DANIEL 5:7 - BAIBEL (BSI)

⁷ Timi khami muta wuno kuduumi, aghahwu kusami eno aqhi ayepu kighithimi kusaghi tsulopi asheshu. Kughono panongu ighikeno akukauno panongu vilo pi, “Nongu gholo khuuno hipau yepua keu philuni keno eno tipau kiqi ivilo piluni keno akuka phi pa pipeno shunano shikeu yila pe agigihu kiqi shi pa ku-olo khatsuni eno ikukaphulo akuka tsu puakeqo dolo akuthuu shipeni.

Sumi Naga CL (Re-edited) Bible (BSI)

⁷ Akükau no shiküghüzü kemi, Chaldeami eno yepu-yesü kighithimi asütsa kuloghi lono ku. Pa no Babylon lo alokütsümiqo lau asheshu, “Khukhumu akiye hipau philu eno hepho piyelu keu ye hughaike phi pipeni eno ameshoyi chi pa kuo lo xipipeni, eno kükaqha lo yepeu aküthüu shipeni.”

DANIEL 5:7 ပူးပေါင်းရင်းမြစ်များ

BOTHUBO 41:8

Inaqhe Farao ye amlo ighono kunachope auve ikehu Ijip yeghilo kuduumi eno alokutsumi kumtsu kusaghipe. Farao no panongu vilo pa samo lhe ikemu khuu nomu tipaqo kiqi hepho pesu pa tsumlave.

ESTHER 3:1

Kushuwo kumolo akukau Ahaserus no pa qholo kumtsu nguno akijeu ayehkipeu lakhi paje Haman ipikeu Agagmi, Hamedatha nu kishepe akukau shelo kijemi kumtsu nguno alau akuka kipeu shipe.

IPEKULU 7:11

Tileno akukauno pawu kighithimi ngo kuduumi kusaghi eno panonguno kuduu shipuzu tipaphi shiluve.

AHOLE 1:9

Akutsu kuqho phi momu achila lakhino ojupivipe ketoi panoqo kukutsuno owu ghushoghili jukivi shilupe nani.

ALE KIMCHI 1:10

Ogimuchuye amekusho chila jukivi toi eno okuolo shuna chila akeu toike.

ISAIAH 47:13

Noye akukutsu ithuluve kethiu ghi akuka kuhake. Nono yepu saqhimi, ayepuqo phuchekemi pelo azuu ighieno oxaluve pejulo, panoqono atsutsuqha kotha kikekeu shipe qhicheni eno aqhi atsutsu oshou kiu shiveni cheni keno ovilo pichenike.

JEREMIYA 50:35

AMPEU no pi, Timiqo lau ngo ayehkipemi lau eno alokutsumi lau akithipuke.

EZEKEL 16:11

Ino achiku achipu pesu opipeke, oulo asapu sutsu eno okuolo achila xini pipeke.

DANIEL 1:20

Akukauno kishi kutho kuzu tsa panongu vilo iniju pina eno akupuna jeli kiu panongu zulo sughi pimu pano bidiye ghuthu chighino kutami pano ghakhulo kuduumi eno auye kujumi nguno akiviu shi khochilelu eno xathalu.

DANIEL 1:4

Panonguye ajukivimi, alokutsumi, thaikemi, pikhavi lono ithivekemi eno aphiau kupukulai jukivimi shi aghimasa, akukau hiyam lo mlakuzupu shilupeni kehu. Ashpenaz no Babilonmi tsa panongu phipiye eno yepiye penikeu shia.

DANIEL 2:2

Tighenguno auye kujumi, kuduumi aghahwu kusami eno tumumiqo ighino pa samo hepho piye penike ghenguno ighilopi ahza tsuve, kughono panonguno ighi puzu akukau zulo puthugho keno,

DANIEL 2:27

Danel no khochile, “Akiqheu, aghahwu kusami, kuduumi, auyekujumi momu aqhiayepu kighithimi dolo khuunomu ovilo pikulumi kuhave kesha?

DANIEL 2:48

Tileno akukauno akumla akiqheu pe Danel tsuve eno kumsagho kutomope pa tsu no Babilon yeghilo ampiu shivepe.

DANIEL 2:6

Ikemu nonguno isamo eno akiqi ivilo piluve aye ino asaxu eno agigihu kijepe nongu tsuni tighenguno kiu samo pumo lukeno akiqi hephope itehino ivilo pilo.”

DANIEL 4:14

Asutsa ighono mghachhoi asheshu, ‘Asubo hipau yeqhipe alu aluno michethavelo, anika xidive eno axathi sukini qhi khavelo. Asubo qholo tughashi jeli khijehi ngo ani keno hapiye pighivelo.

DANIEL 5:11

Oyehkipe qholo akemi timi lakhi ani pa gholo akimthe Lhou ghungu anike. Kughono opuno ka akeno timi tipauno alokutsu, akighithi eno Alhou kighithi kutho toi keu kichepiye luke. Akukau Nebukadnezar, opuno timi tipau pesu ashe azuu ghili piche kemi, kuduumi, aghahwu kusami eno ayepu kighithimi kumtsu shou atou shivepeke.

DANIEL 5:15

Alokutsumi eno kuduumi sasu ighi puzu yepua keu phi pesu akiqi ghi hephope ipiyelopi kemu panonguye kiumu phuphe mlave.

DANIEL 5:16

Itehi ino chilu keuno noye kusupuakeu kiqi ghi ithuluno pikulupu anipike. Tsala nono hi yepuakeu philu eno tipa kiqi ivilo pitsulu aye, okughape akukaphi puu puzu shuna yila pe agigihu kiqi oku-olo khatsu puzu akukaphulo akuka tsupua keqo dolo akuthuu shive peni.”

DANIEL 5:29

Belshazar no mutazu aqemiqo vilo akuka phimini Danel pepipeno shuna yila pesu agigihu michi pa ku-o lo khatsu lepi ahza tsuve. Eno pa pesu akukaphulo akukape akemi gholo akuthuu shiluvepe.

AKIKIHI 22:17

Ino kupukuno shi asaxu otsuni eno nono pikeu kiu kiumu shitsunike. Kishimo ake ighi puzu ighenguno timi hipaqo musuinive tsulo.”

AKIKIHI 22:7

Tighenguno Muabmi ngo Midiyami sakiphemino musuini keu me tsukepu panongu gholo pewu eno Balam lau ighino Balak sutsa pesu patsu.

AKIKIHI 24:11

Itehino noghakhulo wovelo! Ino asaxu otsuniye shike ikemu AMPEU no opelo asaxu lupemoni keu shivae.”

SAMUEL ATUGHIU 17:25

Panongu dolo pikile “Pa julepi oe! ‘ Pano ni khu akeu sutsa inijulepi! Akukau Saul no timi khukhumu Goliat heqhiluve keuye ighono agho kije lakhi tsunikeu shi eno tinguno alaughi akukauno pa nga pesu timi tipau kilo kulapuwoni keu shi eno timi tipau papuye kumu chhighame tsupemo nikeu shi tushoqhi puanie.’ ”