DANIEL 12:1 - BAIBEL (BSI)

¹ Kungumi lakhi aphi kumtsha uakeu no pi, “Aghuloki lakhilo, Mikhel kungumi akijeu khuu owu timiqo khe acheni keno pano ipeghi nani. Tileno ighono aghime lhoksa ayeghi lhotughu lono ishi kutolo ithumula aphikeu shi nani. Aghuloki tipau ighi kelo, no shiayeh dolo khunoqo je Alhou wu kakulo yepuaghini keno xaluve nani.

Sumi Naga CL (Re-edited) Bible (BSI)

¹ “Tipa ghuloki lo kükapuu akijeu Michael, khuu ow timiqo shou jukükütsüu keno, pa no ithughi nani. Tile shiye lhosü kelono ishi kutolo khilemu shimphi keu küküpna do lakhi anani. Ikemu tipa ghuloki lo ow timi, khunoqo je kaku lo ye püaghini keno panongu ye xaphe luve nani.

DANIEL 12:1 ပူးပေါင်းရင်းမြစ်များ

LESHELE 56:8

Niye kishi shiluksa shi acheni keno nono ithi ani; inhezu hekutsu pesu okulabolo suluvelo, Tipaqoye owu kakulo yepesu puamo kesha?

LESHELE 69:28

Kuxumi kaku lono panoqo je nuxa vetsulo; owu timiqo je ake gholo panoqo je sutsu kevilo.

ISAIAH 4:3

Jerusalem lo qhivekemi thaqhu, Alhou no xuaghipeniye kisheluve kemiye akimthe kepi ku nani.

ISAIAH 9:7

Pa kuka yehkipeye thuwu ache nani; pa kukaqhaye pulhapuju iquneyi anani. Paye Akukau David thisupe ayehpe nani, achipiu xakutha eno amikucho lono pa kuka peitha nani, itehi eno alhokupuju kutolo tishi anani. Aqokitikhi shou AMPEU wu amlo tsuqhiyikeuno hipaqo kumtsu shi nani.

JEREMIYA 30:10

“Iwu timiqo, musa kevilo; Israil lo akemiqo, musa ichhive kevilo. Nonguno putosuu akughushi achekeu yeghi kudauno ino nongu xaphe saghi nani. Nonguye noghakhulo ideighi nani eno alokughuno shi xu nani; Nonguye sushokululo anani eno khunomu nongu shikumsamo nani.”

JEREMIYA 30:7

Aha! Atsala tipauye akumsapuke; tipa tsalaye kiunomu kimighimla keu tsalake; tiye iwu timiqo ghenguno shilukusa aghime ghulokike, ikemu panongu puxutsu nani.”

EZEKEL 13:9

Nongu tungkupmi khunoqono kichileu kungunhetsu ithulu cheni eno sabidekeu ashe-azu tsa picheni keno niye nongu ghimeqhi nikeu shianike. Kughou iwu timiqono xakutha shini keno nonguye tile ngomo nani; nongu jeye Israilmi kikihi yekutsukeulo sumo nani; nonguye khilemu noghakhulo idewomo nani. Tithiuno niye Akughushu MPEU kepi nonguno ithi nani.

EZEKEL 34:24

Ni, AMPEU no panoqo Lhou shi nani eno iqeu David toikemi akukau lakhino panoqo shou ayehkipeu shive nani. Ino pivae.

EZEKEL 5:9

Ino mithichekeu jeli kumtsu nono shikeu ghenguno ino Jerusalem ghimeqhi nani tiye puzuu ino khilemu shipuamo keuke eno itaghi khilemu shinichemo keuke.

DANIEL 10:13

Persia kukaqhalo kungumi akheuno atsala mukuqhaqhi ilakhape awuve. Tileno kungumi dolo atou Mikhel no ikuphu nike ighi, kughengu ilikhi Persia lo qhiveke.

DANIEL 10:21

Tipashelo, Grikmi kheu kungumi aghahwu ipeghi nani. Israilmi kheu Mikhel nguno alauye khunomu ikuphuni kemi kuhake.”

DANIEL 11:45

Azughi ngo naghuto kuma dolo achineki khile akeno tipa alo pano kukauno ngokepu phikiqo shisuthu nani, ikemu timi lakhi nomu pa kuphukemi kuhano tileno thive nani.

DANIEL 7:10

Tipau lono ami ghokiti qoipeghia. Tilehi timi qhethonhe kutomo pa mllanike ngoa eno timi 100,000 shou pa zulo puthughoa. Aki tipaulo akumlla huthuve eno kakuqo lhaphepe qhi.

DANIEL 9:12

Nilau eno nikusau lau kiu shiniepi keno tipau shive cheni. Nono Jerusalem aghime tsukeuhu hipa yeghiqhalo aphughi lakhimu titoi ithulu mphi.

JOYIL 2:2

Tiye zumoyikeu eno zuchiyikeu tsala lakhike, khumuyikeu eno kimhi kughu tsalake. Tulhaqu no ghushimi loji kije toi hakutsutsu cheni, akuzuno naghuto nhakhaluve keu toike. Khilemu hikithipu toikeu shi ighijumphike, khilemu itaghi tikithipu shimo nani.

MALAKI 3:16

Tileno timi khunoqono AMPEU sumsa cheni keno tipaqo lakhino lakhi putsa cheni eno AMPEU no panonguno kiu pi keno tipau inia puzu chiluve cheni. Pa zulo kaku lakhilo yepe qhipuani, khunoqono AMPEU sumsa eno pa gihu cheni keno tipanoqo ghili yepuani.

MATTHEW 24:21

Kughengu ayeghiqha huthuke lono ishi kutolo hitoi shimphikeu eno khilemu hitoikeu shinichemo keu ghime kitikhi tileno shini chenie.

Mark 13:19

Kughengu tipaqo tsalalo akijikusapu chekeu huye Alhou no inahuu ayeghi lhoke lono ishi kutolo tikithipu shimphi, momu hikithipu itaghi shimo nani.

Luke 10:20

Tishinamu hipaqo ghahwuno nongu qhoqhulu pekeulo alokivi shikevilo; ikemu nongu je kunguu yehpuakeulo alokivi shilo.”

Rommi 11:15

Kughengu panongu peve keuno ayeghiqhano Alhou sasu kulashiluaye, panongu ikhiluvekeuloye kiu shive nani kya? Hiye kithimi ghengu ghi akuxu shilu niae!

Rommi 11:26

Ikehu Israilmi kumtsu xaluve nani, kuchoyesulo pipuakeu toi: “Zion lono xakuluu ighi nani Pano Jakob polo kughukomi launo kusakugha kumtsu haphevetsu nani.

Ephesiami 1:21

Khristo no tilau kungugha yehpemi, mughachhoi yehpemi, kukami eno amipemi kumtsu shou akiqheu yehpeu shi ani; paye hipau yeghiqha eno hipa shelo yeghiqhalo akuka je jeli kumtsu nguno akiqheu ke.

FILIPIAMI 4:3

Eno puqhe kumtsa chekeu ikusau, ino ovilo ghi qhuiniju ani, noye totimi hipama kuphutsulo, kughengu pamaye Klemento ngo ikusami kumtsa mlachekemi kutami ishi gholono isasu atsakiviu vekupha nikeulo shishe mlacheke, panongu jeye akuxupu kakulo anike.

Jude 1:9

Ikemu kungumi gholo atou Mikhael ghi tishi chemoe. Pano Muse sukumo ghenguno tughami sasu kohakishi kelo thaighakeu tsa pipuku nikeu musa ighuno ishi pike, “Ampeu no olomi piani.”

Piyeküsü 1:5

eno Jisu Khristo no amikuchoshi ashepe shichekeu, kithimi gholono xuputhu tughiu, ayeghilo kukami shou ayehkipeu launo kupukini eno aloinokeu nongu wu shilupeniu. Khuno ningu kimiye eno pa jih vechewo axine lono ningu xaphelu,

Piyeküsü 12:7

Ikelauye kungughalo aghukishi ipeghive. Mikhail ngo pawu kungumiqono Dragon sasu aghushi, eno Dragon ngo pawu kungumino mujochile ae.

Piyeküsü 13:8

Ghiqhivekeu Bheriti wu akuxupu kakulo aje yepuku puaghi kemi nguno alauye ayeghi lhophe kelono acheghi kemi kumtsu tughashi hu mlla nani.

Piyeküsü 17:14

Panonguno Bheriti sasu aghushi nani; ikemu Bheriti no panoqo leluve nani, kughengu paye ampemi shou Ampeu ke eno kukami shou Akukauke; eno pa papemi, kukulumi, kishekulumi kuqhano pa shou toluve nani.”

Piyeküsü 20:12

Eno kithimi kijemi kitilami kumtsu akuka lakhu zulo puthugho akeu ino ithulu. Kakuqo lhaphe eno kuxumi kaku kutau lakhi ghi lhape pua. Kithimiye pututano kiu mlapua keno kakuqolo yepe puaghikeu kiqi lono panoqo shou kughathabetsu.

Piyeküsü 20:15

Kuxumi kakulo khunoqo je yepuku puaghimo keno tipaqoye amiyizulo vesuve.

Piyeküsü 3:5

Khunono theqhikulushi toluni keno paye titoi aphimini metsughoyi keu pepu nani, eno niye kuxumi kaku lono paje khilemu nuxavetsumo nani eno iPuh zulo eno pawu kungumi zulono paye ilaumi kepi ino piphetsu nani.

Piyeküsü 7:14

“Akijeu, nono ithiani thono niye mthae,” ipi ino khochileve. Tileno pano ivilo ishi pitsu, “Hipaqoye shikighimekeu kitikhi hechesu ighilukemiqoke. Panonguye Bheriti jih pesu chijebobokeu phi qhukimthe luvekeqoke.