DANIEL 2:22 - BAIBEL (BSI)

²² Thonhei eno tuqhou kighithi pano piyetsu cheni; Akuzulo kusu puakeu ghi pano ithi ani; eno akuvuno pa vehomxape vuqai acheni.

Sumi Naga CL (Re-edited) Bible (BSI)

²² Pa no thonhei eno küsü püakeu thimeqo pephe cheni; aküzü lo akeu Pa no ithi ani, eno aküvü ye Pa gholo acheni.

DANIEL 2:22 ပူးပေါင်းရင်းမြစ်များ

BOTHUBO 41:16

Josef no khochile pi, “Ino kumono Alhou no Farao lokughunopu khochiletsu nani.”

JOB 12:22

Pano akuzu kutho lono lhaphevetsu cheni eno akithi kuzuqa lono akuvulo sapeghi cheni.

JOB 26:6

Alhou zulo kithimi yeghi ye tho qhalei anie, eno Abodon ye akunha kuhae.

LESHELE 104:2

Noye akuvu pesu okuzupu anike, nono aphiki sukho ketoi kungugha xakhoke.

LESHELE 25:14

Khunono AMPEU sumsa cheni keno paye AMPEU shompami ke, tipanoqo lau pano puloshoqhi pesu pitsu cheni.

LESHELE 36:9

Nono akuxu jeli pukike eno okuvu lono ningu pelo akuvu ithulupe ke.

YETSAPIU 8:1

Alokutsumi likhino thimeye kiu keno kuchouno tipau kiqi pitsu cheni. Alokutsuno pa pelo agi vuqailu pe eno pagi sukughukeu shipuha tsu cheni.

ISAIAH 41:22

Hila ighilo eno kiu shive nani kela asheazushi pijulo, tishianguno kughono tishini keno ino ithinike. Kughakutha-alo wovekeulo kishive keno chixechilei pitsulo, eno tipaqo kiqiye kiu keno ivilo pilo.

ISAIAH 41:26

Nongu khuuno hipau shini cheni kepi asheazushi pi, tishianguno nonguye achipi kepi ino pikepu shikya? Nongu milakhimu tipau vehu atsa lakhimu pimoe; nonguno pikeu timi milakhimu chimlake!

ISAIAH 42:9

Ino asheazu shi pi puakeqoye kuchouno shikupu ighivae. Itehiye akithe vehu ino shuphetsuni cheni; tipaqo shi ipeghi mphi lono ovilo pinike.”

ISAIAH 45:7

Ino akuvu ngo akuzu kuma lhophe tsuke; Ino kukumgha ngo kutsakungo keu kinikujo sughi cheni. Ni, AMPEU no hipaqo kumtsu shichenike.

JEREMIYA 23:24

Timi lakhimu ino pa ithumlape nike itshukulupu shimlake. Niye kungugha ngo ayeghi shou aqha kumtsulo ani kepi nonguye mtha kesha?

JEREMIYA 33:3

“Ikulo eno ino okhochile nike; akumzapu ngo akichiqhi kepu thime nono kitilamu mthano achekeu pesu ino ovilo pinike.

DANIEL 2:11

Akukau no kiu nivilo pitsulo pikeno tiye ighono sho ani. Alhou no kumo aye khunomu pimlae eno tipau pilunikemi ayeghilomi gholoye aghimo nani.”

DANIEL 2:19

Tipajino kusu puakeu hu Danel pelo kungunhetsu lono ithiluvepe tighenguno kungulo kuau Alhou sheqhe:

DANIEL 2:47

Akukauno pi “O Lhou ye alhou kumtsu nguno akughushuu, kukami kumtsu nguno Akukau, pano akumzapu tuqhou nhemgha ghi pephe piye cheni. Nono tuqhou tsa hepho pe ipiyekeu lono oLhou ye kuchouke pi ithivae.”

DANIEL 5:11

Oyehkipe qholo akemi timi lakhi ani pa gholo akimthe Lhou ghungu anike. Kughono opuno ka akeno timi tipauno alokutsu, akighithi eno Alhou kighithi kutho toi keu kichepiye luke. Akukau Nebukadnezar, opuno timi tipau pesu ashe azuu ghili piche kemi, kuduumi, aghahwu kusami eno ayepu kighithimi kumtsu shou atou shivepeke.

DANIEL 5:14

Akimthe Lhou ghunguno ogholo acheni ipikeu ino chiluve ake eno tishikeu lono shikulupu eno akighithi alokutsu anike.

MATTHEW 13:13

Highenguno niye kimghipiyekeqo pesu panoqo putsa chenie, kughengu panonguno jupula ghi ithumlae, eno ini pulaghi panonguno chimlae momu ithikuthumlae.

John 1:9

Hiye akuvu kuchou ke tipau kuvuno ayeghilo ighieno timi kumtsu yepuvutsu acheni.

John 21:17

Jisu no ghuthu akuthuu pa vilo pi. “Johan nu Simon, noye ikimiye cheni ma?” Pitor ye amlo shimove kughengu Jisu no pa vilo ghuthu akuthuu “Noye ikimiye cheni ma?” ipi iniju kehu. Pano Jisu vilo pi. “Ampeu, nono thwokha ithi ani, eno ino okimiyechekeu nono ithi anie!” Jisu no pa vilo pi, “Iwu bheriqo jukide kudayilo.

John 8:12

Jisu no itaghi timiqo vilo pi, “Niye ayeghilomi kuvue. Timi khuuno ipapeni keno akuzulo chechemo nani ikemu akuxupu kuvu anani.”

1 Kor. 4:5

Tighenguno kophepuakeu-do ighimphi loye eno Ampeu no ighimphi kutolo khuu shoumu kughathabe kevilo. Itehiye thime khijehi kusupuani keno Ampeu no akuvulo ikhiphe saghi nani eno amlolo tuqhouno kumsupu akeu kumtsu pano lhaphe piye nani. Tileno timi kumtsu pututa shelo pa sheqhe kepu aghikeu Alhou launo ithulu nani.

Ephesiami 3:5

Wovekeu tiqhelimiqo lauye tuqhou kukughu hipau pimono acheke, ikemu itehiye Aghungu vechewo Alhou no pawu apostolmi akimthemi eno pawu tungkupmi lau tipau pephepiyevae.

ZAKINIU 29:28

AMPEU ye shishe aloghu ideveno pa loghu kije lono pano yeghi lono panoqo akuhu lono nhuve eno inaghami yeghilo hapuwuveno ishi tsalalo panonguye tilau ani.’

1 Tim. 6:16

Pa likhino thimlakeuke eno avilo wumlakeu kuvulo acheni, khunomu pa ithulu puamokeu, eno khunomu pa shou jupukumla keuke. Agigihu kije eno lhokta kukaqha pa lau alo! Amen.

IBRIMI 4:13

Alhou zuloye lhophepua keu kiumu kusuvemlae, ikemu thwokha pa zuloye nhamono thebei ithulu ani; eno pa lau ningu kumtsu kihikulayi pesu tsu nani.

James 1:17

Aghokivi jeli eno viwotokulu kumsagho jeli kumtsu kunguuno ighi cheni, tipaqoye kungughalo akuvuqo lhokeu Apu launo ighi cheni. Paye kilive chemoe momu paye iqekeu eno yekukhu kuha.

1 John 1:5

Ninguno Anu launo atsape hipau chilu keu nongu lau pikulha ani, ike Alhou ye akuvuke eno pa gholoye khilemu akuzu kuhae.