DANIEL 2:12 - BAIBEL (BSI)

¹² Tileno akukauno shishe aloghu ideveno Babilon lo akukauno qhipua keqo alokutsumi kumtsu pithive penike ahza tsuve.

Sumi Naga CL (Re-edited) Bible (BSI)

¹² Hi ghenguno akükau ye ighono axuideve no Babylon lo alokütsümi kümtsü kütsave lopi azah tsüve.

DANIEL 2:12 ပူးပေါင်းရင်းမြစ်များ

JOB 5:2

Amlo putakeuno mbomzumi pithive cheni. Aghichikupono amlo kughulami ghiqhive cheni.

LESHELE 76:10

Timi xu kighideye alaushi osheqheve nikeu likhike; aghukishilo ghulu kemiye owu tiqhetini tsala pewolu nani.

AHOLE 16:14

Alokutsumiye akukau pelo alokivishi apenike pukaputsa cheni; akukauno amlo ideve aye timi khamiye pithive luvike.

AHOLE 19:12

Akukau loghuye abongushu ghugha toike ikemu pa lopu shiluaye kheakeu tsutsughu ighike toike.

AHOLE 20:2

Abongushuu kumqhu msakeshi akukau mlo kighide msalo; pa mlo shikighide keuye akuxu puhavetsu nani.

AHOLE 29:22

Khunono paikhavino axuideve cheni keno mutomushu keu ngo akupuna huthu cheni.

DANIEL 2:24

Danel no Ariok khuu akukauno pa qholo alokutsumi heqhivepe nike ahza tsupuakeno pa lau ighino hitoi pi, “Panongu pithikevilo, akukau lau isasu wulo, ino pa samo kiqi pa vilo pinike.”

DANIEL 2:5

Akukauno panongu vilo pi, “Ino kiu samo pumolu keno eno tipau kiqi ishi ivilo pitsumo aye saputsa. Tsala nonguno pimlave aye nongu phi-au hechhe pinivetsuni, nongu kuaki ghi ayeghilo hedave tsuni.

DANIEL 3:13

Akukau vilo pike mtsa paye amlo idesheveno pano kuthu akukau zulo saghilopi ahza tsuve.

DANIEL 3:19

Tileno Nebukednezar no axuideve puzu agi huchui pe Shadrak, Meshak eno Abednego pano kuthu gilo jupuku. Pano pawu timiqo vilo thosulo mikulu nguno akutsuniuno alau shi ami shilepi ahza tsuve.

DANIEL 5:19

Pa kuka ighono kije kushowo akiqheu kehu ayeghiqhalo timi kumtsu, shiyeh kumtsu eno atsajeli kumtsu msa khokhoshi pa qholo xu acheke. Tsala pano timi khami heqhive nishi aye pa gho shi heqhive che, timi khami puxuve nishimu tishi luche, pano peqhe nishi pina, piqive nishimu tishilu che.

MATTHEW 2:16

Ayepu kighithimi no Herod muquqhive keu ithivekelo paye mqhumuza axu ideve. Pano ahza tsu puzu Bethlehem lo ngo tipau cheaxulo kiptimi itimi ampe kini shi aghikeqo eno tinguno ayitiuqo kumtsu ghiqhi pithivepe, tiye ayepu kighithimi launo ayepuye kiu ghuloki lono ipeghi keno tipau Herod no ithilukeu kiqiju puzu shike.

MATTHEW 5:22

Ikemu ino nongu vilo pinikeuye khunono pa thikuzuu shou amlo ideni keno kughakuthau zulo sawukepu shi nani; khunono pa thikuzuu vilo thaighakeu tsa pini keno Alhou zulo sawukeu shi nani, eno khunono pa thikuzuu vilo ‘No aghuzuu’ ipini keno ami pesu aghimetsuni keu-alo. wunikeu msakepu ani.