DANIEL 7:10 - BAIBEL (BSI)

¹⁰ Tipau lono ami ghokiti qoipeghia. Tilehi timi qhethonhe kutomo pa mllanike ngoa eno timi 100,000 shou pa zulo puthughoa. Aki tipaulo akumlla huthuve eno kakuqo lhaphepe qhi.

Sumi Naga CL (Re-edited) Bible (BSI)

¹⁰ Ami ghokiti lakhi no Pa zülono qoipeghi ae; qhethonhe qhethonhe no pa qe, eno qhethonhe chighi no ghuthu qhethonhe chighi no Pa zülo puthugho; xakütha ghenguno küghaki kutove, eno kakuqo lhapheve.

DANIEL 7:10 ပူးပေါင်းရင်းမြစ်များ

KUKAMI ATUGHIU 22:19

Mikaiya no pikibe pithu: “AMPEU no kiu pi anikeno inijulo! Niye AMPEU no pawu kungumi kumtsu sasu kungughalo akuka lakhulo pa suhomxa pesu puthugho akeu ithulu ani.

YEKIKITHI AKINIU 18:18

Mikaya no ishi pikibe: “Itehiye AMPEU no kiu pi ani keno inilo! AMPEU ye kungugha lo pa kuka lakhulo iqa akeu ino ithulu ke eno pawu kungumi kumtsu pa phivilo puthughoe.

JOB 25:3

Khuno pawu ghushimiqo kihikha kulupu kya? Alhou kuvuno yepuvu mokeu-a khile anikya?

LESHELE 103:21

AMPEU shelo, nongu kungughalo akuka jeliqo, nongu pa qemi, pa gho apulou shichekeqo!

LESHELE 18:8

Pa nigipe lono amichhi pho iqighi, pa kichi lono muhakeu mi-mili eno iquakeu miyi ipeghi.

LESHELE 50:3

NiLhou cheni, inaqhoi keu lono kumoke ami kuyiquno pa zuwu shi pasapaghano pa vehope ani.

LESHELE 68:17

AMPEU no Sinai lono pawu khurkulu kutomo qhethonhe kutolo sasu akimthe-alo ighi.

ISAIAH 30:27

AMPEU kuka ngo akimthe jukuvuye putouno ithuluve nani. Ami ngo amichhino pa loghu piye cheni. Pano pikeulo pa tsano ami toi iquke.

ISAIAH 30:33

Asiriya lo akukatou ami lono piti kepushi kha-ghino a-a lakhi kutope auvae. A-a tipauye thonhei eno kijeke eno asu ghekisheqhe puani. Tipaulo ami sunike AMPEU no ami kuyiqu amuqo lakhi fupuwu nani.

DANIEL 12:1

Kungumi lakhi aphi kumtsha uakeu no pi, “Aghuloki lakhilo, Mikhel kungumi akijeu khuu owu timiqo khe acheni keno pano ipeghi nani. Tileno ighono aghime lhoksa ayeghi lhotughu lono ishi kutolo ithumula aphikeu shi nani. Aghuloki tipau ighi kelo, no shiayeh dolo khunoqo je Alhou wu kakulo yepuaghini keno xaluve nani.

DANIEL 7:22

Tileno alholono acheghi keu lakhi huno ipeghino Akughushu Lhou wu timi saphu ghi atsa kugha xatha vetsu. Alhou wu timiqono ayehpe kuka ithulu nikeu do tove.

DANIEL 7:26

Tileno kungughalo kughaki lono atsa kugha huthuve, pa kuka ikhiluvetsu eno qhoi puhavetsu.

ZEKHARIA 14:5

Nonguye atoghi kijetha kini shivetsukeu khila vechesu kuhapolu nani. Juda lo Akukau Uziya ghulokilo ayeghi kughuthano ilukelo nopuasu qono kuhakive polu keshi nongu ghi kuhapo nani. AMPEU iLhou ye pa gholo kungumi kumtsu sasu ighi nani.

MATTHEW 25:31

“Kughou Timi Nu no ajukuvu lono kungumi kumtsu pa gholo sasu ighini keno tile pano pawu akimthe jukuvu lakhulo iqa nani.

ZAKINIU 33:2

AMPEU no Sinai Toghi lono ighi; tsukinhe toi pano Edom shou ithughi eno Baran Toghi lono pawu timiqo shou yepuvue. Kungumi 10,000 pa gholo ae, pawu ajeu ami kuiqu lakhi ae.

IBRIMI 1:14

Tishiaye, kungumiye Alhou ghini shichekemi qoke eno pano tipaqo puwu puzu xakulupu ithuluniye akemiqo kuphu chenipeke.

IBRIMI 12:22

Ikemu nonguye Zion tolo ighi ani, akuxupu Lhou phughi kungugha Jerusalem lo, eno kungumi kihikhamlakemi gholo ighi ani.

Jude 1:14

Hiye Adam lono tiqheli akutsuniulo ikoighi akemi Enok no khaghi timi hipaqo ghenguno ishi pivae: “Ampeu no phikhakumla kungumi akimthemi sasu ighi puzu

Piyeküsü 11:18

Alhou yeh kumthamino aloghu-ide, kughengu ologhu ighive kehu, eno kithimi shou xathabe kepudo shivae. Tungkupmi oqemi owu timi, omllachekemiqo, kijemi momu kitilamiqo ajume tsunikeu tuqhudo ighi ani. Khunoqono ayeghi shipusa cheni keno tipaqo shipusa nikeu tuqhudoke!”

Piyeküsü 5:11

Itaghi ino jukelauye kungumi phikhakumla qhethonheno qhethonhe kutolo akeu sutsa chilue. Panonguye akuka lakhu ngo akuxu akeu lhoxu bidi eno muchomiqo vehomxa pesu puthughono,