DANIEL 11:27 - BAIBEL (BSI)

²⁷ Tishiveno kukami kini kumtsa aghulhu kuchua lakhilo iqano chu nani, ikemu pama kini kujo akukumsu lhoksa xapu ngo nani eno pishiqhi kile nani. Panonguno shi nishi akeu doye ighi miphi kehu.

Sumi Naga CL (Re-edited) Bible (BSI)

²⁷ Akükau pama mlo ye küsakügha shini keu likhi nani. Aghulhu lüpa lakhi lono pama ye akimki tsa pi nani, ikemu kiu vehumu shilumo nani, kughengu ashekha ghuloki ye kihitha püakeu dolono ighini aphike.

DANIEL 11:27 ပူးပေါင်းရင်းမြစ်များ

SAMUEL AKINIU 13:26

Ikemu Absalom no pi, “Tishimaye kutamiye ighimla namu ithikuzuu Amnon likhimu ighilu penima?” Akukauno iniju, “Kushiye pa likhi ku anikya?”

LESHELE 12:2

Panoqo kumtsu lakhino lakhi vilo akimki tsa pie; muqushe eno amlo kikinino lakhino lakhi pishiqhi cheni.

LESHELE 52:1

Noye kushiye alhoksa kumla shi keulo qheza-laki ani kya? Alhou kikimiye ye lhokta kutoloke.

LESHELE 58:2

Moe, nonguye alhoksa shinikeu likhi kumsupu acheni eno ayeghi lo nonguno heqhi buqhikeu peitha acheni.

LESHELE 62:9

Timiye kumtsu atuthu kishedo lakhi toike; kijemi kitilami kumtsu aphiphike, amkuhake. Ahu lono hu julo; Panonguye atuthu nguno aku mthuu ke.

LESHELE 64:6

Panonguno alhoksa kughuphe puzu ishi picheni, “Ninguno pithikile nikeu muqu aghile kutope ani.” Timi mlo eno timi kukumsuye kuthokuzuke.

AHOLE 12:20

Kusakugha iqiphe chekemi mlolo pishikiqhi acheni ikemu akivipu ghenguno mla chekemiye alokivi ithulu cheni.

AHOLE 19:21

Timino thwokha jeli kughu aghiluvi ikemu AMPEU pulou lono shini aphike.

AHOLE 26:23

Amlolo alhoksa xapu puzu akichiloye zhumghai keu tsa pi chekemiye ayeghililo ayi-zu medapua keu toike.

EZEKEL 17:9

“Ikehu ni, Akughushu MPEU no iniju: Atsayibo hipauye xulu eno thuwulu nani kema? Aluqu atughiuno tipau akuhu lono nhuvemoni kesha? Atsayithi muxulevetsu, alokaqo suchhevetsu puzu tipaqo thizumyive pemoni kesha? Tipau nhuve nikeulo akuka kumtsu chilo lumo nanike momu ashiayeh kumto lakhi lumo nani.

DANIEL 10:1

Cyrus akukauno Persia lo kakeu ampe akuthuu shi akelono, asutsa lakhi Danel vilo pi, pa je kutau Belthashazar ghi kucheni. Asutsa tipauye kuchou ikemu ithi nike ighono sho. Tipau kungunhetsu lono hephope pa piye.

DANIEL 11:28

Siriya lo akukauye pano suxalukeu nhemgha pusu akilo ide wove, Alhou wu timiqo chineyeh puhavetsuni keu puloa. Pano kiu shinishi keno pa gho shimlaveno pa yeghilo idewove.

DANIEL 11:29

“Athiu ghi pano Ijip le nani, ikemu thwokhalo ishiulo kuta shive nani.

DANIEL 11:35

Alokutsumi sakiphemi dolo khami ghiqhive nani, ikemu tipau vechewo timiqo shikimthe kithelu nani. Alhou no ado lakhi kihikutha shipe qhitsu keu tsala ighimoke dolo, hitoi ananike.

DANIEL 11:40

Siriya lo akukau ghenguno atsala ashekha ighi nike kupunu sheveke mtsa, Ijip lo akukauno pa leighi nani eno Siriya lo akukauno pa kuka pagho pephe mujo chile nani, aghu kishi khurshi eno zukilu peitha nani. Pano aphughi kutomo amghazu kuqo toi ighino le nani.

DANIEL 8:17

Gabriel no ilau ighino iphivilo puthughove eno niye akumsano ayeghilo iluqive. Pano ivilo pi, “Thivenikuau timio, akiqi ithi lo. Kungunhetsuno kiu ithulu keno tiye ayeghiqha ashekha shiveni keu tsake.”

DANIEL 8:19

Pano pi, “Ino opiye akeuye Alhou mlokighide ashekha lo kiu shive nani keno tipauke. Kungunhetsu ithulu keuye ado ashekha shive nikeu kichepiyekeu ke.

HABAKUK 2:3

Hi yepe qhilo kughengu hipau kuchou shi ighinikeu ghuloki kumphike. Ikemu aghulokiye papashi ighi nani eno kiu opiye keno tiye kuchou ighini putsake. Hi ighinike asheshi aghiluvi ikemu tipau khelo; hiye mutsuqheyino shi nani putsa ke eno hiye munuvemo nani.

Apostolmi 1:7

Jisu no panoqo vilo pi, “Aghuloki khikhi Apu no pa gho apulou lono kutope puani keno nonguye ti ithi mayesake kumoe.

Apostolmi 17:31

Kughengu Alhou no timi lakhi kishelu puakeu vechewo ayeghiqha shou amikucho lono kughatha nikeu shi atsala lakhi kihithape puavae.Hi shi nani putsae pikeu pulu penike timi kumtsu lau pano tsuakeu shi-ghi timi tipau hu akithi lono xuputhuvae!

1 Thes. 5:1

Ikemu athikuzumiqo, kiu ghuloki eno kiu tuqhudo lono hipaqo shi nani keno nongu lau kiumu yeakepu kuhae.