DANIEL 11:37 - BAIBEL (BSI)

³⁷ Akukauno papu asu noqono mllachekeu lhou ghi gihumo nani, eno totimiqono kimiye chekeu lhoughi phimo nani. Kuchouno pano kumsukeuye alhou jeli kumtsu nguno pauno akijeu kepi kumsu nani.

Sumi Naga CL (Re-edited) Bible (BSI)

³⁷ Pa ye pa puasü lhouqo lau, momu totimiqo no kimiye chekeu lhou laumu amlo tsüqhiyi mo nani. Pa ye kiu lhou laumu amlo tsümo nani, kughengu pa no kümtsü shou pa ampi süqhe nanie.

DANIEL 11:37 ပူးပေါင်းရင်းမြစ်များ

BOTHUBO 3:16

Alhou no atotiu vilo ghi pi, “Mishipu chekelo ino oghime alau shikupha tsuni, eno akijikusa shi ati anuli punu peniu, tishimu okimi jumine peni eno pano opeitha peniu.”

BOTHUBO 3:5

Kughengu Alhou no ithi ani, ike okujono tipau xathi chuke tsala lono okujo nhethi tsukholuve nani eno okujoye Alhou toiveno akivi eno alhoksa ithiwuve nanike.”

ALE KIMCHI 7:10

Niye ilomi wuke eno pa pulouye nike.

ISAIAH 14:13

Noye kungugha kutolo mili ikuniye pukaputsake eno okuka lakhu pesu ayepu akiqheu shou qhiniye shike. Nono kumsukeuno ahuu kudau khilehi alhounoqo kumqo chenikeno tipau naghutolo noye akukau lakhi toi iqaniye shike.

ISAIAH 14:14

Nono pikeuno noye khungkusu kutsuqa shou mili iku puzu Akughushuu toi shiniye shike.

EZEKEL 24:16

“Thinikuau timio, ino kihe lakhi lono nono kimiyekutu chekeu ikhisuwuve nani. Noye muchho kevi momu qakevi momu anhezu piji kevilo.

EZEKEL 28:2

“Thinikuau timio, Tur lo ayehkipeu vilo ni, Akughushu MPEU no pa vilo kiu pianikeno tipau pesu pilo: Aqhekuzashi tsutsungojuve puzu noye alhou lakhi kepi piwuveke. Nono pikeuno noye alhou lakhi toi azughino vehopesu akuka lakhulo iqa. Noye alhou lakhi kepi tipau kishishi shiaghiluvi, ikemu noye thinikuami kethono alhou kumoe.

DANIEL 11:36

“Siriya lo akukauno pano kiu shinikeno kumtsu shi nani. Paye Alhou nguno akijeu kepi qheza anani, akughushu ashekha kuhakeu Lhou nguno ghi pauno akijeu kepi kumsu nani. Alhou no aghime pa tsumoke kutolo pano kiu shinishi keno kumtsu tolu nani, Alhou ye pano kiu shinike akukughu shivekeno tipau toi shikupuve nani.

DANIEL 11:38

Tipauqo zuqhulo, khuuno pa kukaqha sushotsu nikeno tipau likhi gihu nani. Pano shuna, tsandi, akughuputu eno kutau kumsagho kivi kughape papu asuqono khilemu mlla chemokeu lhou mllawuve.

DANIEL 8:11

Pano kughughalo ghushimi gholo sakipheu tsa ghi lumo. Tsalakipe tsulo ghiqhino mllachekeu ghi lakha vetsu eno achineki tipau shikuchhubevetsu.

ZAKINIU 21:11

tipaqo gholo totimi ajukivi nonguno ithuluvi eno nonguno tipau sasu kughuna nishive nanike.

ZAKINIU 5:21

“‘Kutami nipu jumine kevilo; pa ki alu, pa yeghi, pa qemi, pa tsu-aqu, pawu gadaha momu pano pighi aghikeu kiumu jumine kevilo.’

2 Thes. 2:4

Paye Alhou ipicheke jeli momu mllachekeu thime jeli kumtsu shou akumou shinani, eno tipaqo kumtsu nguno pano akiqheuke pi nani, pano Alhou chinekilo iqa puzu pa ampiuno Alhou kepi piwuve nani.

1 Tim. 4:3

Timi tipaqono timino kulakupu shikeu eno achuqupu hami chukeu lakha cheni. Ikemu pululuvekemi kuchou ithivekemiqo pelo shikimthi kighini lono chulupeniye Alhou no achuqupu tipaqo lhotsuke.