DANIEL 5:21 - BAIBEL (BSI)

²¹ Timi qo-aho gholono pa hapheve eno pa kukumsuye tughashi kukumsu toive. Paye gadahaqo gholo ngono amshitsu lakhi toi atsuni muzachu cheuve eno khalau zupuzu kiu nomu pa susho kepu kuhano atsuzuno pa shou ikughi. Ashekha lono pano Akughushu Lhou no timi kukaphu kumtsu shou ghakusuu eno pano tsunishi kinimi tsuchenipi ikhiluke.

Sumi Naga CL (Re-edited) Bible (BSI)

²¹ Pa ye timi nuliqo gholono hasasü wuve, pa kükümsü ye tüghashi toive, eno pa kungo-a ye aghalo khurhaqo gholo shive. Pa ye amshitsü toi atsüni mzachu, eno Akughushuu Lhou no timi kükaqha lo ayepe acheni eno tipau lo Pa no khuu pulo keno süsü chenie pi pa no ithi moke kutolo, pa phiau ye atsütsü lo tsüzü no pütsüke.

DANIEL 5:21 ပူးပေါင်းရင်းမြစ်များ

JOB 39:5

Khuno agha-gadaha pelo paghoshi itsuwulu pe kya? Momu khuno pa kuqho puwu puani kya?

EZEKEL 17:24

Aghakhulo asubo kumtsuno niye AMPEU kepi ithulu nani. Ino asubo akuxu akeqo thizumuive tsuke eno asubo qhaive keqo akuxu shikitheve peke. Ni, AMPEU no piveake. Ino kiu shinikepi pivea keno ino tipau shini cheni.’

DANIEL 4:14

Asutsa ighono mghachhoi asheshu, ‘Asubo hipau yeqhipe alu aluno michethavelo, anika xidive eno axathi sukini qhi khavelo. Asubo qholo tughashi jeli khijehi ngo ani keno hapiye pighivelo.

DANIEL 4:17

Hiye tsukhu tsuvai, kutokupui keu kungumi huno xakutha shitsu keu tsake. Tishi pive keu vechewo ayeghi qhalo timi kumtsu pelo akuka kua Lhou ye timi kukaphu shou ghi akuka ani kena ipi ithipeniye ke eno khuu pelo akukau shipeni keno pa gho lono akhoto kumomi shi aghi pimu kishe cheni.

DANIEL 4:22

“Akiqheu, asubo chuqu mughai eno ighono akumtoshi ithulu akeuye no ampeuke. Nono kije shi thuu iku atsutsu toke eno okukano ayeghiqha kumtsu chhitoike.

DANIEL 4:25

Timi gholono ohaveno aghasalo tughashi gholo acheuvepe nani, ampe tsuni dolo amshitsu toi atsuni muza chughi acheuvepe nani, eno ashou zukelono atsuzuno oshou iji ikughi nani, tileno nono Akughushu Lhou no timi kukaphu kumtsu shou ayehkipeu kena ipi ithi nani eno pano khuno tsuni shi keno tipano kishelu cheni.

DANIEL 4:26

Kungumi huno asuzungu likhi qhivelopi ahza tsuke. Tipau kiqiye Alhou ye ayeghiqha kumtsu shou akukau kepi nono ikhiluaye noye akiniu ghi kani aphi.

DANIEL 4:34

Kughono ampe tsuni tove keno akukauno ishipi,”Ino kughono kunguu atsutsulo jukeno, ilokutsu ide ighive. Tighenguno Akughushu Lhou oje sheqhe tsue eno agigihu aje kipi kumtsu kughape tiqheli tiqhelilo achekeu tsuke.” “Pano ashekha kuha ayehpeni, eno pa kukaphuye tiqheli tiqheli kuto ache nani.

DANIEL 4:35

Ayeghilo timiqo jukelo ame kuhaghi ithulu acheni, Kungughalo kungumi eno ayeghi lo timi kumtsu pa ghakusu qholo acheni. Khunomu pa mujochile mla, pano kiu shive keno kiu shiye tishi vekea ipi iniju chile mla.

DANIEL 4:37

Ni Nebukadnezar no, akishe, agigihu pe Kungughalo kukau tsu ani. Pano kiu mlakeno kumtsu amikucho eno achipike eno pano aqhekuzami kughape kumtsu nguno aghulou shive tsukepu kuka ani.”

DANIEL 5:18

Akughushu Lhou no opu Nebukadnezar kughape akukau shitsuke eno angu agha akiqheu tsuke.