DANIEL 2:48 - BAIBEL (BSI)

⁴⁸ Tileno akukauno akumla akiqheu pe Danel tsuve eno kumsagho kutomope pa tsu no Babilon yeghilo ampiu shivepe.

Sumi Naga CL (Re-edited) Bible (BSI)

⁴⁸ Tishino akükau no agigihu akiqheu eno agho kighiche Daniel tsü, pa pelo Babylon ghakhu kümtsü shou yepeu shivepe, eno pa pesü Babylon lo alokütsümi kümtsü shou atou shivepe.

DANIEL 2:48 ပူးပေါင်းရင်းမြစ်များ

SAMUEL AKINIU 19:32

Barzillai ye ighono kitemi shivekemi, apunu mpe lhotache shiae. Paye ighono kinimi kehu akukauno Mahanaim lo ake ghulokilo pano achuqupu kumtsu akukau tsucheke.

KUKAMI AKINIU 5:1

Naaman ye Siriyami ghushimi kijemi lakhi, Siriya lo akukauno ighono akiqheu lono sumsa pa ikhilu gihuche, kughengu AMPEU no pa vechewo Siriyami ghushimi pelo tokulu shilupeke. Paye ighono amlo kivimi ghushimike, ikemu paye apugha kusu puchekemi lakhi.

JOB 1:3

bheri 7,000, amshi 1,000 eno gadaha 500 pighiche. Paye aqemi ghi kutomo ache eno kipela kudau timiqo gholo kinikululo atughiu shi ache.

JEREMIYA 5:5

Ino kijemiqo lau wuni eno panoqo putsani; mutsuqheyino panonguye Alhou no panoqo launo kiu khu ani keno ithi aghi nani, AMPEU no panoqo pelo shipeni shikeu ithi aghi nanike.” Ikemu panoqo kumtsuno AMPEU kuka peveke eno pa gholuni keu mopike.

DANIEL 2:6

Ikemu nonguno isamo eno akiqi ivilo piluve aye ino asaxu eno agigihu kijepe nongu tsuni tighenguno kiu samo pumo lukeno akiqi hephope itehino ivilo pilo.”

DANIEL 3:1

Akukau Nebukadnezar no shunano ajulho lakhi mla keu akiqhe lau miter mukutsuni, akijelau miter kuthu, ike tipaupe Babilon yeghilo Dura ipikeu bokhulo ghope qhi.

DANIEL 3:12

Ike Judami gholo khami nono kishepe Babilon lo akhoto kumlalo ampiu shi apekeqo Shadrak, Meshak eno Abednego, panonguye ozah kutsu hebidevae, panonguye olhou, nono ajulho qhitsukeu zulo pishiqhope mllatsumoe.”

DANIEL 3:30

Akukauno Shadrak, Meshak eno Abednego pano kuthu suqhe kithepe Babilon yeghiqhalo akhoto kumlalo ampemi shiluvepe.

DANIEL 4:6

Ino ahza tsukeuno Babilon yeghiqhalo akukau qholo kijemi kumtsu ilau saghi eno asamo kiqi ivilo pitsulo pike.

DANIEL 4:9

Belthashazar, tungkupu tsa kipimi dolo atou, Akimthe Lhou ghungu hu ogholo anipi ino ithi ani eno tuqhou thime kumtsu kighithiuke. Isamoye hike, akiqi kiu keno ivilo pilo.

DANIEL 5:11

Oyehkipe qholo akemi timi lakhi ani pa gholo akimthe Lhou ghungu anike. Kughono opuno ka akeno timi tipauno alokutsu, akighithi eno Alhou kighithi kutho toi keu kichepiye luke. Akukau Nebukadnezar, opuno timi tipau pesu ashe azuu ghili piche kemi, kuduumi, aghahwu kusami eno ayepu kighithimi kumtsu shou atou shivepeke.

DANIEL 5:16

Itehi ino chilu keuno noye kusupuakeu kiqi ghi ithuluno pikulupu anipike. Tsala nono hi yepuakeu philu eno tipa kiqi ivilo pitsulu aye, okughape akukaphi puu puzu shuna yila pe agigihu kiqi oku-olo khatsu puzu akukaphulo akuka tsupua keqo dolo akuthuu shive peni.”

DANIEL 5:29

Belshazar no mutazu aqemiqo vilo akuka phimini Danel pepipeno shuna yila pesu agigihu michi pa ku-o lo khatsu lepi ahza tsuve. Eno pa pesu akukaphulo akukape akemi gholo akuthuu shiluvepe.

DANIEL 5:7

Timi khami muta wuno kuduumi, aghahwu kusami eno aqhi ayepu kighithimi kusaghi tsulopi asheshu. Kughono panongu ighikeno akukauno panongu vilo pi, “Nongu gholo khuuno hipau yepua keu philuni keno eno tipau kiqi ivilo piluni keno akuka phi pa pipeno shunano shikeu yila pe agigihu kiqi shi pa ku-olo khatsuni eno ikukaphulo akuka tsu puakeqo dolo akuthuu shipeni.

DANIEL 8:27

Niye ighono imeveno atsala kutomo su awuve. Tithiu ida ithughi puzu akukauno ipulu puakeu kumla shinike ghenguno tipa alo wuve. Kungunhetsu ithulu keuhu shishe ivehu kughuzushi kiu kiqi kela muthano ngove.

AKIKIHI 24:11

Itehino noghakhulo wovelo! Ino asaxu otsuniye shike ikemu AMPEU no opelo asaxu lupemoni keu shivae.”

SAMUEL ATUGHIU 17:25

Panongu dolo pikile “Pa julepi oe! ‘ Pano ni khu akeu sutsa inijulepi! Akukau Saul no timi khukhumu Goliat heqhiluve keuye ighono agho kije lakhi tsunikeu shi eno tinguno alaughi akukauno pa nga pesu timi tipau kilo kulapuwoni keu shi eno timi tipau papuye kumu chhighame tsupemo nikeu shi tushoqhi puanie.’ ”

SAMUEL ATUGHIU 2:8

Pano kumlhomi amukhu lono sunheqhe eno athokhami pesu avekusa kuxu lono xaqhetsu. Pano kukami pesu panongu kusa pau shitsu eno panoqo pesu akishe agigihu alo qhitsue. Ayeghi boqha ye AMPEU wu ke; tipaqo shouno pano ayeghi kughulhoe.

SAMUEL ATUGHIU 25:2

Maon lo timi lakhi ache eno paye Karmel lo lhidi shikichemi. Timi huye ighono kinimi; paye bheri 3,000 eno ane 1,000 ishi pighi ache. Paye Karmel lono bheri mhi tsa suwo jecheke.