DANIEL 11:35 - BAIBEL (BSI)

³⁵ Alokutsumi sakiphemi dolo khami ghiqhive nani, ikemu tipau vechewo timiqo shikimthe kithelu nani. Alhou no ado lakhi kihikutha shipe qhitsu keu tsala ighimoke dolo, hitoi ananike.

Sumi Naga CL (Re-edited) Bible (BSI)

³⁵ eno alokütsümi khami ye veqhive nani, tishikeu lono panongu ye ashekha ghuloki tomphi lono thakimthe, shikimthe eno metsüghoi luve peniye ke, kughengu kihikütha do ye khe aphike.

DANIEL 11:35 ပူးပေါင်းရင်းမြစ်များ

YEKIKITHI AKINIU 32:31

eno kughou Babilonmi lashikamino ti Hezekiya ghakhulo pakutakeu shive keu vehu inijuniye ighi kelo pinamu Alhou no Hezekiya pelo pa likhi pa kutoshive pekeuye pa kuxu pejuniyeke.

AHOLE 17:3

Shuna ngo tsandiyiye ami pesu ghu kimtheju cheni eno timi mloye AMPEU no peju cheni.

ISAIAH 27:9

Ikemu kughono Alhou kumthamino mllachekeu khache tuquqo amukhu shiveni keno eno tsungqui keu kipiti khache kuhave eno alholiu Ashera julho kuhave kethiu likhino Israilmi xineqo pevetsu kepu shi nani.

DANIEL 11:27

Tishiveno kukami kini kumtsa aghulhu kuchua lakhilo iqano chu nani, ikemu pama kini kujo akukumsu lhoksa xapu ngo nani eno pishiqhi kile nani. Panonguno shi nishi akeu doye ighi miphi kehu.

DANIEL 11:29

“Athiu ghi pano Ijip le nani, ikemu thwokhalo ishiulo kuta shive nani.

DANIEL 11:33

Timiqo sakiphemi alokutsumiqoye pa lokutsupe timi kumtsu sasu kusaje nani. Ikemu ado kitila dolono panongu khami aghukishi lono heqhive nani momu amino pitiqhive nani eno timi khami anhemgha luve tsuno kughape akughumi shive tsuni.

DANIEL 11:40

Siriya lo akukau ghenguno atsala ashekha ighi nike kupunu sheveke mtsa, Ijip lo akukauno pa leighi nani eno Siriya lo akukauno pa kuka pagho pephe mujo chile nani, aghu kishi khurshi eno zukilu peitha nani. Pano aphughi kutomo amghazu kuqo toi ighino le nani.

DANIEL 12:3

Alokutsumi sakiphemiye kungughalo ayepuqo toi vu nani. Khunono timi kutomo vilo kiu achipi keno tipau shi lepi kutsu cheni keno panonguye ayepu kuvu toi ashekha kuha vu nani.”

DANIEL 12:4

Pano ivilo pi, “Danel itehiye kaku likuzuveno ayeghiqha ashekha shivemoke kutolo amchishi mekhape qhivelo. Tipadolo timi kutomono ado kivi kutomo peveno tipau kiu shi nani keno ithinike pukaputsa iqho iqi nani.” Akighithino ikokitheve nani.

DANIEL 8:10

Pa kukaye kungughalo aghushimi sasu kithe kulupushi thuwuve, ayepuqo ghi sasu shieno panongu dolo hami kughape ayeghilo vepiqiveno nedave.

DANIEL 8:17

Gabriel no ilau ighino iphivilo puthughove eno niye akumsano ayeghilo iluqive. Pano ivilo pi, “Thivenikuau timio, akiqi ithi lo. Kungunhetsuno kiu ithulu keno tiye ayeghiqha ashekha shiveni keu tsake.”

DANIEL 8:19

Pano pi, “Ino opiye akeuye Alhou mlokighide ashekha lo kiu shive nani keno tipauke. Kungunhetsu ithulu keuye ado ashekha shive nikeu kichepiyekeu ke.

DANIEL 9:27

Akukau tipauno ampe tsuni ghenguno timi kutomo sasu visho mlaveno, ado tuxa wove kemtsa, heqhino mllachekeu eno akumllagho tsu chekeu lakhave tsu nani. Akumsapu lakhi shipe achineki mtalo qhi nani eno timi khuuno qhikeno, Alhou no pa kuxu do ashekhashi kutope qhipua tsukeu sasu kushomoke kutolo tile qhi puache nani.

HABAKUK 2:3

Hi yepe qhilo kughengu hipau kuchou shi ighinikeu ghuloki kumphike. Ikemu aghulokiye papashi ighi nani eno kiu opiye keno tiye kuchou ighini putsake. Hi ighinike asheshi aghiluvi ikemu tipau khelo; hiye mutsuqheyino shi nani putsa ke eno hiye munuvemo nani.

ZEKHARIA 13:9

Ino kikije akuthuu ghupe puaghikemiqo kimchiju nani eno ami lono tsandiyi ghukimthe keshi panoqo shikimthe nani. Shunayi kemo keno kimchiju ketoi ino panoqo kimchiju nani. Ino panoqo vilo panonguye iwu timi kepi nani eno niye panoqo Lhou kepi panonguno piphe nani.”

MATTHEW 16:17

Jisu no pa vilo pi, “Jona nu Simon, noye akumghapue! Kughengu timi shi-aji kudauno olau hipau pephepiye kekumoe, ikemu iPuh kungughalo akeu noke.

MATTHEW 26:56

Ikemu tungkupumino kuchoyesulo yepuakeu shikupu nike ghenguno hipaqo kumtsu shi ani.” Tileno akhopemi kumtsuno pa qhiveno pove.

John 15:2

Iloka khijehi axathi pithimo keno pano micheve cheni eno axathi pithikeu loka kumtsu alaushi pithi penike pano tipaqo kixiphe cheni.

John 20:25

Ike akhopemi kutamino pa vilo, “Ninguye Ampeu ithuluvae!” ipi. Ikemu Thoma no panongu vilo pi, “Ino pa-ulo ayishu zaku ithulumoke kutolo eno i-u loti pesu ayishu yesuke alo suju eno pa jibolo suju moke kutolo niye pulumoe.”

Apostolmi 13:13

Paul ngo pa kusamiqoye Pafus lo ashuka lono chesu Pamfulia ghakhulo Perga lo ighi; ike Johan Mark ye pama pheveno Jerusalem lo idewove.

ZAKINIU 8:16

Asayeqhalo pano nongu pelo mana sho chulupeke, nongu puasuqoye tipau chuqupu chuju mphikeu ke. Pano nongu pejunike akijikusa nongu shou pukuke tishianguno ashekhalo thime kivi pesu nongu kumghatsu kepu shiniyeke.

James 1:2

Ithikuzumiqo, kughou nonguno akijikusa jeli sholuni keno tikumtsulo nonguye mughashe ani kepi kumsululo,

Piyeküsü 14:15

Tileno kungumi kutau lakhino achineki lono ipeghi eno khungkusu shou iqa akeu vilo asutsa kuloghi lono ighamuku pi: “Owu hashiwo chhopuwono gholuvelo kughengu gholukepu tuqhudo ighivae; ayeghi ghile hukepushi nivae!”

Piyeküsü 17:17

Kughengu panongu pelo Alhou no miji pusu akeu shipeniaye Alhou no panoqo mlolo akukumsu lakhi shipenikeu eno panongu wu ayehkipe kuka pesu tughashi tsupenikeu suvetsuae, tiye Alhou tsa shikupumoke kutolo tishi peniyeke.

Piyeküsü 2:10

Aghime sholuniye akeulo noye musa kevilo. Julo, tughamino nongu pejuniye nongu gholo khamiye akughukilo suve nani, eno atsala chighi kutolo nongu shikighime nani. Akithi kutolo aghokulu shilo eno akuxupu pesu osaxu ino otsunani.

Piyeküsü 7:14

“Akijeu, nono ithiani thono niye mthae,” ipi ino khochileve. Tileno pano ivilo ishi pitsu, “Hipaqoye shikighimekeu kitikhi hechesu ighilukemiqoke. Panonguye Bheriti jih pesu chijebobokeu phi qhukimthe luvekeqoke.