DANIEL 3:4 - BAIBEL (BSI)

⁴ Asutsa ighono mughachhoi shi asheshu, “Ashiayeh kumtsu atsa ajeli pichekemi timi jeli kumtsu

Sumi Naga CL (Re-edited) Bible (BSI)

⁴ Chhochhou no mghachhoi sheshu, “Azah nongu tsü ani, O ashiaye, shiye, eno atsa jeliqo,

DANIEL 3:4 ပူးပေါင်းရင်းမြစ်များ

ESTHER 8:9

Mordekai no mtazu akukau qholo akihemiqo kusu eno ti aqhi akuthuu Sivan qhi atsala muku akuthuu shia kelo akukau yeghiqha 127 India lono Ethiopia kutolo Judami kumtsu ahza tsupuwu. Asutsa tipaqo pututa yeghiqha tsauno yepuwuve. Mordekai no akukau Ahaserus jelono akukau uloti kukhayino chishiveno kighithe khurshi ngo kemel eno gadahaqo shouno pewu khavepe.

ISAIAH 40:9

O Jerusalem, naghuto kiqhelo ikulo eno lokivi sutsa pesu asheshulo! O Zion, asutsa kuloghi lono igha mukulo; atsakiviu pesu asheshulo! Piwolo eno musaichi kevilo. Juda lo taunqo vilo panongu Lhou chenike julo pilo!

ISAIAH 58:1

AMPEU no pi, “Nono toluke thaqhu asheshulo! Iwu timi Israilmi vilo panoqo xine pilo!

DANIEL 3:10

Akukauno ahza lakhi tsukeu alepheke mtsa timi kumtsu pishiqhope shuna julho mlla penikeu shi.

DANIEL 3:3

Kijemi kumtsu shikimthe nikeu alo ighi no ajulho zulo puthugho.

DANIEL 3:7

Timi, ashiayeh jeli kumtsu, atsa jeli kumtsu afuko ighakeu chiluke mtsa pishiqhope shunano shikeu julho Nebukadnezar no qhi puakeu mllathuve.

DANIEL 4:1

Akukau Nebukadnezar no asutsa hipaqo kiyepe ayeghiqha lo shiyeh kumtsu, alimi kumtsu eno atsa jeli kumtsu lau kutughu tsu. “Petha lulo!

DANIEL 4:14

Asutsa ighono mghachhoi asheshu, ‘Asubo hipau yeqhipe alu aluno michethavelo, anika xidive eno axathi sukini qhi khavelo. Asubo qholo tughashi jeli khijehi ngo ani keno hapiye pighivelo.

DANIEL 6:25

Tileno akukau Darus no ayeghiqhalo ashiayeh kumtsu, alikumtsu, atsajeli kumtsu lau asutsa yepe tsupuwu. “Petha lulo!

HOSIYA 5:11

Israil ye nedaqodaqhi, li chipiu akeu ayeghi luvetsuae kughengu lino tsuyikhomo khunoqono kiumu tsukepu kuhakeno tipaqo kuphu niye shike.

MICAH 6:16

Hipaqo shi nanike kughengu akukau Omri ngo pa nu akukau Ahab pamano ghushoghili lhoksa shikeu nonguno papeke. Nonguye pamano mijepe puatsukeu pekishe pechephi ikehu nonguye shipsa keulo ino sawo suve nani eno timi kumtsuno nongu jukunatha nani. Aqha kumtsulo timino aphi kumqhupu shi nongu peitha nani.”

Piyeküsü 5:9

Panonguno alekithe lakhi ishi phea, “Nono likuzu kaku ikhilu puzu mekhakeu xukhonikeu akuzupuke; Kughengu oghiqhiveke eno okithi vechewo ashiayeh, atsajeli, timi kututa muqo gholono Alhou timi shi lupenikeu qhuluke.