DANIEL 11:15 - BAIBEL (BSI)

¹⁵ Tighenguno Siriya lo akukauno putuveho puakeu phughi lepuzu kughaluve nani. Ijip lo ghushimiqono aghushi tsumove nani. Panoqo dolo aghu kivimi ghi akumto kuhave nani.

Sumi Naga CL (Re-edited) Bible (BSI)

¹⁵ Tishino ahuu kükau no ighi no aphughi leniye kuto püakeu kümla hexave tsü nani eno aliwo putu püakeu mishighüna leluve nani. Apeu ghüshimi eno ghüshimi kivimi shi aghi namu puthugho mlave nani, kughengu puthugholu kepu küka ye kühave nani.

DANIEL 11:15 ပူးပေါင်းရင်းမြစ်များ

JEREMIYA 33:4

Ni, AMPEU, Israil Lhou no pianike Jerusalem lo akeqo eno Juda kukau kighikiqoye ghapho pinyive nani. Babilonmino ayeghi tope shipuku puakeu sasu aghu shinike ipekeu adouke.

JEREMIYA 5:10

Iwu timiqo tsayilu kutsavetsu penike ino aghumi puwu nani, ikemu tipaqo qhoyi kutsavepe monani. Alokaqo likhi xidive penike ino panoqo vilo pinani, kughengu aloka tipaqoye iwu kumoke.

JEREMIYA 52:4

ikehu Nebukadnezar no pawu aghushimi kumtsu gholono ighi eno Zedekiya no kakeu ampe atokuulo aqhi achighiu tsala achighiu lono Jerusalem leke. Babilon ghushimino aphughi nguno khalau apusho shipe qhi eno tipau sumxa pesu ayeghi toghi ghowo,

JEREMIYA 6:6

Aqokitikhi MPEU no kukami hipaqo vilo Jerusalem sasu aghu pughu nike ghenguno asuboqo yeqhi puzu aqo-ghe puku penike ahza tsuke. Pano ishi pi, “Ino hipau phughi ghimeqhi nike kughengu hipaulo timi qodaqhi keu chhitoi anike.

EZEKEL 17:17

Kughou Babilonmino timi kutomo pithive tsu nike ayeghi pukishepewo ghowo eno aqo chhuwoni keno Ijip kukau aghushimi kumto kutsasa akeu pinamu aghukishilo Juda kukau kuphulu kepu shimo nani.

EZEKEL 4:2

Tishi puzu, khasupe lelukeu kumlho shi-ghi aqochhutha keu, ayeghi-pekumqokeu, aphiki shiwokeu eno shoxukepu subolu ishi kutopesu tipau phughi vehope qhiwolo.

DANIEL 11:14

Tileno timi kutomono Ijip lo akukau sasu kupughu ipeghi nani. Danel, no yeghiqha dolo timi khami ashi aji kighidemiye, kungunhetsu ithukulu ghenguno mujochile nani, ikemu panonguye tomove nani.

DANIEL 11:6

Ampe kutomo dolo Ijip lo akukauye Siriya lo akukau sasu kuqhape xunike ghenguno pukaputsa nani eno pa nga ghi kughape pa kilo xupuu nani. Ikemu panongu dolo kuqhakulu kushowo womo nani, eno pa nga, li kimi, li nuliqo eno aqemi li gholo sawokemi kumtsu heqhi khave nani.

DANIEL 8:7

Ino paju akelono bheritsu heqhiniye mujo. Paye ighono axuide pa heqhino akibo kini hechhe pini vetsu. Bheritsuye akuka kuhano anetsu mujomula mithe. Pa kughape ayeghilo shodaveno pa pukhupe qoda amu tile khunomu pa sukho tsunikemi kuhave.

JOSHUA 1:5

Joshua, nono xuake tivilo timi khunomu otomo nani. Ino Muse gholo acheke toi ogholo ache nani. Ino alhokuthu ogholo ache nani. Niye khilemu oqhivemo nani.