DANIEL 1:17 - BAIBEL (BSI)

¹⁷ Alhou no akighithi kutho eno akukumsu kutho kighithi pesu apumi pano bidi tsu, tipa shou ghi kungunhetsu eno asamo pekide lupekepu agho Danel tsuke.

Sumi Naga CL (Re-edited) Bible (BSI)

¹⁷ Lhothemi pano bidi ghengu ye, tsaiko eno alokütsü kümtsü lo ithiküphalu keu ngo asüqe kighithi Alhou no panoqo tsüe, eno Daniel ye kungunhetsü ngo asamo kümtsü lo vethakulu ae.

DANIEL 1:17 ပူးပေါင်းရင်းမြစ်များ

KUKAMI ATUGHIU 3:12

nono khu akeu shitsuni. Ino alokutsu eno kimchi kulupu kighithi otsuni, khunomu ozuu eno othiu otoikeu lokutsu ipeghimo nani.

KUKAMI ATUGHIU 3:28

Kughou Israilmi no Solomon xakutha hipau chilukeno kumtsuno Solomon akiqheu lono asukumsa pa tsulu, kughengu Alhou lokutsu pa lolo akeu vechewo ighono shikusa kukupuna akeu achipi lono xathavetsuke.

YEKIKITHI AKINIU 1:10

Tighenguno alokutsu eno akighithi itsulo panongu shou ayeh penike ino avehupu shi anie. Tikumo aye niye kishi owu timi hijejehi shou ayeh peluni kya?”

YEKIKITHI AKINIU 1:12

Ino alokutsu eno akighithi otsuni. Tinguno alaughi akuakini, ajekipi kukami ozuu eno othiu khunomu pighichemokeu pe otsuni.”

YEKIKITHI AKINIU 26:5

Achine kudau pa kukutsuu Zekharia xuaphi kutolo pano amikucho shi AMPEU qeche ke eno Alhou no pa kumghatsu ke.

JOB 32:8

Ikemu timi lolo anguagha akeu, eno Tuchomujokulu Lhou tuthuno panongu pelo ithi tsaqui lu cheni peke.

AHOLE 2:6

Kughengu AMPEU no alokutsu tsucheni eno pa kichi no akighithi ngo vethakulu ighi cheni.

YETSAPIU 2:26

Alhou no alokutsu, akighithi eno alokiqi pesu pa pulou shichekemi tsucheni ikemu pano axinemi pelo qeluno pekikelu chenipe tishianguno panoqono aghikeu pesu pa pulou shichekemi tsu niyeke.Hi kumtsu adouke. Hiye amlhu kugha ju puha ake paphike.

ISAIAH 28:26

Paye pa kumla kishi shikepu keno ithi ani kughengu Alhou no pa shikapiyeke.

EZEKEL 28:3

Noye Danel nguno alokutsuu eno kiumu olauno tuqhou qhipuave mlakepi nono kumsuke.

DANIEL 1:18

Akukauno ampe kuthu kihitha tsukeu kupuve kemtsa, Ashpenaz no lhothemi lojichekeqo kumtsu Nebukadnezar lau saghi.

DANIEL 1:20

Akukauno kishi kutho kuzu tsa panongu vilo iniju pina eno akupuna jeli kiu panongu zulo sughi pimu pano bidiye ghuthu chighino kutami pano ghakhulo kuduumi eno auye kujumi nguno akiviu shi khochilelu eno xathalu.

DANIEL 1:4

Panonguye ajukivimi, alokutsumi, thaikemi, pikhavi lono ithivekemi eno aphiau kupukulai jukivimi shi aghimasa, akukau hiyam lo mlakuzupu shilupeni kehu. Ashpenaz no Babilonmi tsa panongu phipiye eno yepiye penikeu shia.

DANIEL 10:1

Cyrus akukauno Persia lo kakeu ampe akuthuu shi akelono, asutsa lakhi Danel vilo pi, pa je kutau Belthashazar ghi kucheni. Asutsa tipauye kuchou ikemu ithi nike ighono sho. Tipau kungunhetsu lono hephope pa piye.

DANIEL 2:19

Tipajino kusu puakeu hu Danel pelo kungunhetsu lono ithiluvepe tighenguno kungulo kuau Alhou sheqhe:

DANIEL 2:21

Atusho aghulokiye pa ghakusu qholo ani; Akukau shipenimu shipemovenimu pa gho lono shi cheni Alokutsu akighithi tsuche keu huye pake.

DANIEL 2:23

Nipuasu Lhou akishe agigihupe otsu ani. Nono alokutsu eno akumto itsuke; nono akighini khochiletsu eno akukau vilo kiu pikepu keno nipiyesu tsue.”

DANIEL 2:30

Tipau tuqhou ilau piyesuve tsuae, ino kutami nguno alokutsuu keghenguno kumoe, ikemu akukau pelo pano kumsumave keu samo eno tipau kiqi ithivepe niye ipiyesutsuke.

DANIEL 4:6

Ino ahza tsukeuno Babilon yeghiqhalo akukau qholo kijemi kumtsu ilau saghi eno asamo kiqi ivilo pitsulo pike.

DANIEL 5:14

Akimthe Lhou ghunguno ogholo acheni ipikeu ino chiluve ake eno tishikeu lono shikulupu eno akighithi alokutsu anike.

DANIEL 7:1

Babilon lo Belshazar no kalukeu mpe atughiulo ino asamo lakhi pumolu eno tipajino kungunhetsu lono ithulu. Ino asamo yepe qhive,

DANIEL 8:1

Belshazar no kakeu mpe akuthuu shi akelono ino kungunhetsu akiniu ithulu.

AKIKIHI 12:6

eno AMPEU no pi, “Ino kiu pini keno inijulo! Tungkupumi nongu gholo ake ghulokilo ino kungunhetsu lono ikutoshino panongu nhepithe eno asamouno putsa cheni.

Luke 21:15

kughengu noghumi lakhi nomu nonguno pikeulo puthugho mla momu lamla kepu tsa eno alokutsu ino nongu tsu nani.

Apostolmi 6:10

Ikemu panonguye Stifan no Aghungu lokutsu lono pikeulo ghechilemlave.

Apostolmi 7:10

eno pa kuxu-kusa kumtsu lono pa xaphelu. Alhou no alokutsu eno timi lopu pesu Josef tsukeu lono pano Ijip lo akukau Farao zulo wukelo, Farao no pa pelo Ijip yeghilo Ahng shipe eno akukau kibo shou peithakutsu-u shivepe.

Apostolmi 7:22

Ijipmi kighithi lokutsu kumtsu pesu pa shika puthu, eno atsalo na akumlalo namu kijemi lakhi shiluve.

Kolosiami 1:9

Ikehu ninguno tipau chiluke tsala lono ningu ghi tamono nongu ghenguno inikhutsu ani. Alhou pulou kighithi eno tipau ithikuthulu kepushi Aghungu no tsukeu lokutsu pesu nongu lolo sutsupe nike ninguno inikhutsu anike.

James 1:17

Aghokivi jeli eno viwotokulu kumsagho jeli kumtsu kunguuno ighi cheni, tipaqoye kungughalo akuvuqo lhokeu Apu launo ighi cheni. Paye kilive chemoe momu paye iqekeu eno yekukhu kuha.

James 1:5

Nongu gholo khamino alokutsu kuha aye Alhou vilo khulo eno tipau pa tsu nanike; kughengu Alhou ye ngukughi sakiyimo puzu letha bethamono kumtsu lau tsu cheni.