DANIEL 7:13 - BAIBEL (BSI)

¹³ Kijiliu ino kungunhetsu shi ake ghulokilo, timi ju kimihi lakhi ithulu, khungkusuno kuzuphope puzu ikudau ighi, paye alholo acheghi keu kudau wuno pa zulo ngove.

Sumi Naga CL (Re-edited) Bible (BSI)

¹³ “Putho lono I no kungunhetsü ithulue, eno julo, timi nu toike lakhi, atsütsü lo khüngküsü lono ighi, Pa no Alholo Achekeu lau ighi eno Pa zülo ngoluve.

DANIEL 7:13 ပူးပေါင်းရင်းမြစ်များ

LESHELE 110:2

AMPEU no Zion lono nono ayehpe akeu kuka pekho tsu nani. “Oghumiqo shou ayehpelo” ipi pano pike.

LESHELE 2:8

Ivilo khulo, ino ashiayeh kutami kumtsu omheghipu shi tsuni eno ayeghiqha owu shipeni.

LESHELE 47:5

Alhou no pa lakhulo iku, AMPEU no ikukelo alokivi ghugha eno afuko kuigha.

JEREMIYA 49:19

Abongushu lakhino Jordan vekudalo aghasa lono achu kumzapu atsuni akeu yeghilo ipeghikeu toi ino ighi nani eno Edommi pelo zuleno pano yeghi lono kohapovepe nani. Tipathiuno ino kishelukeu sakipheu pelo tipa shiayeh shou ayehpe pe nani. Isasu kimighilu kepu khuu ani kya? Khuno ighumono ikhu lunani kya? Ayehkipemi kiutoi keuno imujolu nani kya?

EZEKEL 1:26

Aliholi toikeu shou kiukela safir tuno shikeu lakhu lakhi toi ithulu ake eno alakhu shou iqa akeu kogheye timi lakhi toi ithulu ake.

DANIEL 2:44

Panoqono akukau shi ake ghuloki lono kungulo kukau Alhou no akukaqha lakhi shi nani, tipau khilemu puhavemla nani. Ikemu pano kutami kukami kumtsu puhave tsu nani eno pa kukano ashekha kuha acheuve nani.

DANIEL 7:12

Tughashi kutauqo kuka luvetsu ikemu panonguye ado kihitha pe qhitsu keu kutolo likhi xu apenikeu shi ahza tsuve.

DANIEL 7:2

eno tipaji kiu ithulu keno tipauye hike: Aqha kumtsu lono amlhu ipeghino azughi tukucho thuve.

DANIEL 7:22

Tileno alholono acheghi keu lakhi huno ipeghino Akughushu Lhou wu timi saphu ghi atsa kugha xatha vetsu. Alhou wu timiqono ayehpe kuka ithulu nikeu do tove.

DANIEL 7:9

Ino ju akelono, akuka lakhuqo kutope qhiwo. Alholo acheghi keu lakhi huno akuka lakhuqo dolo lakhilo iqave. Pa phimini murasu toi metsughoi, pa sano amhiyeho akiviu toi, pa kuka lakhuye ami toi keu yeghikilu pukhuno mutu qhepe vuqai iqua.

DANIEL 8:15

Kungunhetsu ithulukeqo kiu kiqi keno ithive nishi kutuno pukaputsa jua, zuleno timi lakhi igizulo puthugho aghike ithulu.

MATTHEW 13:41

Timi Nu no pawu kungumi puwu nani eno pawu Ayehkipeqhalo timi pelo axine shivepe chekeu kumtsu eno alhoksa shichekemi kumtsu kungumiqono xukumqo nani,

MATTHEW 24:30

Tileno Timi Nu michipu atsutsulo ipeghi nani, ayeghilo ashiayeh kumtsu mlo-qah nani, Timi Nu no khungkusu lo akuka eno akimthe jukuvu lono chekeu timiqono ithulu nani.

MATTHEW 25:31

“Kughou Timi Nu no ajukuvu lono kungumi kumtsu pa gholo sasu ighini keno tile pano pawu akimthe jukuvu lakhulo iqa nani.

MATTHEW 26:64

Jisu no ishi pa khochile, “Nono ti pivae. Ikemu ino nongu vilo pini, hinguno hipathiuye Timi Nu no Akukakumto u-ajeu iqa akeu eno atsutsulo khungkusu shouno cheghikeu nonguno ithulu nani.”

MATTHEW 28:18

Jisu no kupunu ighi puzu panoqo vilo ishipi, “Kungughalo ngo ayeghilo akuka kumtsu itsuvae,

MATTHEW 8:20

Jisu no pa khochile, “Sherqoye ngokepu tuki acheni, eno aghauqono apusu ani; ikemu ni Timi Nu ye pa kutsu mukhu kepu-a ghi kuhae.”

Mark 13:26

Tileno Timi Nuno khungkusu lono akuka kije eno ajukuvu lono chekeu timiqono ithulu nani.

Luke 21:27

Tithiu Timi Nu ipeghi nani, khungkusu lono akuka kije eno mulapuyi ighini.

Luke 21:36

Ike ado kumtsulo jukutokupui inikhu alo, tishianguno hipaqo kumtsulo ime mono hechewu kulupu kumto aghilu puzu Timi Nu zulo puthugho kulupu shilo.”

Luke 24:27

Muse kakuqolo eno tungkupmino yehpe puakeqo kumtsu lono huthu susu Kuchoyesu kumtsulo pa ghili pi puakeu Jisu no chixechilei pama vilo pi.

John 12:34

Timi aqokitikhino pa khochile, “Ni yezah kakulo Mesiya ye alhokupuju ache nani kepi pipuanie. Tishiaye noye kishi puzu Timi Nu ikhiqhenikeu tsa piani kya? Timi Nu huye khuu kya?”

John 3:13

Kungugha lono milakhi iqighikeu, Timi Nu thono khunomu kungughalo iku mphie.”

John 5:27

Tinguno alau ghi pano Anu pelo kughakutha peithalupe nike akuka tsuvae, kughengu paye Timi Nu ke.

Apostolmi 7:56

Pano ishi pi, “Julo! Atsutsu khaqhi akeu eno Alhou- u ajeu Timi nu kungughalo puthugho akeu ino ithulu ani!”

1 Thes. 4:17

Tileno ningu thimono xuaghikemiye panoqo sasu kumtsa khungkusu lono sunhe saikuve nani eno amulhu lono Ampeu sasu kusholu nani. Tishipuzu ninguye pulhapuju Ampeu gholo acheuve nani.

1 Tim. 6:16

Pa likhino thimlakeuke eno avilo wumlakeu kuvulo acheni, khunomu pa ithulu puamokeu, eno khunomu pa shou jupukumla keuke. Agigihu kije eno lhokta kukaqha pa lau alo! Amen.

IBRIMI 2:14

Ike pano timi tipaqo pesu atianuli ipi chekemiqo huye ashi-aji puani, Jisu ampino panoqo kimihi shive eno timi phi-ashi kusaje puke, tishianguno pa kithi vechewo akithi kuka akeu tughami puhavetsuniye shike,

IBRIMI 9:24

Kughengu Khristo ye timino shipeqhikeu Kimthe-alo iloke kumoe, Akimthe-A tiye kuchou kimihi shianamu, ikemu paye kungugha-alo iloke, itehi paye tilehi Alhou zulo ningu zuqhushi ngotsuani.

Piyeküsü 1:13

eno tipaqo mutalo timi toike lakhi aghi, eno apukhu kutolo chijebobo-phikuzu u-ae, eno shunayino shikeu pokha pesu pa chita khapu ae.

Piyeküsü 1:18

eno niye xu achekeuke; niye thive ikemu itehiye alhokupujulo xu acheni. Ino Akithi ngo Kithimi-yeghi khadu peani.

Piyeküsü 1:7

Julo, paye khungkusu shouno cheni. Timi kumtsuno pa ithulu nani, pa qhuqhi pithikemi ghi; eno ayeghilo timi jeli akemi kumtsuno pa shou amlo ghime shi nani. Tishi peniu! Amen.

Piyeküsü 14:14

Tileno ino juakelauye khungkusu metsughoyike lakhi aghi, timi toikeu lhoxu lakhino tipau shou iqa ae, tipauye shunayino shikeu kutsukuqho pua eno hashiwo tsuqhaminhei keu lakhi pa ulo peae.