DANIEL 11:31 - BAIBEL (BSI)

³¹ Pawu ghushimiqo dolo khamino achineki lono shipixi keu kumla shi nani. Tsala kipetsu ghiqhino mllachekeu lakhave tsu nani eno tilehi Jukikichipu qhitsu nani.

Sumi Naga CL (Re-edited) Bible (BSI)

³¹ Pa launo ghüshimi ipeghi nani eno achineki ngo aliwo shipüthave nani, eno akipti kümllagho ikhipe wuve nani. Panongu no aphikümqhüpu khipau no küghüküghaleive tsü keno tipau shiqhe nani.

DANIEL 11:31 ပူးပေါင်းရင်းမြစ်များ

JEREMIYA 19:4

Niye hipau shini putsake kughengu timiqono iqhive eno a-a hipau lono kutau lhouqo lau lhoxu heqhipe mlla puzu hipau-a kitiqeveke; alhou tipaqoye panoqo ghi momu pano puasuqo ghi momu Juda lo kukamiqo ghi kitilamu mthano achekeqoke. Timiqono pimimokemi ji pelevetsu keu pesu a-a hipau chhitoiveke,

JEREMIYA 7:30

“Juda lo akemiqono alhoksapu lakhi shipuani. Panonguno panoqo su-atu julho khikhi ino jumithi cheni keno tipau pesu ichinekilo qhike eno tipau kitiqeveke.

AKUMLO 1:10

Aghumino liwu kinikulu kumtsu suxalu khavae. Tipaqono Achineki alou iloghikeu ithuluke, tipa aye Ashiayeh kutami pelo iloni keu AMPEU no lakha puake.

AKUMLO 2:7

AMPEU no pawu akiptia peve eno pa kimthe chineki kughukughalei vetsu; Pano aghumi pelo tipau putukha keu hepholeqhive penike pulosuvetsu. Ghuthu lakhi lo nino alokivishi mlla che keualo aghumino huttiauve.

EZEKEL 9:7

Alhou no panoqo vilo pi, “Achineki shipixive tsulo. Tipau kikhalalo akithi kumono chhivepelo. Mula thuvelo!” Ikehu panonguno aphughilo timiqo ghiqhi thuve.

DANIEL 12:11

Tsalakipe ghiqhino mllachekeu lakhaveke tsala lono, ike ado tipauye, Jukikichipu tsala lono wo atsala 1290 kuto shi nani.

DANIEL 8:24

Paye ighono akumto anani ikemu pa kumto tipauye pa kukano kumo. Puhavekepu shikupsa pano huthuphe tsu nani eno pano kiu shikeno thwokhalo tokulu shi nani. Akuka kughushu timiqo eno Alhou wu timiqo shou puhavekepu shikupsa sughi tsu nani.

DANIEL 8:26

Kungunhetsuno ithukulu hi inaqhe eno avelau ghiqhipe mllakeu ghili kiu ino hephopiyeve keno tipau kuchouno shikupu nani ikemu ado kushuwa chephike kusupe qhi puaghilo.”

DANIEL 9:27

Akukau tipauno ampe tsuni ghenguno timi kutomo sasu visho mlaveno, ado tuxa wove kemtsa, heqhino mllachekeu eno akumllagho tsu chekeu lakhave tsu nani. Akumsapu lakhi shipe achineki mtalo qhi nani eno timi khuuno qhikeno, Alhou no pa kuxu do ashekhashi kutope qhipua tsukeu sasu kushomoke kutolo tile qhi puache nani.

HOSIYA 3:4

Hipau paphi lono Israil lo akemiqoye ado kushuwa kutolo kukami momu sakiphemi kuha nani, aghashi mllakepu momu chinikepu tuqutsukucho ngo ajulho shisukeu eno asu atu julho shisu pesu asaqhi chekeu kuha nani.

MATTHEW 24:15

“Akuighupu kutsakungo keu khikhi Danel tungkupuno pipuani keno tipauno akimthe-alo puthugho aghikeu nonguno ithulu aye, (phi akeuno hipau kiqiye kiu keno ithi kututa shilulo),

Mark 13:14

“Ikemu kughou akuighupu kutsakungokeu huno pano ngomokepu alo puthugho aghikeu nonguno ithuluni keno (phiakeuno vethaluvelo), tile khunoqono Judia lo anikeno naghutolo pokalulo. “

Luke 21:20

“Kughou ghushimino Jerusalem suhope aghikeu nonguno ithuluni keno, ti kutsave nikeu kupunuvea pi ithilo.

Piyeküsü 17:12

“Nono akibo chighi ithulukeu huye kukami chighike, panonguno ayehpe kepu kuka peitha mphi, ikemu tughashi gholo kumtsa ayikihedo lakhi ghenguno kukami toi ayehkipe pushi akuka ikhilu nani.