DANIEL 11:45 - BAIBEL (BSI)

⁴⁵ Azughi ngo naghuto kuma dolo achineki khile akeno tipa alo pano kukauno ngokepu phikiqo shisuthu nani, ikemu timi lakhi nomu pa kuphukemi kuhano tileno thive nani.

Sumi Naga CL (Re-edited) Bible (BSI)

⁴⁵ Eno azüghi ngo ajuküvü kimthe naghuto küma dolo aphiki kuloghi shiqhe nani. Ikemu khunomu pa kuphu mono pa ye ashekha shive nani.

DANIEL 11:45 ပူးပေါင်းရင်းမြစ်များ

LESHELE 48:2

Pa kimthe toghi Zion, Alhou wu naghutoye chuqumghai eno jukivike; Akukau akijeu phughino ayeghiqha kumtsulo lokivi sughi.

ISAIAH 10:12

Ikemu AMPEU no pike, “Kughou Zion toghi lau eno Jerusalem lau ino kiu shitsu ani keno tipau shitave puzu Asiriya kukauno pa qhekuzashi akuchhoma shikeu ghenguno ino pa ghimeqhi nani.”

ISAIAH 11:9

Alhou wu akimthe toghi Zion lo akuighupu eno shipusave kepu kiumu kuha nani. Azughilo azu chhitoi akeshi ayeghilo AMPEU kighithino chhitoi ve nani.

ISAIAH 14:13

Noye kungugha kutolo mili ikuniye pukaputsake eno okuka lakhu pesu ayepu akiqheu shou qhiniye shike. Nono kumsukeuno ahuu kudau khilehi alhounoqo kumqo chenikeno tipau naghutolo noye akukau lakhi toi iqaniye shike.

ISAIAH 2:2

Ighinikeu tsalaloye AMPEU chineki shipuku puakeu naghutoye naghuto kutau kumtsu nguno akiqheu lakhi shiluve nani, naghuto kumtsu nguno qhemghaive nani. Ashiayeh kutomono hipaulo qokive ilo nani.

ISAIAH 27:13

Tipa tsalalo, Asiriya lo ngo Ijip lo Israilmi khije halepuwu puakhani keno tipaqo kuchilekeu shi ghi afuko lakhi kuyigha nani. Panonguno ighino Jerusalem lo, pa kimthe toghilo AMPEU mlla nani.

ISAIAH 65:25

Atine ngo bheritiqo kumtsa chu nani; abongushuno amshi toi aghijini chu nani eno apighiye akumsapu kuhave nani. Ikimthe toghi Zion lo kiumu shikupusapu momu alhoksapu kuha nani.”

ISAIAH 66:20

Panonguno nokusami ashiayehqo kudauno agho itsukeu lakhi shighi sasu ideghi nani. Panonguno panoqo sasu ikimthe toghi Jerusalem lo saghi nani, khamino khurshi shouno, khamino gadaha tsu ngo Kemel shou eno khurkulu ngo khurshi no anhemgha pukeu bolono ighi nani, tiye Israilmino achine yelo akimthe bohu lono tuxatini pewo mllake toi shi nani.

EZEKEL 39:2

Ino aqha akithe kudau pa satsughu nani eno ahuu alakushuwa lono pa saipeghi nani tiye pano Israil naghutoqolo ighimoke kutolo.

DANIEL 11:16

Le ighikemi Siriyami qono panonguno Ijipmi sasu kiu shinishi keno pano ghoshi nani mujo chilemove kehu. Pano tushokiqhi yeghilo puthughono tushokiqhi yeghi kumtsu pa kuka qholo qhiluve nani.

DANIEL 11:41

Pano ashoqhi yeghiqha lepuzu qhethonheno qhethonhe heqhive nani, ikemu aphughi, Edom, Muab eno Amun hipaqoye itshuluve nani.

DANIEL 11:44

Tileno asutsa akithe lakhi kipela kudau eno ahuu kudauno ighikeu chiluno ighono msave nani, tileno kumsapu shi aghushi puzu timi kutomo heqhive nani.

DANIEL 2:35

Paikhavi lono ayi, aghani, alazayi eno shunayino shikeu hu tsuka tsalalo aniqalo ayeghi mukhu toi mukhumuno shi kubove. Amlhuno tipau fupe wuveke loye tipa-alo azuumu khilemu achemo ketoi mithe mithei kiumu kuhave, ikemu atu tipauno naghuto kiqhe pahi kije kusho shiveno ayeghiqha chhitoive.

DANIEL 7:26

Tileno kungughalo kughaki lono atsa kugha huthuve, pa kuka ikhiluvetsu eno qhoi puhavetsu.

DANIEL 8:25

Pano amqukinimi ke ghenguno pishiqhi keu kumlalo tokulu shi nani. Pano pa likhi pa jupe shishe aqhekuza shi kutughumono zuleno timi kutomo heqhive nani. Pano kukami kumtsu shou akukau ghi phi gihumo nani, ikemu ayeghilo timi kuka peithamono pa heqhive nani.

DANIEL 9:16

Tishimu wovekeu tsalalo nono nisusholuke, tighenguno omlo kighide Jerusalem shou akeu tave tsulo, hiye ophughike, owu akimthe toke. Nixineqo eno nipu asuqono axine shive puzu tipau lono nikisughulo akemi timi kumtsu Jerusalem eno owu akimthe timiqo phimo gihumovepeke.

DANIEL 9:20

Ino wuno akighini shia, ixineqo eno iwu timi Israilmi xineqo piphe, eno AMPEU vilo pawu akimthe chineki nitsu chileve tsulepi qhuinijua.

JOYIL 2:20

Ino tulhaqu loji ahuuno ighikeu ikhive nani eno tipaqo hamiye asayeqha lo hasuve nani. Tipaqo tughiu shichekemiqo Akithi Zughilo hasuve nani, Tipaqo thikucholo chekemiqo Mediteriya Zughilo hasuve nani. Tipaqo kithi kumono tsumunashui nani. Ino panoqo kutsave nani, tiye panoqono nongu shou shipuakeqo ghengunoke.

MICAH 4:2

“Ningu AMPEU wu naghutolo Israil Lhou chinekilo wunie. Kughengu pano ningu pelo kiu shipe nishi ani keno ningu shikapiye nani; ninguye pano kishetsukeu laghi pulani. Kughengu AMPEU no kutsupiye keuye Jerusalem lono ighi cheni; Zion lono pano pawu timiqo putsa cheni.”

ZEKHARIA 14:8

Tipa tsala ighi kelo, Jerusalem kudauno akuxupuzu qowu nani, tuxano Akithi Zughi kudau qowu nani eno tuxano Mediteriya Zughi kudau qowu nani. Hiye ampe kupujulo qowu anani, tuqu tsala momu mutsu tsala shimono qowu anani.

AKIKIHI 34:5

tilauno hosusu Ijip lughilo akhila kudau shini eno Mediteriya Zughi lono ashekha shini.

2 Thes. 2:4

Paye Alhou ipicheke jeli momu mllachekeu thime jeli kumtsu shou akumou shinani, eno tipaqo kumtsu nguno pano akiqheuke pi nani, pano Alhou chinekilo iqa puzu pa ampiuno Alhou kepi piwuve nani.

2 Thes. 2:8

Tileno Alhoksau hu pephe ipeghi nani, ikemu Ampeu Jisu no akimthejukuvu lono pephe ipeghi kelo atuthu kisheno Alhoksau hu pithive nani eno kutsapiniyive nani.

Piyeküsü 13:10

Khuno kughaluvepe kepushi akeno mutsuqheyino kughaluve nani; azutano khuno ghiqhive kepu shi akeno mutsuqheyino ghiqhive nani. Hiye Alhou wu timiqo ghenguno kutuulu eno akupulu shiape nikepu ghulokike.

Piyeküsü 20:2

Pano Dragon, khaghi apighi hu tsuquluve, tipauye Tughami momu Satan huke, eno ampe 1000 ghenguno pa tshupe qhive.

Piyeküsü 20:9

Panonguno ayeghi nhakhaluve eno Akimthemiqono achekeu eno pano kimiyechekeu phughi hu suhuluve. Ikemu kungugha lono ami iqighino panoqo pitiqhive.