DANIEL 6:22 - BAIBEL (BSI)

²² Alhou no pawu kungumi puwutsu puzu abongushu baxa khave tsu keu lono panonguye ighuza mlaveke. Pano ixalu keuye ikipimi kuha pikeu pano ithi puqai ake, tilikhi kumono niye ozuloghi pimipuamo pikeu pano ithi ake, Akiqheu.”

Sumi Naga CL (Re-edited) Bible (BSI)

²² I Lhou no kungumi puwu no abongshuuqo kichi lakhave tsü, eno panongu ye I ghüza moe, kughengu ni ye Pa zülo tukutiye küha keu shi ithulu; eno o zülo ghi, O akükau, ni ye aghüzapu kiumu shi püamoe.”

DANIEL 6:22 ပူးပေါင်းရင်းမြစ်များ

BOTHUBO 40:15

Ino kuchouno pini, niye Ibrimiqo yeghilono ikugha pesu wuveke eno hile pinamu akughukilo ikugha pesu sukuzupu niye kiumu mlaitha puamoe.”

SAMUEL AKINIU 22:7

Iwu shiluksa lono ino AMPEU kue; Ino iLhou lau akukuphu ghenguno kue. Pa chineki lono pano isutsa chilutsu; Ino akukuphu ghenguno ighakeu pano initsue.

KUKAMI ATUGHIU 13:28

pano chesu ighikelo kuchono tungkupu phimpi alaghilo gadaha ngo abongushu kumano vapesu aghikeu ithulu. Abongushu huye ti akumo mu chumo, momu gadaha mu tsuchumo no tishi ngo aghikhae.

YEKIKITHI AKINIU 32:21

AMPEU no kungumi lakhi puwu keuno Asiriyami ghushimi ngo kijemiqo heqhikhave tsuke. Tighenguno akukatou ye kujoqhiyi Asiriya lo idechile wove peke. Ghulo lakhi paye pa lhou chine kilo ake lono panu khamino azuta pesu pa ghiqhive.

LESHELE 118:28

Noye iLhou ke, niye oshikimthini; ino noye kijekepi asheshuni.

LESHELE 26:6

O AMPEU, niye akumou shipua mokehu i-u mutsuve ani, eno omllakeu khache veho mlla ani.

LESHELE 31:14

Ikemu ino opukhu ani, O AMPEU, Noye iLhou ke,

LESHELE 34:7

AMPEU wu kungumino pa gholu chekemi khe acheni eno akui ghupu launo panoqo xaphelu cheni.

LESHELE 38:21

Ipheve kevilo, O AMPEU; iLhou, ilauno putosuve kevilo!

LESHELE 84:11

AMPEU ye nisusho chekeu eno akimthe jekipi kukau, pano kupukini eno agigihu pesu nikumghatsu cheni. Khunono achipiu shicheni keno paye thime kivi lakhimu pano lau tsumokeu shimo nani.

ISAIAH 3:10

Amikuchomiye alokivishi nani eno panoqo ghenguye akivipu shilu nani. Panonguno kiu mlaqhilu keno tipau pepimhe alu nani.

ISAIAH 63:9

Hiye kungumi lakhinoke kumoe ikemu AMPEU ampino panoqo xaluke. Pa kikimiye, amlo ighiqhiyikeu lono panoqo xapheluke. Paye wovekeu tsalalo pulhapuju panoqo tuchohijuche,

JEREMIYA 37:18

Tipathiuno ino iniju, “Niye oshou momu owu kijemi ngo timi hipaqo shou kiu lhoksapu mulape puani keno noye ikughape akughukilo sukepu shive kya?

DANIEL 3:28

Akukauno pi, “Shadrak, Meshak eno Abednego noqo Lhou shelo, pano kungumi puwu puzu pa pulu chekeqo xapheluve peke. Panongu kuxu puwove tsumu tano panongu Lhou nguno alau kutau zulo pishiqhope mllamopi ino ahza tsu keu ghi lutsu moveke.

DANIEL 6:20

Kughono tipau alo ighikeno, pano khekulhoshi ku, “Akuxupu Lhou qeu Danel! Nono pulopiniyi huthu chekeu Lhou no abongushu zulono oxaphe pe anima?”

DANIEL 6:23

Akukauye alovi sheveno abongushu kilono Danel sunhephe luvelopi ahza tsuve. Tileno panonguno Danel sunhephe pe jukelauye kiu lomu ghuza puaghimove, kughengu pano Alhou shou pulube acheke.

DANIEL 6:4

Tileno kutami jukutsu akemi eno ahngqo kuqhano Danel yehkipelo akipimi phu nikeu pukaputsaju kemu akipimi kiumu phumlave, kughengu Danel no amikucho akikhi timi kehu eno pulube kulupu kehu.

DANIEL 6:7

Ningu kumtsu okukaqholo Jukutsu chekemi, ahngqo ahng kukuphuu eno tinguno alau kijemiqo pulokuqhaveno opelo ahza lakhi mukamghai bethatsu penishi ani. Ahza tsulo, timi kumtsu atsala shighi dolo no Akukau vilo kumo aye kutami lhou vilo mu timi vilomu inikhu pekevilo. Ahza hipau timi khuuno hexaveni keno pa kughape abongushuu khakuthabolo ikhisuve nikeu shilo.

MICAH 7:7

Ikemu niye AMPEU kheju anike; niye pulopiniyi ixalu nikeu Alhou huqhe anani. ILhou no ikighini initsu nani.

AKIKIHI 20:16

eno ninguno AMPEU lau ighamuku kuphulepike. Pano ningu kuqakumlo chilutsu puzu kungumi lakhi puwu tsu, tipauno Ijip lono nisaipeghike. Itehi ninguye noghakhu lughilo Kades taunlo ani.

MATTHEW 27:46

Ayi kuthu kihe ghulokilo Jisu no aghugha kuloghi shi ighae, “Eli,Eli, lama sabakhtani?” Tipau kiqiye, “iLhou,iLhou, noye kushiye ipheve ani kya?”

Apostolmi 12:11

Tile Pitor ye atsuveshe alotsukhuyiluveno pi: “Kuchou ino ithivae, Ampeu no pawu kungumi hapuwu puzu Herod ulono eno Judamino shiniepi kumsu akeu kumtsu lono ihakholuvae.”

Apostolmi 24:16

Ike Alhou zulo eno timi zulo ilolo mutsumishei kimchikulupu akeu lono pulhapuju pukaputsa ilikhi iqophe acheni.

Apostolmi 27:23

Itiji Alhou khikhi ino mlla cheni eno niye paw shi achekeu huno kungumi lakhi ilau puwu eno tipauno iphivilo puthughono

2 Kor. 1:12

Ningu kijivilo chekeuye hike; nilolo kivikusa lokumsuno ashepe nitsu akeuno ayeghi hipaulo nikuxuye Alhou launo ighikeu kimthe eno musumulai xuchekeu ayeghilo suqekighithi lono kumoe ikemu Alhou wu kupukini pesu xucheke, eno tiye akhotono nongu lau tishi kutshupe xucheke.

2 Tim. 4:17

Ikemu Ampeu no igholo ake eno Alhou tsape hu pesu Judakumomi kumtsu vilo chixechileyi pikulhalu kepushi ishikumto tsuke; ikehu abongushu baxa lono ixapheluveke.

IBRIMI 1:14

Tishiaye, kungumiye Alhou ghini shichekemi qoke eno pano tipaqo puwu puzu xakulupu ithuluniye akemiqo kuphu chenipeke.

IBRIMI 11:33

Akupulu vechewo panoqoye akukaqha lelue, achipiu xakutha peithatsue eno Alhou no piqhipuakeu kuchou kepi phulu, abongushuu baxa lakhalue,

SAMUEL ATUGHIU 17:37

AMPEU no abongushu mutsu eno ava mutsu lono ixaphelue; paye hi Filistiyau launo ixapheluve tsu nani.” Tileno Saul no David vilo pi, “Wulo, AMPEU no ogholo chepenie!”

SAMUEL ATUGHIU 26:18

Pano highi ishi pikupha, “Akijeu, kushiye noye itehi kutolo ni oqeu hachephi kya? Niye kiu shivekeno? Niye kiu mla kuqu puani kya?