DANIEL 11:36 - BAIBEL (BSI)

³⁶ “Siriya lo akukauno pano kiu shinikeno kumtsu shi nani. Paye Alhou nguno akijeu kepi qheza anani, akughushu ashekha kuhakeu Lhou nguno ghi pauno akijeu kepi kumsu nani. Alhou no aghime pa tsumoke kutolo pano kiu shinishi keno kumtsu tolu nani, Alhou ye pano kiu shinike akukughu shivekeno tipau toi shikupuve nani.

Sumi Naga CL (Re-edited) Bible (BSI)

³⁶ “Akükau ye pa no pulo keu shi nani. Pa no pa ampi sheqhe eno shikuloghi pe alhou kümtsü shou qhinani, eno aqheküzapu tsa pesü alhouqo shou Alhou lau pi nani. Axukighide shikupuve moke kutolo pa ye kinikülü shi nani; kughengu azah kiu shive akeno ti ye shikupu nani.

DANIEL 11:36 ပူးပေါင်းရင်းမြစ်များ

LESHELE 136:2

Shikimthikeu pesu alhouqo nguno Alhou lau tsulo; pa kikimiye ye lhokta kutolo acheni.

LESHELE 33:10

Ashiayehqono kughu puakeu AMPEU no adou shivetsu; panonguno kughupe akeu pano hexavetsu.

AHOLE 19:21

Timino thwokha jeli kughu aghiluvi ikemu AMPEU pulou lono shini aphike.

ISAIAH 10:23

Kughengu ayeghi shou Aqokitikhi MPEU no kutsakungo keu sughini kepi pivekeu toi shini putsake.

ISAIAH 10:25

Ado ikhonhei nongu ghimeqhikeu taveno tithiuye ino panoqo kutsave nani.

ISAIAH 10:5

AMPEU no ishi pi, “O Asiriya! Ino opeitha puzu khunoqo shou iloghu ide anikeno tipaqo ghimeqhini.

ISAIAH 14:13

Noye kungugha kutolo mili ikuniye pukaputsake eno okuka lakhu pesu ayepu akiqheu shou qhiniye shike. Nono kumsukeuno ahuu kudau khilehi alhounoqo kumqo chenikeno tipau naghutolo noye akukau lakhi toi iqaniye shike.

ISAIAH 14:14

Nono pikeuno noye khungkusu kutsuqa shou mili iku puzu Akughushuu toi shiniye shike.

ISAIAH 26:20

“Iwu timiqo, nongu kilo ilove puzu nongu hukikha khavelo. Alhou loghu tavemoke kutolo ado kitila ghenguno itshu aghilo.

ISAIAH 30:33

Asiriya lo akukatou ami lono piti kepushi kha-ghino a-a lakhi kutope auvae. A-a tipauye thonhei eno kijeke eno asu ghekisheqhe puani. Tipaulo ami sunike AMPEU no ami kuyiqu amuqo lakhi fupuwu nani.

ISAIAH 46:10

Inahu abothu lono kiu shi ipeghini keno asheazushi ino pivae; khaghino kishive nani keno ino pivae. Ikukughuye khilemu ikiqimo kepi ino pike, ino kiu shinikeu shipuani keno tipaqo kumtsu ino shini cheni.

ISAIAH 57:9

Nonguno tsungquikeu mukhu ngo aphilo nudakeu supupuzu Molek lhou mlla nike wucheni, alhouqo mlla nike phutsu peniye nonguno aqha kumtsulo aghini kishimi puwu cheni, kithigha kutolo puwu cheni.

EZEKEL 28:2

“Thinikuau timio, Tur lo ayehkipeu vilo ni, Akughushu MPEU no pa vilo kiu pianikeno tipau pesu pilo: Aqhekuzashi tsutsungojuve puzu noye alhou lakhi kepi piwuveke. Nono pikeuno noye alhou lakhi toi azughino vehopesu akuka lakhulo iqa. Noye alhou lakhi kepi tipau kishishi shiaghiluvi, ikemu noye thinikuami kethono alhou kumoe.

EZEKEL 35:13

Nonguno aqhekuza kuchhomashi, ishou atsa zalepuku keu ino chiluvae.”

DANIEL 11:16

Le ighikemi Siriyami qono panonguno Ijipmi sasu kiu shinishi keno pano ghoshi nani mujo chilemove kehu. Pano tushokiqhi yeghilo puthughono tushokiqhi yeghi kumtsu pa kuka qholo qhiluve nani.

DANIEL 11:3

“Tileno aghulo tokulumi kukami lakhi ipeghi nani. Pano akukaqha ighono kije shou ka nani eno pano shinishi keu kumtsu shi nani.

DANIEL 11:37

Akukauno papu asu noqono mllachekeu lhou ghi gihumo nani, eno totimiqono kimiye chekeu lhoughi phimo nani. Kuchouno pano kumsukeuye alhou jeli kumtsu nguno pauno akijeu kepi kumsu nani.

DANIEL 12:7

Tileno kungumi huno pau kinijujo chhope atsutsu kudau peqhepe ngo puzu, Lhokta Lhou jelono tushoqhi pikeu ino chilu, “Ado hu ampe kuthuno tuxake. Kughono Alhou wu timiqo ghime keu ashekha shiveni keno, hipaqo kumtsu shikha nanike.”

DANIEL 2:47

Akukauno pi “O Lhou ye alhou kumtsu nguno akughushuu, kukami kumtsu nguno Akukau, pano akumzapu tuqhou nhemgha ghi pephe piye cheni. Nono tuqhou tsa hepho pe ipiyekeu lono oLhou ye kuchouke pi ithivae.”

DANIEL 4:35

Ayeghilo timiqo jukelo ame kuhaghi ithulu acheni, Kungughalo kungumi eno ayeghi lo timi kumtsu pa ghakusu qholo acheni. Khunomu pa mujochile mla, pano kiu shive keno kiu shiye tishi vekea ipi iniju chile mla.

DANIEL 5:19

Pa kuka ighono kije kushowo akiqheu kehu ayeghiqhalo timi kumtsu, shiyeh kumtsu eno atsajeli kumtsu msa khokhoshi pa qholo xu acheke. Tsala pano timi khami heqhive nishi aye pa gho shi heqhive che, timi khami puxuve nishimu tishi luche, pano peqhe nishi pina, piqive nishimu tishilu che.

DANIEL 5:20

Ikemu pano qhezave, agholumo eno ayikusa shive keghenguno akukau lakhu lono pa hapheveke eno alokughuno agigihua puhave.

DANIEL 7:8

Ino akiboqo ju akelono akibo aghulo lakhi kutau gholo ipeghi keu ithulu. Tipauno tilehi azuu akibo akeqo gholo kuthu fuchhevetsu. Akibo tipaulo timi nhethi eno akichi lakhi puno tileno aqhekuza tsa pia.

DANIEL 8:19

Pano pi, “Ino opiye akeuye Alhou mlokighide ashekha lo kiu shive nani keno tipauke. Kungunhetsu ithulu keuye ado ashekha shive nikeu kichepiyekeu ke.

DANIEL 8:4

Bheritsu huno pa kibono kulolau, ahuu apeu shodasu wu keu ino jua. Tughashi lakhimu tipau lakha kulupu kuha momu pa kuka zulo povemla. Pano kiu shinishi keno kumtsu pa ghoshi eno aqhekuzashi kumtsu pawu shive nikeu shi.

ZEKHARIA 11:16

Ino bherikheu lakhi iw bheri loji jukuto peniye qhike ikemu bheriqo puhapighiyive keghi jukuto tsumoe, momu puhavekeqo phuwumoke, momu ghuza puaghikeu shipivi tsumoe momu xuaghikeqo lojitsumoe. Tishinike zuqhulo, pano bheri chhikhoikeu shi chuuve eno panoqo pukhu mutsu tujovetsuke.

John 5:30

“Ika-agho loye niye kiumu shimla; Apuh no ivilo pikeulo likhino ino kughathatsu cheni, ikehu ino kughatha keuye achipi, kughengu niye ighoapulou kumono ipuwupuakeu gho apulou shiniyeke.

John 6:38

kughengu niye ighopulou shiniye kungugha lono iqighike kumoe, ikemu ipuwu puakeu ghopulou shiniye ke.

Apostolmi 4:28

Nono azunatha ghi kiu shi nanikeno kughupe puakeu tipau shinike panonguno kumtsa kumqoe.

ZAKINIU 10:17

AMPEU nongu Lhou ye kutau lhouqo eno akuka kutauqo kumtsu nguno akiqheuke. Paye kije eno akumtou ke eno pa sumsa kepu ke. paye agi juchemoe eno kulugho luchemoke.

2 Thes. 2:3

Timi khuu pelomu kiu lalo nomu nongu pishiqhive pekevilo; kughengu Alhou hekibide ashekhau shimphi loye eno Alhoksau Timi hu, kutsaqhive nike kutope puakehu ipeghi mphi loye tipa Tsala ighimo nani.

2 Thes. 2:4

Paye Alhou ipicheke jeli momu mllachekeu thime jeli kumtsu shou akumou shinani, eno tipaqo kumtsu nguno pano akiqheuke pi nani, pano Alhou chinekilo iqa puzu pa ampiuno Alhou kepi piwuve nani.

2 Thes. 2:8

Tileno Alhoksau hu pephe ipeghi nani, ikemu Ampeu Jisu no akimthejukuvu lono pephe ipeghi kelo atuthu kisheno Alhoksau hu pithive nani eno kutsapiniyive nani.

JOSHUA 22:22

“Akuka kughushuuye Alhou ke! Pano AMPEU ke! Akuka kughushuuye Alhoue! Pano AMPEU ke. Nino kushiye ti shikeno pano ithi ani. Nino hebideno AMPEU lau amikucho piyemove aghi aye nonguno nipelo xu apekevilo!

Piyeküsü 10:7

Ikemu kughou kungumi akutsuniuno pa fuko kuyighani keno tile Alhou no pawu tuqhou kukughu, pa qemi tungkupmi lau kutughuvekeu hu shikupu nani.”

Piyeküsü 12:14

Ikemu aluqu kije chishibo kini pesu atotiu tsupepua, tishianguno apighino hachekeu lono timi kughunamokealo yewulu peniyeke, eno tilauno ampe kuthuno tuxa kutolo liye tucho-hejuluve peniyeke.

Piyeküsü 13:1

Tileno azughi lono tughashi lakhi ipecheghi keu ino ithulu. Tiye akibo chighi eno akutsu tsuni puae; akibo lakhikhi shou akutsu kuqho lakhikhi puae eno tipau kutsu lakhikhi shou Alhou thaighakeu tsa aje lakhi ae.

Piyeküsü 17:17

Kughengu panongu pelo Alhou no miji pusu akeu shipeniaye Alhou no panoqo mlolo akukumsu lakhi shipenikeu eno panongu wu ayehkipe kuka pesu tughashi tsupenikeu suvetsuae, tiye Alhou tsa shikupumoke kutolo tishi peniyeke.

Piyeküsü 17:3

Aghungu no ipeithaluve eno kungumi huno timi kughunamokealo ixapuwuve. Tileno totimi lakhi huchuhiyi keu tughashi lakhi shou iqa akeu ino ithulu, tughashi tipau phi kumtsulo kuthakughapu tsa yepuku puae, tiye akutsu tsuni eno akibo chighi puae.