DANIEL 3:29 - BAIBEL (BSI)

²⁹ “Ike itehi ino ahza tsu ani. Kiu kiu shiayeh shi aghi namu atsa ajeli kututa picheghi kemi pimu, Shadrak, Meshak eno Abednego pano kuthu Lhou thakeu tsa pikeqo phiau hechhepini pevetsuni eno paki hexapini puhave tsuni. Alhou kutauye hitoi xalukepu kuhae.”

Sumi Naga CL (Re-edited) Bible (BSI)

²⁹ Tighenguno I no xaküthaza lakhi mla ani: ashiaye, shiye, momu atsa jeli khunono Shadrach, Meshach, eno Abednego noqo Lhou lachile keu tsa pini keno, timi tipau phiau sütha pinyive tsüni, eno pano kiqo kütsave tsüni, kughengu hitoi xaluni keu lhou kütau ye kühae.”

DANIEL 3:29 ပူးပေါင်းရင်းမြစ်များ

KUKAMI AKINIU 10:27

Hitoi shi panonguno achine tsukucho eno achineki hexapiniyivetsu, tishino achineki hu pesu kubakupujo a shivetsu, tihu ishikutolo tishi ani.

EZRA 6:11

Khuno ahza hipau hebideveni keno pa kisu sujope xukumtsu puzu pa qhuqhivelo eno pa kiye pesu xale kumqove tsulo.

LESHELE 3:8

Xaphekuluye AMPEU lau ani, pano pawu timiqo kumghatsu peniu!

LESHELE 76:10

Timi xu kighideye alaushi osheqheve nikeu likhike; aghukishilo ghulu kemiye owu tiqhetini tsala pewolu nani.

DANIEL 1:19

Akukauno panongu kumtsu sasu kuputsaju kelo, Danel, Hanania, Mishal eno Azaria pano bidino kutami nguno akiviu shi ithuluveno akukau mlo kiqi shive. Tighenguno panongu kishepe Akukau kughaki lo mla penikeu kihikusumi shive.

DANIEL 1:7

Akukau qholo atouno panoqoye hitoi kukidevetsu, Belthashazar, Shadrak, Meshak eno Abednego.

DANIEL 2:17

Danel no pa kilo idesu wono pa kusami Hanania, Mishal eno Azaria vilo pi.

DANIEL 2:47

Akukauno pi “O Lhou ye alhou kumtsu nguno akughushuu, kukami kumtsu nguno Akukau, pano akumzapu tuqhou nhemgha ghi pephe piye cheni. Nono tuqhou tsa hepho pe ipiyekeu lono oLhou ye kuchouke pi ithivae.”

DANIEL 2:49

Danel no qhuiniju keu lono akukauno Shadrak, Meshak eno Abednego pano kuthu pelo Babilon yeghi bocho dolo akhoto kumla kumtsu shou ampiu shiluvepe, tishimu Danel ye akukau kughaki lo acheke.

DANIEL 2:5

Akukauno panongu vilo pi, “Ino kiu samo pumolu keno eno tipau kiqi ishi ivilo pitsumo aye saputsa. Tsala nonguno pimlave aye nongu phi-au hechhe pinivetsuni, nongu kuaki ghi ayeghilo hedave tsuni.

DANIEL 3:12

Ike Judami gholo khami nono kishepe Babilon lo akhoto kumlalo ampiu shi apekeqo Shadrak, Meshak eno Abednego, panonguye ozah kutsu hebidevae, panonguye olhou, nono ajulho qhitsukeu zulo pishiqhope mllatsumoe.”

DANIEL 3:15

Itehi julo, afuko ighakeu alekiphebo ajeli pe ighakeu sutsa chiluke mtsa pishiqhope ajulho mllalo. Tsala nonguno titoi shimove aye nongu kughape ami kuyiqualo vesuve nani. Alhou kutau nongu xakulupu aghi nani kepi kumsu anikesha?”

DANIEL 3:17

Nino puluchekeu Lhou ye pano pulo aye ami lono eno okuka zulono nixaphe luve nani.

DANIEL 3:28

Akukauno pi, “Shadrak, Meshak eno Abednego noqo Lhou shelo, pano kungumi puwu puzu pa pulu chekeqo xapheluve peke. Panongu kuxu puwove tsumu tano panongu Lhou nguno alau kutau zulo pishiqhope mllamopi ino ahza tsu keu ghi lutsu moveke.

DANIEL 6:28

Danel ye Darus kuka ghulokilo eno Persiami Cyrus kuka ghulokilo ajekipi shi xucheke.

ZAKINIU 32:31

Panoqo ghumino pano lhouye miqemilei kepi ithia, Israil Lhou toi akumtou kumoe.