DANIEL 8:17 - BAIBEL (BSI)

¹⁷ Gabriel no ilau ighino iphivilo puthughove eno niye akumsano ayeghilo iluqive. Pano ivilo pi, “Thivenikuau timio, akiqi ithi lo. Kungunhetsuno kiu ithulu keno tiye ayeghiqha ashekha shiveni keu tsake.”

Sumi Naga CL (Re-edited) Bible (BSI)

¹⁷ Ikehu pa no I no khile puthugho akeno tile ighi. Kughou pa no ighi keno, ni ye msave eno I gi pishiqho luve. Ikemu pa no I vilo pi, “O timi nu, kungunhetsü hu ye ashekha ghuloki ghenguno kepi vethalulo.”

DANIEL 8:17 ပူးပေါင်းရင်းမြစ်များ

BOTHUBO 17:3

Tile Abram ye qhoqhu nhepe pagi pishiqholuve eno Alhou no pa putsa ghi pi,

EZEKEL 1:28

Ikehu milisu vehope akeu julho kumtsu tile ake. Phuphuyikeu kuvu huno AMPEU tile akeu jumichi shi ake. Ino tipau ithulukeulo niye agi pishiqho pesu ayeghilo ikiqive. Tileno milakhino iputsakeu sutsa lakhi hitoi chilu,

EZEKEL 2:1

“Thinikuau timio, puthugholo, Niye oputsa nishi anike.”

EZEKEL 44:4

Tileno timi huno ahuu khagho lono isasu Achineki gizulo sawu. Ino juke lauye AMPEU chinekiye pano sasu akeu kuvu saghu saghuikeuno chhitoivekeu ino ithulu. Ino igi pishiqhope ayeghilo ikiqive,

EZEKEL 6:2

“Thinikuau timio, Israil lo naghutoqo kudau jupuwu puzu itsape pesu panoqo tsulo.

DANIEL 10:11

Kungumi no ivilo pi, “Danel, Alhou ye okimiye acheni. Puthugho ngono ino kiu ovilo pini keno tsaqui inijulo, pano olau ipuwuke.” Pano kughono hi ivilo pikeno thuthu shi itha pulano puthughove.

DANIEL 10:16

Tileno kungumi lakhi timi toi keuno pau chho puwono imtsu butsu. Ino pa vilo pi, “Akijeu, kungunhetsu ithulu keu lono niye ighono qei thuthu shi itha akeu tamlavea.

DANIEL 11:27

Tishiveno kukami kini kumtsa aghulhu kuchua lakhilo iqano chu nani, ikemu pama kini kujo akukumsu lhoksa xapu ngo nani eno pishiqhi kile nani. Panonguno shi nishi akeu doye ighi miphi kehu.

DANIEL 11:40

Siriya lo akukau ghenguno atsala ashekha ighi nike kupunu sheveke mtsa, Ijip lo akukauno pa leighi nani eno Siriya lo akukauno pa kuka pagho pephe mujo chile nani, aghu kishi khurshi eno zukilu peitha nani. Pano aphughi kutomo amghazu kuqo toi ighino le nani.

DANIEL 12:13

“O Danel, noye ashekha kutolo aghokulu shilo. Tishiaye noye thivemu xuithughiveno ashekha lono agho ithulu nani.”

DANIEL 12:4

Pano ivilo pi, “Danel itehiye kaku likuzuveno ayeghiqha ashekha shivemoke kutolo amchishi mekhape qhivelo. Tipadolo timi kutomono ado kivi kutomo peveno tipau kiu shi nani keno ithinike pukaputsa iqho iqi nani.” Akighithino ikokitheve nani.

DANIEL 2:46

Akukau Nebukadnezar no khoqhupe ngono lhoxu heqhipe Danel mlla lepi ahza tsuve.

DANIEL 7:16

Puthugho akeu lau ino wuno pa vilo kishekulushi ivilo pitsu lopi iniju. Tileno pano akiqi ivilo pitsu.

DANIEL 8:15

Kungunhetsu ithulukeqo kiu kiqi keno ithive nishi kutuno pukaputsa jua, zuleno timi lakhi igizulo puthugho aghike ithulu.

DANIEL 8:19

Pano pi, “Ino opiye akeuye Alhou mlokighide ashekha lo kiu shive nani keno tipauke. Kungunhetsu ithulu keuye ado ashekha shive nikeu kichepiyekeu ke.

DANIEL 8:27

Niye ighono imeveno atsala kutomo su awuve. Tithiu ida ithughi puzu akukauno ipulu puakeu kumla shinike ghenguno tipa alo wuve. Kungunhetsu ithulu keuhu shishe ivehu kughuzushi kiu kiqi kela muthano ngove.

DANIEL 9:23

Nono kughono Alhou vilo inikhu keno, pano okhochile tsuke, pano okimiye tighenguno khokichile ovilo pinike ighi ani. Ino itehi ovilo kungunhetsuno ithulu keu pinike iquighai ngolo.

DANIEL 9:27

Akukau tipauno ampe tsuni ghenguno timi kutomo sasu visho mlaveno, ado tuxa wove kemtsa, heqhino mllachekeu eno akumllagho tsu chekeu lakhave tsu nani. Akumsapu lakhi shipe achineki mtalo qhi nani eno timi khuuno qhikeno, Alhou no pa kuxu do ashekhashi kutope qhipua tsukeu sasu kushomoke kutolo tile qhi puache nani.

HABAKUK 2:3

Hi yepe qhilo kughengu hipau kuchou shi ighinikeu ghuloki kumphike. Ikemu aghulokiye papashi ighi nani eno kiu opiye keno tiye kuchou ighini putsake. Hi ighinike asheshi aghiluvi ikemu tipau khelo; hiye mutsuqheyino shi nani putsa ke eno hiye munuvemo nani.

MATTHEW 17:8

Ike panonguno jupuku kelauye Jisu likhi thono kutami khumu ithumlave.

Piyeküsü 1:17

Kughou ino pa ithulukeno niye thivekeshi pa pukhu phivilo ikiqive. Ikemu pano pa u-ajeu pesu ishou bepuzu ishipi, “Musakevilo, niye atughiu eno ashekhauke,

Piyeküsü 22:8

Ni Johan no hipaqo kumtsu chilu eno ithuluvae. Kughono ino hipaqo kumtsu chilu tave eno ithulu tave keno, kungumi khuuno hipaqo thwokha ipiye akeno pa mllaniye pa pukhu phivilo iluikiqi.