DANIEL 5:11 - BAIBEL (BSI)

¹¹ Oyehkipe qholo akemi timi lakhi ani pa gholo akimthe Lhou ghungu anike. Kughono opuno ka akeno timi tipauno alokutsu, akighithi eno Alhou kighithi kutho toi keu kichepiye luke. Akukau Nebukadnezar, opuno timi tipau pesu ashe azuu ghili piche kemi, kuduumi, aghahwu kusami eno ayepu kighithimi kumtsu shou atou shivepeke.

Sumi Naga CL (Re-edited) Bible (BSI)

¹¹ Timi lakhi khuu lolo akimthe lhouqo ghungu ani keno, o kükaqha lo ani. O pu ghuloki lo alhouqo lokütsü toikeu aküvü, vethakulu eno alokütsü pa lolo akeu ithulu, eno o pu, Akükau Nebuchadnezzar—o pu akükau no pa pelo küdüumi, shiküghüzü kemi eno yepu-yesü kighithimi shou atou shivepe,

DANIEL 5:11 ပူးပေါင်းရင်းမြစ်များ

BOTHUBO 41:38

Farao no pa qholo ampemiqo vilo iniju, “Alhou nguagha palolo kuami khileno timi hitoi ke ninguye phukulupu kya?”

SAMUEL AKINIU 14:17

Ino ilikhi iputsakeu lono, akijeu nono tushoqhikeu lono isusholu anipi kumsuvae, kughengu akukauye Alhou wu kungumi toike ike alhoksa lono akivi michi kututa shilu nani. Ampeu oLhou pelono ogholo apeniu!”

EZEKEL 28:3

Noye Danel nguno alokutsuu eno kiumu olauno tuqhou qhipuave mlakepi nono kumsuke.

EZEKEL 28:4

Olokutsu eno nono shitsa shikeuno shuna ngo tsandi kinikuluno opelo kinimi shilupeke.

DANIEL 1:4

Panonguye ajukivimi, alokutsumi, thaikemi, pikhavi lono ithivekemi eno aphiau kupukulai jukivimi shi aghimasa, akukau hiyam lo mlakuzupu shilupeni kehu. Ashpenaz no Babilonmi tsa panongu phipiye eno yepiye penikeu shia.

DANIEL 2:11

Akukau no kiu nivilo pitsulo pikeno tiye ighono sho ani. Alhou no kumo aye khunomu pimlae eno tipau pilunikemi ayeghilomi gholoye aghimo nani.”

DANIEL 2:22

Thonhei eno tuqhou kighithi pano piyetsu cheni; Akuzulo kusu puakeu ghi pano ithi ani; eno akuvuno pa vehomxape vuqai acheni.

DANIEL 4:18

“Ino pumo lukeu samoye hike,” ipi akukau Nebukadnezar no pi. “Belthashazar nono hipau kiqi ivilo pilo, igholo akemi alokutsumi lakhimu ivilo pimlaveake, ikemu olikhino ivilo pilu nani kughengu ogholoye Alhou anike.”

DANIEL 4:5

Ikemu akuighupu samo lakhi pumolu, zuake lono kungunhetsu lono ithulukeu akumsapuke.

DANIEL 4:6

Ino ahza tsukeuno Babilon yeghiqhalo akukau qholo kijemi kumtsu ilau saghi eno asamo kiqi ivilo pitsulo pike.

DANIEL 5:14

Akimthe Lhou ghunguno ogholo acheni ipikeu ino chiluve ake eno tishikeu lono shikulupu eno akighithi alokutsu anike.

DANIEL 5:7

Timi khami muta wuno kuduumi, aghahwu kusami eno aqhi ayepu kighithimi kusaghi tsulopi asheshu. Kughono panongu ighikeno akukauno panongu vilo pi, “Nongu gholo khuuno hipau yepua keu philuni keno eno tipau kiqi ivilo piluni keno akuka phi pa pipeno shunano shikeu yila pe agigihu kiqi shi pa ku-olo khatsuni eno ikukaphulo akuka tsu puakeqo dolo akuthuu shipeni.

Apostolmi 12:22

Timi qono, “Hiye timi kumono alhou lakhi tsapi thono,” ipi ighamukue.

Apostolmi 14:11

Timi kumqo akeqono Paul no kiu shitsukeno ithulu puzu, panonguno Likonia tsauno ishi ighathuve, “Alhou noqono timi ilhoveno ningu lau iqighi anie!”

Apostolmi 16:16

Ghulo lakhi ninguno akighini alo wuchekelo timi qemi ilimi lakhino ningu sasu kusho. Li philo aghungu lhoksa lakhi ae, tino li pelo ighinikeu ghili pilupeche. Lino kutami ghenguno tumu tsukeu lono li mpiuno ye pisa kutomo qeluche.

Piyeküsü 3:9

Julo, ti khunoqono panonguye Judami kepi cheni kemu panonguye ti kumo puzu kimkimiqo keno, panonguye Satan laumi qoke, ino panongu pelo ighi puzu opukhu phivilo itsaiqipe nani, eno ino okimiyeche keu panonguno ithi nani.