DANIEL 5:2 - BAIBEL (BSI)

² Kughou panonguno aji sho akeno, Belshazar no shuna ngo tsandiyi no shikeu ajukhu eno akhuqo papu Nebukadnezar no Jerusalem chineki lono ghepe ighikeu sughilopi ahza tsuve. Akukauno pawu kijemiqo, pa nipuqo eno pa lojilimi pelo tipau lono aji sho penike ghenguno sughilepive.

Sumi Naga CL (Re-edited) Bible (BSI)

² Belshazzar no kughou atsaiji miche keno, pa no ameshoyi ngo ghükayi no shikeu bohu khikhi papu Nebuchadnezzar no Jerusalem chineki lono luve keno tipaqo lono akükau eno pa qholo ampemi eno pa nipuqo ngo pa nipu amishiuqo pelo sho penike süghi peniye azah tsü.

DANIEL 5:2 ပူးပေါင်းရင်းမြစ်များ

SAMUEL AKINIU 9:7

David no pi, “Noye msa kevilo opu Jonathan ghenguno niye olau kikimiye piyenanike. Ino osu Saul yeghi thaqhuye otsu chileve nani eno noye alhokuthu igholo kumtsa aghulhu lupa lo ngolu nani.”

KUKAMI AKINIU 24:13

eno tipau gholono Achineki eno akukakilo akuakini akughupu nhemgha kumtsu pesu Babilon lo su wove. AMPEU no azuuno pipuaketoi, Nebukadnezar no shuna no shikeu akhu ajukhu khikhi akukau Solomon no Achinekilo peithaniye mlasukeno kumtsu kubopiniyive tsu.

KUKAMI AKINIU 25:15

Shuna tsandino mlakeu thime jeli kumtsu, abohu tachu eno amiyi su piti chekeu bohu kutolo kichepesu wuvetsu.

YEKIKITHI AKINIU 11:20

Paye tithiuno Absalom nga Maaka sasu kulau eno anu bidi shi: Abija, Atai, Ziza eno Shelomit.

YEKIKITHI AKINIU 15:16

Akukau Asa no pa puza Maaka no aza kukaliu alo achekeu lono ikhive kughengu lino kinikulu lhoipekighi lhouliu Ashera julho aphi kumqhupu shipe qhike. Asa no ajulho ghekucho thapinyi shiveno Kidron khila lono tipau pitileve.

YEKIKITHI AKINIU 36:10

Ghixu tusho ighi kelo Akukau Nebukadnezar no Jehoiachin sasu akughumi shi Babilon lo sawuve eno tipa gholono Achinekilo kuakini xapuwuvetsu. Tithiu Nebukadnezar no Jehoiachin papu thikuzuu Zedekiya pesu Juda ngo Jerusalem lo akukau shivetsu.

YEKIKITHI AKINIU 36:18

Babilon Kukauno Achineki xule puwuve, achineki lo kuakini, akukau ngo pa qholo kijemiqo wu kini kulu luvetsu eno thwokha kumtsu Babilon lo xapusu idewove.

EZRA 5:14

Nebukadnezar no Jerusalem chineki lono shuna ngo tsandiyi khu ajukhu pewo Babilon chinekilo qhive keqo hu Cyrus no tsu chileveke. Pano hipaqo khu ajukhu pesu Juda lo Ahng shipenike kishelu keu Sheshbazar tsue.

JEREMIYA 27:7

Ashiayeh kumtsuno pa qe nani, eno pa shiayeh ikiqinikeu ghuloki ighimoke kutolo panonguno panu ngo pa tianu qe nani. Tithiuno pa shiayehno ashiayeh kumtomi ngo kukami kijemiqo qewuve nani.

JEREMIYA 50:35

AMPEU no pi, Timiqo lau ngo ayehkipemi lau eno alokutsumi lau akithipuke.

JEREMIYA 52:19

Panonguno shunayi momu tsandiyino shikeu jeli kumtsu pewu khavetsu: akhu aghuloloqo, amibalu pewu chekeu khuqo, lhoxu heqhikelo aji suchekeu khu, ayevu suchekeu bohu, akulu kibepu, tsungquikeu ta ghenguno peitha chekeu khu eno atsayiji leqhini kelo peitha chekeu khuqo.

DANIEL 1:2

AMPEU no pa pelo Akukau Jehoiakim kughaluvepe eno achinekilo akeu kuakini hami suxaluvepe. Pano idewo ke ghulokilo pa gholo akughumi ghi sasu Babilon lo pano lhou chinekilo wu eno suxakulu nhemugha kumqope pano chineki kokutha bolo ghakutsu pe qhive.

DANIEL 5:11

Oyehkipe qholo akemi timi lakhi ani pa gholo akimthe Lhou ghungu anike. Kughono opuno ka akeno timi tipauno alokutsu, akighithi eno Alhou kighithi kutho toi keu kichepiye luke. Akukau Nebukadnezar, opuno timi tipau pesu ashe azuu ghili piche kemi, kuduumi, aghahwu kusami eno ayepu kighithimi kumtsu shou atou shivepeke.

DANIEL 5:13

Paikhavi Danel sasu akukau zulo ighi, tilehi akukauno pa vilo pi, “Ipuno akukau shi ake ghuloki lono Judami hapheve kemi Juda lono sasu ighikeu Danel hu no kesha?

DANIEL 5:18

Akughushu Lhou no opu Nebukadnezar kughape akukau shitsuke eno angu agha akiqheu tsuke.

DANIEL 5:23

Nono kungughalo kuau hebide ghi achineki lono sughikeu ajukhu eno akhuqo peithake. Nono owu kijemi, onipuqo eno olojilimi sasu tipau lono aji sho eno shuna, tsandi, alazayi, ayi, asu eno atuno shikeu lhou akishe tsuveke, tipaqo lhouye ithulu momu chilu chemo eno kiumu ithi chemoke. Ikemu noye Alhou khuu okuxu puatsuni pina, puhave tsunipimu pa ghoshi cheni keno eno thime jeli kumtsu shou ampeu Alhou keno pa gihumoveke.

DANIEL 5:3

Paikhavi lono akhu ajukhu sughitsuke tileno panongu kumtsu shoa.

DANIEL 5:30

Tipaji no Babilon lo akukau Belshazar heqhive.

DANIEL 5:4

Eno shuna, tsandi, alazayi, ayi, asu eno atuno shikeu lhou akishe tsuthuve.