DANIEL 11:34 - BAIBEL (BSI)

³⁴ Tishi heqhi akelono panongu gholo sukemi akichiuno alakimine lono suapimu Alhou timiqono akukuphu kitila ithulu nani.

Sumi Naga CL (Re-edited) Bible (BSI)

³⁴ Kughou panongu no veqhiveni keno, panongu ye akukuphu kitila likhi ithulu nani. Amikucho kumomi kutomo no panongu gholo küqha nani,

DANIEL 11:34 ပူးပေါင်းရင်းမြစ်များ

DANIEL 11:21

Kungumino hitoi pie, “Pa shelo Siriya lo akukau shini keuye alhoksami lakhi ipeghi peno khuu akukau shikuzu kumo ke ikemu pulumono akeno akuka suxa luve nani.

DANIEL 11:32

Azuu puluche keu chineyeh phevekeqo pishiqhiveno akukauno panongu launo akukaqha luve nani. Ikemu khunoqo Alhou pape chekeno panonguno mujo chile nani.

MATTHEW 7:15

“Kichile tungkupmi jukutomasa, panonguno ashouye bheri toi nongu lau ighi cheni, ikemu panongu loloye tungtugha yikusa toike.

Rommi 16:18

Kughengu timi tishi chekemiqoye ningu Mpeu Khristo qe amoe, ikemu panongu kive likhi qe ani. Panonguno ghaghu tsa kuju pesu akukumsu ilaleikemiqo pishiqhi cheni.

Galatiami 2:4

Qeti timi khamino athikuzumi kepi nigholo kihikuqha iloghino Tito peloghi ayiko ghave penishi ake. Timi tipaqoye ninguno Khristo gholo xukuqhape ililayi akeu miqejuniyeke, tishino panonguno ningu tshupe qhiveniye shike.

2 Tim. 4:3

Kughengu timino kuchou kukutsu lumonike ghuloki ighi nani, ikemu muthomuzayi keu kini xapu panongu gho-apulou shipenishi kelauno panonguno ininishi akeu likhi pitsupenikemi akukutsumi sawo qhi nani.

Titus 1:11

Panongu kichi lakhave tsu masae, kughengu panonguye pisa kimine launo kujomono shikamokepu pesu shika puzu akibo kumtsu vepusa anike.

1 John 4:1

Kimiyechekemiqo, Aghungu aniepikeu jeli kumtsu pulube kevilo, ikemu tipaqoye Alhou launo ighikeo mokeno miqejulo. Kughengu kichile tungkupmi kutomo ayeghilo ipevae,

1 John 4:5

Panonguye ayeghi laumike, tighenguno ayeghilo akeu ghili picheni eno ayeghi laumino panonguno pikeu ini cheni.

2 John 1:7

Ayeghiqha kumtsulo pishikiqhimi kutomo ipeghivae, timi tipaqono Jisu Khristo ye timi shiajih pepuno ighikepi ikhiluchemoe; titoikemiye pishikiqhimi eno Khristo Kimthiu ke.

Jude 1:4

Kughengu khunomu mthano akelono Alhou lau amlo tsuchemokemi khamino tuqhouno ningu gholo iloghivae. Timi hipaqoye niLhou wu kukumgha tsape ghili tuchighi pesu pano shi aji lhoksa puloulo suve ani eno niMpeu ni Kukutsuu ye Jisu Khristo likhike pa hakha anie. Highenguno timi hipaqo Alhou no peve nikeu shi khaghino amichi shipe qhivae.

Piyeküsü 12:13

Kughou Dragon no paye ayeghilo vepiqivekeu ithuluve keno, pano totimi khuuno anu hu punukeno tipau hathuve.

Piyeküsü 2:20

Ikemu niye oshou pikepu hi ani: Noye Jezebel atotiu lau kusuqhilukeu anike. Lino li likhi liye tungkupulimi kepi cheni, eno salhashupukeu ngo ajulho shisuno mllakeu chuqupu chupe nike lino shikapiye eno sakughuzuke.