DANIEL 4:27 - BAIBEL (BSI)

²⁷ Tishiaye, akiqheu, ino okutsu keu tsa inilo eno axine shikithe akevino kiuno achipi keno tipau shilo eno kumlhomi kimiyelo, tishi keuno okuxu akivipu shilu nani.”

Sumi Naga CL (Re-edited) Bible (BSI)

²⁷ Ikehu, O akükau, I kükümsü o lau ikhikulupu shitsülo: achipiu mikucho pape keu vecheo o xine phevelo, eno aghime no qhasüpe akeqo lau kikimiye pephe keu vecheo ow küsaküghaqo phevelo, tishiaye ow küakini ye pepushu luvike.”

DANIEL 4:27 ပူးပေါင်းရင်းမြစ်များ

BOTHUBO 11:4

Tileno panonguno pi, “Ighilo, ningu sala aphughi lakhi shi puzu tile aghukheano atsutsu toni keshi shini nolo. Eno ningu je haumo kepu shinie, ti kumoaye ayeghiqha kumtsu kathasusu ningu apanaghave nosake.”

KUKAMI ATUGHIU 21:29

“Ahab no kiutoi izulo mutsha ivunhei piyekeno ithulu anima? Pano tishi ilau shipiye ke ghenguno pano xuake loye pa lau ghichhe ghime puwutsumo nani ikemu Ahab laghaqo lau puwu nani.”

LESHELE 119:46

Niye kukami vilo ozahkutsu pithiwo nani, eno niye kujovemoke.

AHOLE 11:2

Kughou aqhekuza ighini keno tipaulo kujomzakepu ighi cheni. Aqhokigheu shikeulo alokutsu alau ani.

AHOLE 16:6

Qhoqhu eno pukhukulupu shilo eno Alhou no oxine qhivetsu nani. AMPEU ghokulu shilo eno olau alhoksapu shimo nani.

AHOLE 28:13

Nono oxine pekusu cheaye noye akuxulo khilemu tokulupu shimo nani. Tipaqo piphevelo eno phevelo tishiaye Alhou no oshou kimiye qhiyikeu anani.

ISAIAH 10:13

Asiriya lo akukauno ishi aqhekuza shike, “Ika-agha lono ino shiluke, niye akumto alokutsu eno shitsake. Ashiayehqo dolo alughi aghikeu ino xavetsu eno panoqo kini khuki xuleluveke. Amshitsu toi tipaqolo kughuna aghikemi ino qodake.

ISAIAH 47:10

“Olhoksalo noye olikhi opesu achipiu shiache; khuumu ojuthulumo nani kepi nono kumsucheke. Okighithi ngo olokutsuno osabideveke, eno nono olikhi ovilo pike, ‘Ino Alhou ke milakhimu itoikeu kuhake.’

ISAIAH 47:8

‘Itehiye hipau inilo, no aghakiqipu kimiyekichiu, noye mutotoi eno kiumu oshou shimla akepi kumsu achenike. Nono piakeuno noye Alhou toi kije kepi cheni, eno khuumu otoikeu kuhakepi acheni. Noye khilemu tusachimemi shimoa kepi kumsu acheke momu otianuli ye kithikuha shimo nani kepi cheke.

JEREMIYA 29:7

Ino khilehi nongu pesu akughumi shipuwu keno tipaqo phughi kivipu shi mulaithalo. Tipanoqo ghenguno ivilo khuinilo kughengu panonguno kinikulu shilu aye nongu ghi kinikulu shive nanike.

JEREMIYA 38:20

Ino pa vilo pi, “Noye panoqo lau kughape tsuvemo nanike. AMPEU tsape aghokulu shi ikhilulopi ino oqhuiniju ani; tishiaye oghenguno kumu kumo nanike eno okuxuye puxutsu nanike.

EZEKEL 18:7

kutami khumu nedaqoda chemo, nalukemino athelilo qhipaghi keu nhemgha tsuchileve cheni, puka suxalu chemo, kumlhomi pa chuqu tsucheni eno aphimini kuhakemi puucheni,

EZEKEL 29:3

Ishi pilo ike Akughushu MPEU no Ijip lo akukau vilo kiu piani keno tiye hike: No akha ngushu aghokilo zuakeu, niye oghumike. Nono pikeuno Nayil ghokiye owu eno nono tipau shipuani pike.

EZEKEL 29:9

Ijip ye shipsaveno abokumsave nani. Tileno niye AMPEU kepi nono ithi nani. “Kughengu nono pikeuno Nayil ye owu eno nono mlakepi pike.

JOYIL 2:14

Khuno ithiani kya? noLhou AMPEU ye pa kukumsu kilive nanimu mthake, eno nibonileshi axa jeli nongu kumghape qhitsu luvike. Tileno nonguno athi eno atsayiji pe pa mllalu nanike.

AMUS 6:13

Nonguno Lodebar taun khasu pesu lelukeulo qheza ani. Nonguno, “Ninguye Karnaim lelukepu shi akumto shishe ani,” ipi qheza cheni.

JONAH 3:9

Ishiake, Alhou no pano kumsupu akeu kilive luvi; paye aloghu ide akeu tave luvi eno ninguye thimove luvike!”

HABAKUK 1:11

Tipathiu panonguno amlhu toi jolesu cheve cheni, timi hipaqo lhouye pano kuka kumtoke.”

ZEFANIA 2:15

Aphughi khipauno pakuka kumtolo shishe qheza eno tipau shou kiumu shi mlakepi kumsu acheni keno tipau shou shi nani. Tipaulo akemiqono ayeghilo panoqo phughino akijeu kepi kumsu cheni. Kiutoi kughukughalei keu phughi lakhi shive nani kela! Tughashino ngokeu-a lakhi shiniake! Tipau vechewu kemi kumtsuno thughuyi kelauno tsughuchile ighi nani.

MATTHEW 3:8

Nonguno axine lono Alhou lau xaideghi keu qhemi mlape piyelo

Luke 11:41

Tishiaye akhu ajukhulo kiu aghi keno kumlhomi tsulo eno nongu ghenguno thwokha mitheluniae.”

Apostolmi 24:25

Kughou Paul no amikucho, kikhikighi, eno kughakutha tsala ighinikeu vehu apasu shi lhewo keno Feliks ye thughuyive eno Paul vilo pi, “Itehiye palokutove aghilo, kughono adokivi ithuluni keno ino okupuwuni.”

Apostolmi 26:20

Ikemu atughushi Damaska, Jerusalem, Judia ghakhu kumtsulo eno Judakumomi gholo ino asheshue. Panongu xine qhiveno Alhou lau xaideghi luve keu kumla mlape piyelo pi ino asheshue.

Apostolmi 8:22

Alhoksa hipau lono xakide ighivelo eno Ampeu vilo inikhulo, tishianguno shikulupu shi aghiaye omlolo kuchughupe akeu olauno pevetsu penike.

2 Kor. 5:11

Ampeu sukumsaye kiu keno ninguno ithi ani kehu nino timiqo hakite acheni. Ninguye kiutoi kemi keno Alhou no ithi ani, ino laju akeuno nongu ghi ni ithi aghi nanike.

Galatiami 5:13

Athikuzumiqo nonguye kuqhophevekeulo kuluvae, ikemu nonguye kuqhopheveake pi tino ajeku kivi shiveno nongu shiaji pulou gho shikevilo, ikemu Alhou kimiyekini vechewo nongu lakhino lakhi qekilelo.

Galatiami 5:22

Ikemu Aghungu xathiye Alhou launo ighikeu kikimiye, alokiqi, alokivi, kheakulu, alokeu, akivi, pichebekulu,

Galatiami 5:6

Kughengu ninguno Khristo Jisu sasu kimepe ani aye aphighu yiko ghana ghamonamu aphiphi ke, ikemu Alhou wu kimiyekini vechewo mla keu kupulu huno akhotoke.

Ephesiami 4:28

Timi pukaqhi chekemiye hinguno hilauye puka kevilo, ikemu pa phiau peithano akikhishi mlano qechulo, tishino kumlhomi kuphukulupu shilo.

ZAKINIU 24:13

kijili atsutsu tipau pa tsuchilelo tishianguno pa pelo tipau uzu lukepu shipelo. Tishiaye pano amlo kiqi shinani eno AMPEU nongu Lhou ye nongu lau amloqi nanike.

ZAKINIU 32:27

Ikemu niye pano ghumi pelo iwu timiqo shou toluve akepi qheza pemo nani, ni ampino kuchouno pano chinedaqhi anie!

ZAKINIU 8:17

Tighenguno nonguye nongu kuka kumtono nongu pelo kinikulu shilupe kepi khilemu kumsu kepu kumo.

1 Peter 4:8

Thwokha kumtsu nguno alauno amlo tsuqhiyi lakhino lakhi kimiyekilelo, kughengu kikimiyeno axine kutomo nhaluvetsu chenike.