DANIEL 3:12 - BAIBEL (BSI)

¹² Ike Judami gholo khami nono kishepe Babilon lo akhoto kumlalo ampiu shi apekeqo Shadrak, Meshak eno Abednego, panonguye ozah kutsu hebidevae, panonguye olhou, nono ajulho qhitsukeu zulo pishiqhope mllatsumoe.”

Sumi Naga CL (Re-edited) Bible (BSI)

¹² Jewmi khami nono Babylon ghakhu kümlapu lo süküsü shikeqo ani: Shadrach, Meshach, eno Abednego. O akükau, timi hipaqo ye o lau amlo tsüqhiyi mono ani; panongu ye o lhouqo qemono ani momu ameshoyi julho nono ghope qhikeu mlla mono anie.”

DANIEL 3:12 ပူးပေါင်းရင်းမြစ်များ

ESTHER 3:8

Haman no tipau tsa pesu akukau lau wuno hitoi pithu, “Okuka yeghiqhalo timi aqo lakhi acheku kumtsulo vekuphape ani, panonguye timi kutami khuaye toimokeu pepimhe acheni eno panonguye akukau yezahqo lutsumoe, tighenguno panonguye akukau kivipu ghenguno xua kuzupu kumoe.

AHOLE 27:4

Amlo kighideye ayikusa eno kutsakungo keuke ikemu tiye anhekushu qhemi kumoe.

YETSAPIU 4:4

Itaghi ino ithulukeuno timino tokulu shiniaye aghime eno aka aveshi mlacheni, tiye pano kisughumi juminekeu ghengunoke. Ikemu hiye adouke. Hiye amlhu kughahaju puhakeu paphi ke.

DANIEL 1:7

Akukau qholo atouno panoqoye hitoi kukidevetsu, Belthashazar, Shadrak, Meshak eno Abednego.

DANIEL 2:48

Tileno akukauno akumla akiqheu pe Danel tsuve eno kumsagho kutomope pa tsu no Babilon yeghilo ampiu shivepe.

DANIEL 2:49

Danel no qhuiniju keu lono akukauno Shadrak, Meshak eno Abednego pano kuthu pelo Babilon yeghi bocho dolo akhoto kumla kumtsu shou ampiu shiluvepe, tishimu Danel ye akukau kughaki lo acheke.

DANIEL 3:11

Eno tilehi khuuno piqhiqhope mllamo nikeno kughape amilo vesuve nikeu shike.

DANIEL 3:16

Shadrak, Meshak eno Abednego pano kuthuno hitoi pi, “Akukau hipatsa loye nilikhi ningukula tsa mu pukaputsa pinishimoe.

DANIEL 3:29

“Ike itehi ino ahza tsu ani. Kiu kiu shiayeh shi aghi namu atsa ajeli kututa picheghi kemi pimu, Shadrak, Meshak eno Abednego pano kuthu Lhou thakeu tsa pikeqo phiau hechhepini pevetsuni eno paki hexapini puhave tsuni. Alhou kutauye hitoi xalukepu kuhae.”

DANIEL 3:30

Akukauno Shadrak, Meshak eno Abednego pano kuthu suqhe kithepe Babilon yeghiqhalo akhoto kumlalo ampemi shiluvepe.

DANIEL 6:13

Tileno panonguno akukau vilo pi, “Danel, Juda lono haphevekemi lakhi no agigihu otsumono eno oyezah lumoveno paye atsalalo ghuthu kuthu akighini shi ani.”

DANIEL 6:14

Akukauno kughou hi chilukeno paye ighono amlo kupunaveno Danel xaphe nikeu laghi phuju. Tsukinhe ilomo kekuto pukaputsa jua.

Apostolmi 17:7

eno Jeson no panoqo pelo pa kilo ngope anie. Panongu kumtsuno Rom kukau Kaiser yezah hepho ani, eno akukau kutau, Jisu ipikemi aniepi picheni.”

Apostolmi 5:28

“Timi hipau jelono kutsu kevilo pi ninguno tsatsayi ahza tsuvae, ikeghi nongu kukutsu pesu Jerusalem nhakhava, eno timi hipau kithi ningu makho shivetsu niye anie!”