DANIEL 10:21 - BAIBEL (BSI)

²¹ Tipashelo, Grikmi kheu kungumi aghahwu ipeghi nani. Israilmi kheu Mikhel nguno alauye khunomu ikuphuni kemi kuhake.”

Sumi Naga CL (Re-edited) Bible (BSI)

²¹ Ikemu kuchou kaku lo kiu yepüani keno I no o vilo pini: Michael, ow kükapuu likhino kumo aye hipaqo gholo I kuphuni kemi lakhimu kühae.”

DANIEL 10:21 ပူးပေါင်းရင်းမြစ်များ

DANIEL 10:13

Persia kukaqhalo kungumi akheuno atsala mukuqhaqhi ilakhape awuve. Tileno kungumi dolo atou Mikhel no ikuphu nike ighi, kughengu ilikhi Persia lo qhiveke.

DANIEL 12:1

Kungumi lakhi aphi kumtsha uakeu no pi, “Aghuloki lakhilo, Mikhel kungumi akijeu khuu owu timiqo khe acheni keno pano ipeghi nani. Tileno ighono aghime lhoksa ayeghi lhotughu lono ishi kutolo ithumula aphikeu shi nani. Aghuloki tipau ighi kelo, no shiayeh dolo khunoqo je Alhou wu kakulo yepuaghini keno xaluve nani.

DANIEL 12:4

Pano ivilo pi, “Danel itehiye kaku likuzuveno ayeghiqha ashekha shivemoke kutolo amchishi mekhape qhivelo. Tipadolo timi kutomono ado kivi kutomo peveno tipau kiu shi nani keno ithinike pukaputsa iqho iqi nani.” Akighithino ikokitheve nani.

DANIEL 8:26

Kungunhetsuno ithukulu hi inaqhe eno avelau ghiqhipe mllakeu ghili kiu ino hephopiyeve keno tipau kuchouno shikupu nani ikemu ado kushuwa chephike kusupe qhi puaghilo.”

DANIEL 9:22

Pano hephopiye, “Danel, opelo tungkuptsa ithivepe nike ghenguno okuphutsu nike ighi ani.

DANIEL 9:25

Tsaqui juno ithuvelo, Jerusalem mlakithe luvepe nikeu ahza tsukeu lono Alhou no sakipheu kishephe tsukeu ighikeu tsala kutolo, ampe tsunino ghuthu tsuni wo nani. Jerusalem mlakitheveno, atoghila ghutu ighono mutotoi mlave nani eno tipauye ampe tsunino ghuthu lhotsugho kini anani, ikemu tipadoye aghimedo shi nani.

AMUS 3:7

AMPEU Alhou ye pano kughupe akeu pesu pa qemi, tungkupmi vilo piyesumo keloye khilemu tipau shini chemoke.

Apostolmi 15:15

Tungkupumi tsa ghi hipaulo aphiphi shi hitoi yepuani:

Apostolmi 15:18

ipi Ampeu no pie, pano hipaqo vehu kha-ghi no pithivae.’

Jude 1:9

Ikemu kungumi gholo atou Mikhael ghi tishi chemoe. Pano Muse sukumo ghenguno tughami sasu kohakishi kelo thaighakeu tsa pipuku nikeu musa ighuno ishi pike, “Ampeu no olomi piani.”

Piyeküsü 12:7

Ikelauye kungughalo aghukishi ipeghive. Mikhail ngo pawu kungumiqono Dragon sasu aghushi, eno Dragon ngo pawu kungumino mujochile ae.