DANIEL 2:47 - BAIBEL (BSI)

⁴⁷ Akukauno pi “O Lhou ye alhou kumtsu nguno akughushuu, kukami kumtsu nguno Akukau, pano akumzapu tuqhou nhemgha ghi pephe piye cheni. Nono tuqhou tsa hepho pe ipiyekeu lono oLhou ye kuchouke pi ithivae.”

Sumi Naga CL (Re-edited) Bible (BSI)

⁴⁷ Akükau no khochile Daniel vilo pi, “Kuchou no o Lhou ye alhouqo Lhou, kükami shou Ampeu, eno tuqhou küsü püakeu pekipheu, kughengu no ye tuqhou küsü püakeu phepe piyelue.”

DANIEL 2:47 ပူးပေါင်းရင်းမြစ်များ

BOTHUBO 41:39

Ikehu Farao no Josef vilo pi, “Alhou no hi kumtsu ishi opiyeke, onguno tsaqu tsaleyi keu eno alokutsuu kutami kuhae.

KUKAMI AKINIU 5:15

Tishike lono pano pawu timi kumtsu sasu Elisha lau ide ighieno pi, ‘Alhou kutauye kuha ikemu Israilmi Lhou likhi anipi ino ithivae; tighenguno akijeu, kimiyeno agho hipau ilauno ikhilutsulo.’ ”

JOB 12:19

Pano achinemi pelo mbomzumi toivepe cheni eno akuka peitha akemi hasuve cheni.

LESHELE 136:2

Shikimthikeu pesu alhouqo nguno Alhou lau tsulo; pa kikimiye ye lhokta kutolo acheni.

LESHELE 136:3

Shikimthikeu pesu ampemiqo nguno AMPEU lau tsulo; pa kikimiye ye lhokta kutolo acheni.

LESHELE 72:11

Kukami kumtsuno pa zulo pishiqhope gihu nani, ashiayeh kumtsuno pa qe nani.

LESHELE 82:1

Alhou no kughugha Hoholo alakhumpeu shiani; alhouqo kukuholo pawu kughakutha tsuke.

LESHELE 96:4

AMPEU ye kijeke eno akiqheu lono sheqhe kepuke; alhou kutauqo nguno alau pa gihu kepu.

EZEKEL 26:7

Akughushu MPEU no pi, “Ino kukami kumtsu nguno akijeu saighini cheni, tiye Babilon lo Akukau Nebukadnezar pelo Tur lepenike saighi nani. Pano ahuuno aghushimi kutsasa khurshi ngo aghushipu khurkulu eno khurshi lo ikukeu ghushimi sasu ighi nani.

DANIEL 11:36

“Siriya lo akukauno pano kiu shinikeno kumtsu shi nani. Paye Alhou nguno akijeu kepi qheza anani, akughushu ashekha kuhakeu Lhou nguno ghi pauno akijeu kepi kumsu nani. Alhou no aghime pa tsumoke kutolo pano kiu shinishi keno kumtsu tolu nani, Alhou ye pano kiu shinike akukughu shivekeno tipau toi shikupuve nani.

DANIEL 2:19

Tipajino kusu puakeu hu Danel pelo kungunhetsu lono ithiluvepe tighenguno kungulo kuau Alhou sheqhe:

DANIEL 2:22

Thonhei eno tuqhou kighithi pano piyetsu cheni; Akuzulo kusu puakeu ghi pano ithi ani; eno akuvuno pa vehomxape vuqai acheni.

DANIEL 2:28

Tishiaye kungulo kuau Alhou lakhi akeuno tuqhou ghili piyesutsu cheni. Ozulo kiu ighi nani keno pano akiqheu akukau lau piyesu tsu ke. Ino itehi osamo kiu pumolu keno pini, tiye nono kungunhetsu lono ithulu keuke.

DANIEL 2:29

“No akiqheuno zuake lono ozulo kiu shive nani keno tipau piyesutsuke.

DANIEL 2:30

Tipau tuqhou ilau piyesuve tsuae, ino kutami nguno alokutsuu keghenguno kumoe, ikemu akukau pelo pano kumsumave keu samo eno tipau kiqi ithivepe niye ipiyesutsuke.

DANIEL 2:37

Akiqheu, noye kukami kumtsu nguno akughushuke. Kungulo Lhou no opelo akukau shipe eno akuka, akumto, agigihu pesu otsuke.

DANIEL 3:15

Itehi julo, afuko ighakeu alekiphebo ajeli pe ighakeu sutsa chiluke mtsa pishiqhope ajulho mllalo. Tsala nonguno titoi shimove aye nongu kughape ami kuyiqualo vesuve nani. Alhou kutau nongu xakulupu aghi nani kepi kumsu anikesha?”

DANIEL 3:28

Akukauno pi, “Shadrak, Meshak eno Abednego noqo Lhou shelo, pano kungumi puwu puzu pa pulu chekeqo xapheluve peke. Panongu kuxu puwove tsumu tano panongu Lhou nguno alau kutau zulo pishiqhope mllamopi ino ahza tsu keu ghi lutsu moveke.

DANIEL 3:29

“Ike itehi ino ahza tsu ani. Kiu kiu shiayeh shi aghi namu atsa ajeli kututa picheghi kemi pimu, Shadrak, Meshak eno Abednego pano kuthu Lhou thakeu tsa pikeqo phiau hechhepini pevetsuni eno paki hexapini puhave tsuni. Alhou kutauye hitoi xalukepu kuhae.”

DANIEL 4:17

Hiye tsukhu tsuvai, kutokupui keu kungumi huno xakutha shitsu keu tsake. Tishi pive keu vechewo ayeghi qhalo timi kumtsu pelo akuka kua Lhou ye timi kukaphu shou ghi akuka ani kena ipi ithipeniye ke eno khuu pelo akukau shipeni keno pa gho lono akhoto kumomi shi aghi pimu kishe cheni.

DANIEL 4:25

Timi gholono ohaveno aghasalo tughashi gholo acheuvepe nani, ampe tsuni dolo amshitsu toi atsuni muza chughi acheuvepe nani, eno ashou zukelono atsuzuno oshou iji ikughi nani, tileno nono Akughushu Lhou no timi kukaphu kumtsu shou ayehkipeu kena ipi ithi nani eno pano khuno tsuni shi keno tipano kishelu cheni.

DANIEL 4:32

Noye timi qo-aho gholono ohapheveni ake, aghalo tughashiqo gholo acheuve nani eno ampe tsuni dolo amshitsu toi atsuni muzachughi itsucheuve nani.”

DANIEL 5:11

Oyehkipe qholo akemi timi lakhi ani pa gholo akimthe Lhou ghungu anike. Kughono opuno ka akeno timi tipauno alokutsu, akighithi eno Alhou kighithi kutho toi keu kichepiye luke. Akukau Nebukadnezar, opuno timi tipau pesu ashe azuu ghili piche kemi, kuduumi, aghahwu kusami eno ayepu kighithimi kumtsu shou atou shivepeke.

AMUS 3:7

AMPEU Alhou ye pano kughupe akeu pesu pa qemi, tungkupmi vilo piyesumo keloye khilemu tipau shini chemoke.

1 Kor. 14:25

eno pa mlolo tuqho tughou akeu lhapheve nani, eno pa gi pishiqhope Alhou mllano ishi piphe nani, “Kuchouno Alhou ye nongu gholo anie!”

ZAKINIU 10:17

AMPEU nongu Lhou ye kutau lhouqo eno akuka kutauqo kumtsu nguno akiqheuke. Paye kije eno akumtou ke eno pa sumsa kepu ke. paye agi juchemoe eno kulugho luchemoke.

1 Tim. 6:15

Pano ipeghini keu Tsala huye ado achipi lono kumghapu eno ayehpetou kukami shou Akukau eno ampemi shou Ampeu no pephepiye nani.

JOSHUA 22:22

“Akuka kughushuuye Alhou ke! Pano AMPEU ke! Akuka kughushuuye Alhoue! Pano AMPEU ke. Nino kushiye ti shikeno pano ithi ani. Nino hebideno AMPEU lau amikucho piyemove aghi aye nonguno nipelo xu apekevilo!

Piyeküsü 1:5

eno Jisu Khristo no amikuchoshi ashepe shichekeu, kithimi gholono xuputhu tughiu, ayeghilo kukami shou ayehkipeu launo kupukini eno aloinokeu nongu wu shilupeniu. Khuno ningu kimiye eno pa jih vechewo axine lono ningu xaphelu,

Piyeküsü 17:14

Panonguno Bheriti sasu aghushi nani; ikemu Bheriti no panoqo leluve nani, kughengu paye ampemi shou Ampeu ke eno kukami shou Akukauke; eno pa papemi, kukulumi, kishekulumi kuqhano pa shou toluve nani.”

Piyeküsü 19:16

Pano chijebobo phi uchekeu eno pa pukhulo aje hipau yepukupe pua: “Kukami shou Akukau eno ampimi shou Ampeu.”