsu nani eno pano kiu shikeno thwokhalo tokulu shi nani. Akuka kughushu timiqo eno Alhou wu timiqo shou puhavekepu shikupsa sughi tsu nani.

DANIEL 8:25

Pano amqukinimi ke ghenguno pishiqhi keu kumlalo tokulu shi nani. Pano pa likhi pa jupe shishe aqhekuza shi kutughumono zuleno timi kutomo heqhive nani. Pano kukami kumtsu shou akukau ghi phi gihumo nani, ikemu ayeghilo timi kuka peithamono pa heqhive nani.

AKIKIHI 24:24

Kupra kudauno azu shouno leighikemi cheni; Panonguno Asiriya ngo Eber leluve nani, Ikemu tipashelo panonguye alhokupuju lo pughave nani.”

MATTHEW 23:32

No puasunoqono kiu huthu puatsuakela shi tavelo!

ZAKINIU 28:50

Panonguno ayikusa shinani eno itimi lau na muchomi lau pinamu kimiyekeu kutilamu kuha nani.

1 Thes. 2:16

Kughengu Judakumomi vilo atsakiviu pikulha puzu xakulupu shinikeulo panonguno ningu lakhake. Hipau shikeu lono panongu xine kumtsu shikupu nike pulhapuju hitoi shi achenike. Ikemu ashekhalo Alhou loghu panongu shou ikughivae.

1 Tim. 4:1

Aghungu huno mutsumisheyi pikeuno ashekha ghulokiloye timi khamino akupulu pheve nani; panonguno akimiki ghahwuqo tsa ini eno tughamino shikakeulo amlo tsushewuve nani.

Piyeküsü 19:20

Tughashi ngo pa gholo kichile tungkupu pa zulono akumzapu kumla shichekeu ngo ishi akughu shipeniye kughaluve. (Kichile tungkupuno akumzapu kumla shipuzu khunoqono tughashi wu amchi pe-a eno khunoqono tughashi wu ajulho shisukeu mllachekeno tipaqo pishiqhi acheke.) Tughashi ngo kichile tungkupu pama kini kujo akuxuno amiyizulo amichu pesu pitiakeulo vesuve.