DANIEL 7:14 - BAIBEL (BSI)

¹⁴ Akuka, agigihu eno ayehkipe kuka pe pa tsuve, ayeghiqhalo timi kumtsu, shiyeh kumtsu ali kumtsu eno atsa jeli kumtsu paqe peniye ke. Pa kukaye alholo acheni keu eno pa kukaqhaye khilemu ashekha shivemoe.

Sumi Naga CL (Re-edited) Bible (BSI)

¹⁴ Ayekipeqha, ajuküvü, eno kükaqha pesü Pa tsüve, tishino ashiaye, shiye eno atsa jeli kümtsü no Pa huthu nani; Pa yekipeqha ye alholo achekeu, ti ye kühave monani, eno Pa kükaqha ye kütsave monani.

DANIEL 7:14 ပူးပေါင်းရင်းမြစ်များ

LESHELE 102:22

Tiye kughou ashiayeh eno akuka qhano kumtsa ighieno AMPEU mlla nikeno tileno shi nani.

LESHELE 103:19

AMPEU no kungughalo pa kuka lakhu qhike; Paye kumtsu shou akukau.

LESHELE 145:13

Oyehkipeye lhokta kutoloke, eno noye alhokupujulo akukauke. AMPEU ye pano piqhikeu papelue. pano shikeu thwokhalo akivike.

LESHELE 146:10

AMPEU ye alhokupujulo akukau. O Zion, iLhou no ado kumtsulo ayehpe chenani. AMPEU sheqhelo!

LESHELE 45:6

Alhou no otsukeu yehkipeqhaye pulhapujulo ache nani. Nono achipiu xakutha pesu owu timiqo shou ayehpeke;

LESHELE 72:11

Kukami kumtsuno pa zulo pishiqhope gihu nani, ashiayeh kumtsuno pa qe nani.

LESHELE 72:17

Akukau je pulhapuju haumono achepelo, tsukinhe ake kutolo pa jekipino tishi apelo. Ashiayeh kumtsuno pa sheqhe pelo, panongu pelo Alhou no panoqo kumghatsu penike iniju pelo, akukau lopivipeni keu panongu pelo kumsulu pelo.

LESHELE 8:6

Ouno mlape puakeu kumtsu shou nono pa pelo ayehpekepu shipeke, lhophe puakeu kumtsu pesu pa qholo qhitsue;

ISAIAH 16:5

Tithiuno David laghami lakhino akukau shive nani eno pano amikucho ngo kikimiye lono timiqo shou ayehpe nani. Paye achipiu shinikeulo xathai nani eno achipiu xakutha shitsu ani kemokeno pano jutsu nani.)

ISAIAH 60:12

Ikemu ashiayeh khipaqono nongu qemoni keno kumtsu puhakhave nani.”

ISAIAH 9:6

Kughengu ningu lau anga lakhi punutsu ani! Anu lakhi ningu tsupuani! Pano ningu shou ayehkipeu shi nani. Pa pesu, Akichiqhipu Lokutsuu, Akughushu Lhou Shekhahau Apu, Alakishi Kukapuu, ipi ku nani.

ISAIAH 9:7

Pa kuka yehkipeye thuwu ache nani; pa kukaqhaye pulhapuju iquneyi anani. Paye Akukau David thisupe ayehpe nani, achipiu xakutha eno amikucho lono pa kuka peitha nani, itehi eno alhokupuju kutolo tishi anani. Aqokitikhi shou AMPEU wu amlo tsuqhiyikeuno hipaqo kumtsu shi nani.

DANIEL 2:35

Paikhavi lono ayi, aghani, alazayi eno shunayino shikeu hu tsuka tsalalo aniqalo ayeghi mukhu toi mukhumuno shi kubove. Amlhuno tipau fupe wuveke loye tipa-alo azuumu khilemu achemo ketoi mithe mithei kiumu kuhave, ikemu atu tipauno naghuto kiqhe pahi kije kusho shiveno ayeghiqha chhitoive.

DANIEL 2:37

Akiqheu, noye kukami kumtsu nguno akughushuke. Kungulo Lhou no opelo akukau shipe eno akuka, akumto, agigihu pesu otsuke.

DANIEL 2:44

Panoqono akukau shi ake ghuloki lono kungulo kukau Alhou no akukaqha lakhi shi nani, tipau khilemu puhavemla nani. Ikemu pano kutami kukami kumtsu puhave tsu nani eno pa kukano ashekha kuha acheuve nani.

DANIEL 3:4

Asutsa ighono mughachhoi shi asheshu, “Ashiayeh kumtsu atsa ajeli pichekemi timi jeli kumtsu

DANIEL 4:3

“Akumzapu Alhou no ipiyesu keu kiutoi kije kya? Pano akumzapu shipe piye keuye kiu toi mutotoi kya? Alhou ye alhokupujulo akukauke, pano tiqhelino tiqheli kuto ayehpe nani.”

DANIEL 6:26

Ikukaqhalo timi kumtsuno Danel Lhou musa penike eno gihu penike ino ahza tsu ani. Paye akuxupu Lhou, pano ashekha kuha ayehpe nani. Pa kukaqha khilemu shipusamo nani. pa kukaye ashekha shive mla nani.

DANIEL 7:18

Akughushu Lhou timiqono ayehkipe kuka ithuluveno alholo pecheuve nani.”

DANIEL 7:27

Ayeghilo akuka kughushu ajekipi kumtsu kughape Akughushu Lhou wu timiqo tsuve nani. Panongu yehkipe kuka ashekha kuha nani eno ayeghilo kukami kumtsu pa huthu pa gholu nani.”

Obadiah 1:21

Jerusalem lo tokulu shi achekemi qono Edom le nani eno tipau shou ayehpe nani. AMPEU no Akukau shiluve nani.”

MICAH 4:7

Panonguye aphi a-u ichheve ake eno aghakhu lono putou ani, ikemu puxupe puaghi kemiqo sasu abothu lono akithe kiukela lakhi ino shi nani eno panonguye ashiayeh kuloghi lakhi shive nani. Tipa ghuloki nguno alhokupuju kutolo Zion Toghilo ngo puzu ino panoqo shou ayehpe nani.”

MATTHEW 11:27

“Ipuh no thwokha kumtsu itsuvae. Apuh likhino kumoaye khuu nomu Anu mthae eno Anu likhino kumoaye khuu nomu Apuh mthae, eno Anu no khunoqo pelo Apuh ithipe nike pephepiye nikeno tipaqono kumoaye khuunomu Apuh mthae.

MATTHEW 28:18

Jisu no kupunu ighi puzu panoqo vilo ishipi, “Kungughalo ngo ayeghilo akuka kumtsu itsuvae,

Luke 1:33

paye pulhapuju ghenguno Jakob lagha kukau shi nani eno pa kukaqhaye ashekha shimo nani.”

Luke 10:22

Ipuno thime kumtsu pesu itsuvae; Apu likhino thono Anu ye khuu kela khunomu mthae,eno Anu likhino thono Apuye khu kela eno Anu no khuno lau pephepiye niye kishelu keno tipano likhino thono khunomu mthae.”

John 12:34

Timi aqokitikhino pa khochile, “Ni yezah kakulo Mesiya ye alhokupuju ache nani kepi pipuanie. Tishiaye noye kishi puzu Timi Nu ikhiqhenikeu tsa piani kya? Timi Nu huye khuu kya?”

John 3:35

Apuhno pa Nu kimiyeke eno thwokha kumtsu pesu pa-ulo qhivetsuae.

IBRIMI 12:28

Tighenguno ninguye sukughutha mlakeu yehkipeqha ithuluveake ghenguno shikimthi ani nolo. Ikehu akimtheshi ighukeu eno sumsakeu lono Alhou no ikhikulupushi pa mlla huthuni nolo;

1 Peter 3:22

Paye kungughalo wuvae eno Alhou u-ajeu ani eno kungumi kumtsu eno kungughalo ayehkipe jeli eno akuka jeli kumtsu pa qholo anike.

Piyeküsü 1:6

eno pa Lhou eno pa Pu qepeniye ningu pesu achinemi yehkipeqha lakhi shivetsu keno, pa lau akimthe jekipi,ayehkipe alhokupujulo achepelo! Amen.

Piyeküsü 11:15

Tileno kungumi akutsuniuno pa fuko kuyigha, ikelauye atsutsulo vekipighi asutsa shiae eno ishipi “Ayeghi kukaqhaye niMpeu eno pawu Mesiya wu akukaqha shiluvae eno pano alhokupujulo kacheuve nani.”

Piyeküsü 17:14

Panonguno Bheriti sasu aghushi nani; ikemu Bheriti no panoqo leluve nani, kughengu paye ampemi shou Ampeu ke eno kukami shou Akukauke; eno pa papemi, kukulumi, kishekulumi kuqhano pa shou toluve nani.”

Piyeküsü 3:21

Khunono theqhikulushi toluni keno ino theqhi kulushi toluve puzu iPu gholo pa kuka lakhulo iqalu ketoi, ikuka lakhulo igholo iqalupe nani.