DANIEL 12:10 - BAIBEL (BSI)

¹⁰ Timi kutomono shikimthe luve nani. Timi lhoksami ye hipau vehu mtha nani. Ikemu alhoksa shikithe auve nani, alokutsumi likhino tipau ithi nani.”

Sumi Naga CL (Re-edited) Bible (BSI)

¹⁰ Kutomo no pano ampi shikimtheve no metsüghoi luve eno thakimthe luve nani, ikemu kixikilami ye kixikila shi anani. Eno kixikilami khunomu vethalumo nani, ikemu khunono alokütsümi keno panongu no vethalu nani.

DANIEL 12:10 ပူးပေါင်းရင်းမြစ်များ

LESHELE 107:43

Khunoqo alokutsumi keno hipaqo vehu kumsukutoju apelo; panongu pelo AMPEU wu iqemokeu kikimiye hu kumsukithe apelo.

LESHELE 51:7

Ixine peivetsulo, niye mithelu nani; iqhuvetsulo, niye murasu nguno metsughoive nani.

AHOLE 1:5

Aholetsa hipaqoye alokutsumi kighithilo kuphatsulu cheni eno kighithimi kichepiye tsulu cheni.

ISAIAH 1:18

AMPEU no pi, “Itehino ningu avehu kimchiveni nolo. Nonguye axineno huchuhulesu xapu ani, ikemu ino nongu shikithe pesu murasu toi shitsuni. Nongu hedapusu akeuno ighono huchuyi aghi namu asupha toi metsughoi shivetsu nani.

EZEKEL 36:25

Ino nongu shou azu kutsughu kuzutepuku nani eno nowu asu-atu julhoqo launo eno thwokha jelino nongu kitiqevekeqo launo nongu shikimthetsu nani.

EZEKEL 47:11

Ikemu amuku phivilo azukucho eno anixoxolo azu akeqoye tsughukhui akuxu shitsumo nani. Tipapoye amiti khuki shipe nike tishi anani.

DANIEL 11:33

Timiqo sakiphemi alokutsumiqoye pa lokutsupe timi kumtsu sasu kusaje nani. Ikemu ado kitila dolono panongu khami aghukishi lono heqhive nani momu amino pitiqhive nani eno timi khami anhemgha luve tsuno kughape akughumi shive tsuni.

DANIEL 11:35

Alokutsumi sakiphemi dolo khami ghiqhive nani, ikemu tipau vechewo timiqo shikimthe kithelu nani. Alhou no ado lakhi kihikutha shipe qhitsu keu tsala ighimoke dolo, hitoi ananike.

DANIEL 12:3

Alokutsumi sakiphemiye kungughalo ayepuqo toi vu nani. Khunono timi kutomo vilo kiu achipi keno tipau shi lepi kutsu cheni keno panonguye ayepu kuvu toi ashekha kuha vu nani.”

HOSIYA 14:9

Khunoqono alokutsumi keno tipaqo pelo hile kiu yepuani keno vethalulo eno amlolo supululo. AMPEU laghiye achipike eno achipi lono xuchekemiye tipau papeghi xucheni ikemu axinemiye kupuxa pesu veqhi cheni kughengu panoqono tipau phimo gihumoke.

ZEKHARIA 13:9

Ino kikije akuthuu ghupe puaghikemiqo kimchiju nani eno ami lono tsandiyi ghukimthe keshi panoqo shikimthe nani. Shunayi kemo keno kimchiju ketoi ino panoqo kimchiju nani. Ino panoqo vilo panonguye iwu timi kepi nani eno niye panoqo Lhou kepi panonguno piphe nani.”

MALAKI 3:3

Paye tsandiyi ghukimthe eno thakimthe chekeu toi kughatha nike ighi nani. Ayikiyiqimino tsandiyi ngo shunayi ghukimthe ketoi AMPEU ghinikishiuno achinemi ijokimthe nani, tishianguno panonguno AMPEU lau akumllagho achipiu jeli sughikepu shi nani.

Mark 4:11

Jisu no panoqo vilo pi, “Alhou yehkipe tuqhou hu nongu tsuvae, ikemu kutami hipa bocholo kuhakeqoye thwokha kumtsu kimighipiyekeutsa lono chilu anie;

Luke 24:25

Tileno Jisu no panongu vilo pi: “Nonguye kiutoi mbomzu kela; tungkupmi kumtsuno pivekeghi nonguno pulu lunikeu kiutoi qei kela!

John 18:37

Ikelo Pilat no pa iniju, “Tishiaye noye akukau lakhi kesha?” Jisu no khochile, “Niye akukau lakhi kepi nono pianie. Ipunukeu eno ino ayeghiqhalo ighikeu kimijiye highenguno ke: Kuchou ghili ashepe tsuniyeke. Khunono kuchou laumi keno paye isutsa inicheni.”

John 7:17

Khunono Alhou pulou shini shikeno tipanono ino kutsukeuye Alhou launo keo momu ilikhi ilotsu lono piani keno ithi nani.

John 8:47

Khuuno Alhou laumi keno pano Alhou tsa initsu cheni. Nonguno initsumokeu kiqiye nonguye Alhou laumi kumoe.”

1 Kor. 6:11

Nongu khamiye tipaqo shichekemi ke; ikemu Ampeu Jisu Khristo je lono eno ningu Lhou Ghungu no nongu qhukimthevae; nonguye Alhou lau akimthe shipenikeu shivae; nonguye Alhou lau achipikaluke.

2 Kor. 7:1

Nikusamiqo, piqhipuakeu hipaqo ye nisala ghenguno aphiashi eno angu gha kitiqeve mono thwokhalo akimthe kupukulu shinike Alhou sukumsa lono xuni nolo.

Titus 2:14

Pano ni ghenguno pa mpi pesu tsuveke, tiye alhoksapu jeli kumtsu launo ningu xapheluniyeke eno pa laumi mithemitheikemi shitsuniyeke eno akivipu shinikeulo azukini shipeniyeke.

IBRIMI 12:10

Kughengu ayeghilo nipunoqoye ado ikhonheyi keu ghenguno pano mlo chipiu shipeniye ningu sakiyi qoputhu cheni, ikemu Alhou ye nikivipu ghenguno shi cheni, tiye ningu pelo pa kimthe kusaje peniyeke.

1 Peter 1:22

Itehiye nonguno kuchou lau aghokulu shino nongu kuxu shikimthevae eno kupulumi akusamiqo mutsuqheyino kimiyekeu anie, tishiaye nonguno amlo tsuqhiyi shino lakhino lakhi kimiyekilelo.

1 Peter 1:7

Hitoikeulo akimji anike, tiye nongu kupulu pesu athicho kughulhotsu niyeke. Shunayi ghi shipusaluve cheni kemu ami lono pitiju cheni; tishiaye nongu kupuluye shunayi nguno amekushou kehu puqhelukepushi peju masae, tishianguno Jisu Khristo pephepiyeke Tsalalo nonguno shekiqhe, akimthe jukuvu eno agigihu ithulukepu shi nani.

1 John 5:20

Nino ithi akeuno Alhou Nuno ighi puzu ithikututa shilukeu ningu tsupe puani, tishikeuno ninguye pa Nu Jisu Khristo gholo xukimepe akeu lono kuchou Lhou gholo ghi xukimepe ani. Hiye kuchou Lhou eno lhokta kuxuke.

Piyeküsü 16:11

panongu kusu eno apiyi ghengu lono kungugha Lhou ghushoe; ikemu panonguye pano laghi lhoksa phevemoe.

Piyeküsü 19:14

Kungughalo ghushimino khurshi akimiyeqo shou iku puzu phepheyikeu phi akimthe metsughoikeu pepuno pa papeche.

Piyeküsü 19:8

Li likhi lino phepheyikeu phi eno akimthe phuphuyikeu pepuluvae.” Phephe pheyikeu phi kimthe huye Alhou wu timiqono amikucho kumla shikeu huke.

Piyeküsü 22:11

Khunono alhoksa keno tishi alhoksa shilo, eno khunono mithekumo xine keno tishi mithekumo xine shiapelo; khunono akivi keno akivipu shiapelo, eno khunono akimthe keno tishi akimthe shiapelo”

Piyeküsü 3:18

Tishiaye, ino oloputsu tsu anike ilauno thakimtheve keu shunayi qhululo tishianguno noye kinikulu shilupe nike, eno ilauno ophimini metsughoyi keu qhululo, tishianguno onhapulu kepushi eno ophi kumsa akeu kukujopu ithulu pemonike; eno onhethi nupu kepu qhululo tishianguno opelo ithulu penike.

SAMUEL ATUGHIU 24:13

Khaghilo ishi pichekeu tsa nono ithi ani, ‘Alhoksaye alhoksami likhino mla cheni?’ Tighenguno niye oghimemo nani.