DANIEL 12:2 - BAIBEL (BSI)

² Azuuno thivekeqo ghi xu ithughive nani: khami lhokta kuxu ithuluno alovini eno khamino lhokta ghime ithuluno imeve nani.

Sumi Naga CL (Re-edited) Bible (BSI)

² Eno ayeghimkhu lo zü akemi kutomo ithughive nani, khami ye lhokta küxü lo eno khami ye akukujo ngo shekhaha küthakügha lo auve nani.

DANIEL 12:2 ပူးပေါင်းရင်းမြစ်များ

AHOLE 12:8

Nono tsukhutsuvayi shiaye osheqhe kepu shi nani; nono mbomzu shi aye timino othogha nani.

ISAIAH 26:19

Niwu timi khunoqo thivea keno itaghi xulu nani! Panongu phimpiye akuxulo ideghi nani. Akumolo zuakemiqo kumtsuno idathughi nani eno alokivishi alephe nani. Atsuzu phuphuyi keuno ayeghi vepuxutsu keshi, khunoqo kha-ghino thive keno tipaqo AMPEU no xukithetsu nani.

ISAIAH 66:24

“Panonguno woche kelau, khunoqono imjochile keno tipaqo kithi kumo ithulu nani. Panoqo kumo izale akeu pitheye khilemu thimo nani, eno amino panoqo piti akeu khilemu inhemo nani. Panoqo ithulukelo timi kumtsu aphi kumqhupu shi nani.”

JEREMIYA 20:11

Ikemu AMPEU nono ikudau ani, akumto eno akughushu shi anike, eno ishikighime akeqoye tomove nanike. Panonguye alhokupujulo kujomza kepu shive nani kughengu panonguye tokulupu tsa kuhae. Panoqono kujo mzanikeuye khilemu kumsumamlake.

EZEKEL 37:12

Tighenguno iwu timiqo Israilmi lau tungkuptsa pilo eno ni, Akughushu MPEU no panoqo kumoki lhapheni cheni kepi pitsulo. Ino panoqo saipeghini cheni eno Israil yeghilo sachile saghini cheni.

HOSIYA 13:14

Niye kithimi yeghi lono timi hipaqo xalumo momu akithi kuka lono panoqo xaphelumoe. Akithio, owu pusa jeliqo sughilo! Niye timi hipaqo shou kimiyeqhiyikeu kuhaveake.

MATTHEW 25:46

Panonguye alhoghimepulo puwuve nani, ikemu achipikalu chekeqoye lhokta kuxulo wu nani.”

Apostolmi 24:15

Ino Alhou eno timi zulo kivikusa michikulu acheni, ike tiye timi kivikusami kinikujo akithi lono xuputhuve nani.

Apostolmi 7:60

Qhoqhunhe pesu pano ighamuku pi, “Ampeu hipau xine panoqo shou betsu kevilo.” Hi pive puzu paye thive. Saul ye Stifan pithive keulo pulokuqhatsu ae.

Rommi 9:21

Alikishiuye pa gho pulou shi-ghi aghani peitha cheni eno ayeghi muqo lakhi kughapesu ali kini mlapheno ali lakhino jukivi aghilepushi mlaphe eno lakhiye inapugha peitha kepushi mlaphe ishi cheni.

1 Thes. 4:14

Jisu thive eno xuithuvekepi ninguno pulu cheni; titoi khunoqono Jisu pulucheno thive nikeno Alhou no Jisu gholono panongu saghi nani kepi ninguno pulu cheni.

Piyeküsü 20:12

Eno kithimi kijemi kitilami kumtsu akuka lakhu zulo puthugho akeu ino ithulu. Kakuqo lhaphe eno kuxumi kaku kutau lakhi ghi lhape pua. Kithimiye pututano kiu mlapua keno kakuqolo yepe puaghikeu kiqi lono panoqo shou kughathabetsu.